ក្រុងសួង: គណៈកម្មការគ្រប់គ្រងផ្សារសួង កម្លាំងប៉ុស្តិ៍នគរបាលសង្កាត់សួង បានចុះរៀបចំ សណ្តាប់ធ្នាប់ ចំពោះក្រុមអាជីវករលក់ដូរទំនិញផ្សេងៗ នៅក្នុងបរិវេណផ្សារសួងដើម្បីគូសគំនូសកំណត់ទីតាំងលក់អោយមានរបៀបរៀបរយ សណ្តាប់ធ្នាប់ល្អ នឹងមិនធ្វើឱ្យប៉ះពាល់ដល់ចរាចរណ៍សាធារណៈ កាលពីរព្រឹកថ្ងៃទី១១ខែសីហា ឆ្នាំ២០២៣ ។
គណៈកម្មការផ្សារចុះរៀបចំ សណ្តាប់ធ្នាប់ ខាងក្នុងផ្សារ និងជុំវិញបរិវេណផ្សារ អោយមានរបៀបរាបរយ សណ្តាប់ធ្នាប់ សាធារណៈល្អប្រសើរ ដើម្បីផ្លូវមានសភាពធំទូលាយដែលអាចធ្វើអោយបងប្អូន ប្រជាពលរដ្ឋ ចេញចូលបានស្រួល ជាពិសេស ងាយស្រួលនៅពេលមានហានិភ័យណាមួយកើតឡើង គឺអាចចេញចូលបានល្អ ។
ក្នុងនោះផងដែរគណៈកម្មការផ្សារ ក៏ធ្វើការផ្សព្វផ្សាយ ណែនាំ ទៅដល់អាជីវករ ក៏ដូចជា អ្នកទៅ ទិញទំនិញ ម្ហូប អាហារ ក្នុងផ្សារទាំងអស់សូមចូលរួមថែរក្សា អនាម័យ បរិស្ថានជាប់ជាប្រចាំ ។ ពីព្រោះថា សំរាម និង បរិស្ថានមិនល្អនេះហើយ គឺជាប្រភពដែលនាំអោយកើតមានជំងឺគ្រប់ប្រភេទ ដូច្នេះហើយ សូមបងប្អូនទាំងអស់ នាំគ្នាជួយសហការជាមួយគណៈកម្មការផ្សារ ក្នុងការ បោសសំអាត សំរាម អនាម័យ បរិស្ថានអោយបានស្អាតជានិច្ច ទើបយើងឈ្នះអស់ជំងឺទាំងឡាយ ៕
