ខេត្តកំពង់ឆ្នាំង ៖ ឡូនេសាទលេខ១០ក្នុងព្រែកក្បាលក្រឡង់ ភូមិក្បាលក្រឡង់ ឃុំពាមឆ្គោក ស្រុកជលគីរី ខេត្តកំពង់ឆ្នាំង ត្រួវបានបងប្អូនជាជាពលរដ្ឋដែលរស់នៅស្របមាត់ព្រែកនេះ រាយការណ៍មកថា មានឈ្មួញធំៗ មានអំណាចបានដាក់សំរាស់បិទពេញផ្ទៃព្រែកនោះតែម្តង ហើយថែមទាំងមានជើងកាងម្នាក់ឈ្មោះ បូ ដែលជាជនជាតិវៀតណាម ជាអ្នកកាងនិងគំរាមគំហែងបងប្អូនប្រជាពលរដ្ឋមិនឱ្យចូលនេសាទត្រីនៅទីនោះឡើង ដោយទុកឱ្យឈ្មួញធំៗធ្វើនេសាទត្រីយកលក់យ៉ាងរំភើយ គ្មានសមត្ថកិច្ចនិងអាជ្ញាមូលដ្ឋាន ពិសេសមន្ត្រីជលផលចុះអន្តរាគមន៍ឡើយ ។
ក្រុមប្រជាពលរដ្ឋបានប្រាប់ឱ្យដឹងថាដោយសារតែមានការរាងរាំងមិនឱ្យនេសាទត្រី និងមានជើងការ ឈ្មោះ បូ ដែលជាជនជាតិវៀតណាមនោះ ធ្វើឱ្យបងប្អូនប្រជាពលរដ្ឋរាប់រយគ្រួសារ បានប្រតិកម្មយ៉ាងខ្លាំង ដោយឈ្មោះ បូ បានយកទូកធំៗនិងដាក់សំរាស់បិទកំណាត់ឡូលេខ១០ក្នុងព្រែកក្បាលក្រឡង់នេះតែម្តង ដោយរារាំងមិនឱ្យពលរដ្ឋតូចតាចចូលរកនេសាទត្រីជាលក្ខណះគ្រួសារបានឡើយ។ ហើយមិនតែប៉ុណ្ណោះមិនឱ្យប្រជាពលរដ្ឋេស់នៅជាប់មាត់ឡូលេខ១០នោះ ធ្វើការបូមទឹកយកមកធ្វើស្រែចម្ការប្រចាំថ្ងៃបាននោះទេ ។
ក្រុមប្រជាពលរដ្ឋបានប្រាប់ឱ្យដឹងបន្ថែមទៀតថា ឡូនេសាទលេខ១០ក្នុងព្រៃក្បាលក្រឡង់ នេះត្រូវបានខាងជលផង បិទមួយផ្នែងកំណាត់ខាងលើ ដើម្បីទុកអភិរ័ក្សពូជត្រី ។ ហើយផ្នែកខាងក្រោម បើកឱ្យប្រជាពលរដ្ឋធ្វើនេសាទអាស្រ័យផលត្រី ជាលក្ខណៈគ្រួសារ ។
ប៉ុន្តែប្រជាពលរដ្ឋមិនបាននេសាទនីទីនោះទេ ដោយសារតែអ្នកមានអំណាច ឃុបឃិតជាមួយពួកឈ្មួញធំៗ បានដាក់សំរាស់កាត់ពេញផ្ទៃព្រៃក្បាលក្រឡង់ ឡូលេខ១០នោះតែម្តង ។
ជាមួយគ្នានេះជើងកាងឈ្មោះ បូ ដែលជាជនជាតិវៀតណាម បានយកទូកធំៗទៅចតពាំង មិនឱ្យទូកតូចៗរបស់ប្រជាពលរដ្ឋចូលទីនេសាទត្រីនៅផ្នែកខាងក្រោមបានឡើយ ដោយទុកឱ្យបក្ខពួកគេជាអ្នកនេសាទ យកលក់ឱ្យឈ្មួញត្រីធំៗ យកទៅលក់តាមទីផ្សារ ។
ក្រុមពលរដ្ឋបានឱ្យដឹងទៀតថា ទូកដែលចូលទៅនេសាទត្រីនៅទីនោះបានត្រូវតែបង់លុយឱ្យទៅជើងកាងឈ្មោះ បូ ដែលជាជនជាតិវៀតណាមនោះក្នុងមួយទូងជាង១លានរៀលឯងណោះ ទើបនេសាទបាន ហើយបើមិនបង់ទេ ជើងកាងឈ្មោះនោះនឹងចាប់យកទូកពួកគាត់ទុក ។
ជាមួយនឹងសកម្មភាពខាងលើនេះ បងប្អូនប្រជានេសាទមិនដឹងថា ជើងកាងឈ្មោះ បូ រូបនេះទំនងជាមានភ្លើងខៀវ និងឃុបឃិតគ្នាជាមួយមន្ត្រីជលផលនៅទីនោះឫយ៉ាងណាទេ បានជាឈ្មោះ បូ ហ៊ាងចេញមុខកាង នឹងយកទូកធំៗមកដាក់ពាំង មិនឱ្យពលរដ្ឋនេសាទបានស្រប តាមគោលការណ៍របស់រាជរដ្ឋាភិបាលដែលមានសម្តេចតេជោហ៊ុន សែន ជានាយករដ្ឋមន្ត្រី និងក្រសួងកដិកម្មនោះទេ ។
ក្រុមប្រជាពលរដ្ឋបានបញ្ជាក់ថា ពួកគាត់បានរាយការណ៍ទៅមន្ត្រីជលផល និងសមត្ថកិច្ចមូលដ្ឋាន ឱ្យជួយអន្តរាញមន៍ពីករណីខាងលើនេះដែរ តែគ្មានឃើញមុខមន្ត្រីណាម្នាក់មកជួយដោះទុក្ខលំបាក់ជូនពួកគាត់ទេ។ អ៊ីចឹងហើយទើបពួកគាត់រកអន្តរាគមន៍ពីក្រុមអ្នកសារព័ត៌មាន ជួយចុះផ្សាយដើម្បីឱ្យថ្នាក់បានដឹង និងសូមឱ្យថ្នាក់លើជួយអន្តរាគមន៍ឱ្យពួកគាត់បានចូលប្រកបរបរនេសាទត្រីនៅតំបន់នោះផង ។
