ខេត្តត្បូងឃ្មុំ)នាព្រឹកថ្ងៃទី១៤ ខែ ធ្នូ ឆ្នាំ២០២៣នេះ ឯកឧត្តមបណ្ឌិត ជាម ច័ន្ទសោភ័ណ ប្រធានគណៈកម្មាធិការសាខកាកបាទក្រហមកម្ពុជាខេត្តត្បូងឃ្មុំ ឯកឧត្តមបណ្ឌិត ឈិម ឃិមដារ៉េតអគ្គលេខាធិការដ្ឋានអាជ្ញាធរជាតិប្រយុទ្ធប្រឆាំងជំងឺអេដស៍និងជាតំណាងដ៏ខ្ពង់ខ្ពស់ឯកឧត្តមទេសរដ្ឋមន្ត្រី អៀង ម៉ូលីអញ្ជើញជាអធិបតីភាព ទិវាពិភពលោកប្រយុទ្ធនឹងជំងឺអេដស៍ ១ធ្នូ ២០២៣ ក្នុងបរិវេណមន្ទីរពេទ្យបង្អែកព្រះនរោត្តមសីហនុក្រុងសួងដោយមានការចូលរួមពីអភិបាលរងខេត្តប្រធានមន្ទីរ អង្គភាព និងអ្នកផ្ទុកមេរោគអេដស៍ ជំងឺអេដស៍សរុបចំនួន១០០នាក់។
ក្នុងឱកាសនោះ ឯកឧត្តមបណ្ឌិត ជាម ច័ន្ទសោភ័ណ បានអានសារលិខិតសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា និងជាឥស្សរជនឆ្នើមថ្នាក់ជាតិ នៃវេទិកាភាពជាអ្នកដឹកនាំតំបន់អាស៊ី-ប៉ាស៊ីហ្វិក ឆ្លើយតបមេរោគអេដស៍ ជំងឺអេដស៍ និងការអភិវឌ្ឍនៅកម្ពុជា ទិវាពិភពលោកប្រយុទ្ធនឹងជំងឺអេដស៍ ១ធ្នូ ឆ្នាំ២០២៣ ក្រោមប្រធានបទ «សហគមន៍តែមួយ ដឹកនាំឆ្ពោះទៅបញ្ចប់ជំងឺអេសដ៍» ទាមទារឲ្យមានការចូលរួមឲ្យបានពេញលេញ និងការបេ្តជ្ញាចិត្ត។
ឯកឧត្តមបណ្ឌិត ជាម ច័ន្ទសោភ័ណ បានលើកឡើង នូវការយកចិត្តទុកដាក់ខ្ពស់ពីសំណាក់សម្តេចបរវធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា ចំពោះវិស័យសុខាភិបាល ពិសេសសុខុមាលភាពប្រជាពលរដ្ឋ ដោយបានពង្រឹងមណ្ឌលសុុខភាពទាំងអស់នៅទូទាំងប្រទេស តាមយៈការផ្តល់សម្ភារៈបរិក្ខារ ផ្តល់ថ្នាំសង្កូវ និងផ្តល់លក្ខ័ណ្ឌអទិភាពផ្សេងៗជាច្រើនទៀតដល់លោកគ្រូអ្នកគ្រូពេទ្យ ជាពិសេសការគិតគូរគាំពារសង្គម ក្នុងនោះពលរដ្ឋមានជីវភាពក្រីក្រលំបាក បានផ្តល់ជូននៅប័ណ្ណក្រីក្រ ដើម្បីពិនិត្យព្យាបាលដោយមិនគិតថ្លៃ អស់លុយកាក់នោះឡើយ។
ឯកឧត្តមបណ្ឌិតបន្ដថា យើងពិតជាមានការសោកស្តាយការចម្លងនៅតែមានការកើតឡើង ហើយអ្នកដែលចម្លង គឺជាអ្នកដែលស្រឡាញ់ភេទដូចគ្នា។ ទំនាក់ទំនងបុរសស្រឡាញ់បុរស យើងត្រូវបង្កើតយុទ្ធនាការឡើងវិញ ដើម្បីធ្វើការផ្សព្វផ្សាយអប់រំ ឲ្យបានទូលំទូលាយ ដែលមានអង្គការចូលរួមនូវសកម្មភាពមួយចំនួន ដើម្បីបង្ការ ទប់ស្កាត់ការឆ្លងរាលដាលនៃជំងឺអេដស៍។
ប្រសិនមានអង្គការចូលរួម គឺយើងធ្វើការចំគោលដៅបានល្អ ចាំបាច់គោលដៅធ្វើយុទ្ធនាការទៅលើមុខសញ្ញា ដែលមានការចម្លងច្រើនឲ្យមានការប្រុងប្រយ័ត្នការពារបន្ថែមទៀត ហើយយុទ្ធនាការរបស់យើងធ្វើឲ្យចំគោលដៅ។ ផ្តើមចេញពីការស្រឡាញ់ភេទដូចគ្នា កម្ពុជាបានធ្វើយុទ្ធនាការបំបាត់ការរើសអើង ចំពោះអ្នកផ្ទុកមេរោគអេដស៍ ជំងឺអេដស៍ ក្នុងនោះយើងបានជួយគាំទ្រផ្នែកស្មារតី ក៏ដូចការព្យាបាល ដូច្នេះត្រូវបន្តខិតខំថែទាំសុខភាព ការហូបចុកឲ្យមានអនាម័យ ដើម្បីសុខមាលភាពរបស់បានកាន់ទេល្អប្រសើរ។
សូមជម្រាបថា អំណោយដែលបានចែកជូនអ្នកផ្ទុកក្នុងម្នាក់អង្ករ២៥គីឡូក្រាម មី១កេស ទឹកត្រី១យួរ ទឹកសុីអុីវ១យួរ ត្រីខ១យួរ ប្រេងឆា១ដប ថវិកាមួយចំនួនផងដែរ៕
