តាមប្រភពព័ត៌មានដែលអង្គភាពខ្ញុំបានទទួល អំពីប្រជាពលរដ្ឋក៏ដូចជាបងប្អូនដែលអ្នកចូលទៅលេងល្បែងនៅទីនោះផ្ទាល់តែម្ដង ថាបុគ្គលឈ្មោះ ឡុង ម៉េង បុគ្គលឈ្មោះ ប៊ូ សុខខេម ហៅស្រីមុំ និងឈ្មោះ ម៉ាប់ ដែលមួយរយៈមុននាំគ្នាបើកល្បែងស៊ីសងនៅក្នុងបុរីអូគីដេ។ផ្ទះលេខ 83 ដែលមានអង្គភាពសារព័ត៌មានធ្លាប់បានចុះផ្សាយម្ដង ជាពីរដងរួចមកហើយ ឥឡូវនេះក្រុមទាំងអស់ហ្នឹង បាននិងកំពុងនាំគ្នាទៅបើកល្បែងស៊ីសង នៅលើខុនដូស្តារស៊ីធី នៅជាន់ទី 2 បន្ទប់លេខ 2 0 5 ដែលមានទីតាំងជាប់នឹងស្ពានអាកាសផ្សារដីហុយ អាស្រ័យហេតុនេះ សូមឯកឧត្តមឧត្តមសេនីយ៍ទោ ជួន ណារិន អគ្គស្នងការរងនគរបាលជាតិនិងជាស្នងការនគរបាលរាជធានីភ្នំពេញ។ មេត្តាជួយចាត់វិធានការទៅក្រុមទាំងអស់ហ្នឹងផង។ ក៏ដូចជាសំណូមពរទៅដល់ ឯកឧត្តម ឃួង ស្រេង អភិបាលនៃគណៈអភិបាលរាជធានីភ្នំពេញលោកហួរ ម៉េងវ៉ាង អធិការខណ្ឌសែនសុខ ក៏ដូចជាលោក ម៉ូវ ម៉ានិតអភិបាលខណ្ឌសែនសុខ លោកមេត្តាចាត់វិធានការចំពោះបុគ្គលទាំងអស់នឹងផង។ ព្រោះថាពួកខ្ញុំបាទក្នុងនាមជាអ្នកសារព័ត៌មាន បានត្រឹមតែទទួលព័ត៌មានអំពីប្រជាពលរដ្ឋ រួចនាំគ្នារាយការណ៍ជូនថ្នាក់ដឹកនាំដើម្បីមានវិធានការទៅលើក្រុមអ្នកបើកល្បែងស៊ីសងទាំងអស់នោះ។ អាស្រ័យដូចបានជម្រាបជូនខាងលើ ប្រសិនបើ ភាគីពាក់ព័ន្ធ គិតថាខ្លួនមិនបានបើកល្បែងស៊ីសង ដូចជាការដែរប្រជាពលរដ្ឋលោកបានរាយការណ៍មកអង្គភាពខ្ញុំបាទ អស់លោកអាចចូលរួមបកស្រាយ មកអង្គភាពខ្ញុំបានគ្រប់ម៉ោងធ្វើការ
