ត្បូងឃ្មុំ ៖ ក្រុមការងាររាជរដ្ឋាភិបាលចុះមូលដ្ឋានសង្កាត់ទាំង២ នៃក្រុងសួង ខេត្តត្បូងឃ្មុំ គឺសង្កាត់សួង និង សង្កាត់វិហារលួង ត្រូវបានប្រកាសទទួលស្គាល់ជាផ្លូវការ នៅថ្ងៃទី២៧ ខែមេសា ឆ្នាំ ២០២៤ នៅសាលាក្រុងសួង ក្រោមអធិបតីភាពឯកឧត្តម ធា គ្រុយ រដ្ឋលេខាធិការក្រសួងសុខាភិបាល និជាងប្រធានក្រុមការងាររាជរដ្ឋាភិបាលចុះមូលដ្ឋានក្រុងសួង ដោយសង្កាត់សួងឯកឧត្តម ហេង ចាន់ឌី រដ្ឋលេខាធិការក្រសួងអធិការកិច្ចជាប្រធាន និងសង្កាត់វិហារលួង ឯកឧត្តម ឆាត សុឆេត រដ្ឋលេខាក្រសួងធម្មការ និងសាសនា ជាប្រធាន ។
មានប្រសាសន៍ក្នុងឳកាសនោះឯកឧត្តម ធា គ្រុយ បានលើកឡើងថា វាជាការចាំបាច់មួយដែលក្រុមការងាររាជរដ្ឋាភិបាលត្រូវរៀបចំរចនាសម្ព័ន្ធដឹកនាំ សម្រាប់ចុះមូលដ្ឋានជួបជាមួយប្រជាពលរដ្ឋដោយផ្ទាល់ និងជាប្រចាំដើម្បីប្រមូលនៅគ្រប់បញ្ហាដែលជាសំណូមពររបស់ប្រជាពលរដ្ឋមកដោះស្រាយឳ្យបានទាន់ពេលវេលា ។ ក្នុងនោះក្រុមការងារដែលបានប្រកាសទទួលស្គាល់នៅថ្ងៃនេះត្រូវចុះ ផ្សព្វផ្សាយកម្មវិធីនយោបាយរបស់រាជរដ្ឋភិបាល និងសកម្មភាពល្អរបស់់រាជរដ្ឋាភិបាលឳ្យប្រជាពលរដ្ឋបានដឹង និងបានយល់ ក្នុងនោះត្រូវសិក្សាកំណត់ រៀបចំវេទិការសាធារណៈ ដើម្បីប្រមូលយកគ្រប់បញ្ហាមកដោះស្រាយ ក៏ជាដើម្បផ្សាភ្ជាប់គ្រប់សកម្មភាពរស់នៅរបស់ប្រជាពលរដ្ឋ ។
ឯកឧត្តមបន្តថា សម្រាប់អាជ្ញាធរពាក់ព័ន្ធ ត្រូវស្រាវជ្រាវជាប្រចាំ ក្នុងការងារទប់ស្កាត់បទល្មើសគ្រប់ប្រភេទ ដូចជា ល្បែងស៊ីសង បទល្មើសគ្រឿងញៀន និងអំពើចោរកម្មផ្សេងៗ ដោយមិនត្រូវឳ្យមានដាច់ខាតក្នុងមូលដ្ឋានរបស់យើង ក្នុងនោះត្រូវបន្ត ផ្តល់សេវាសាធារណៈជូនប្រជាពលរដ្ឋឳ្យបានល្អ និងទាន់ពេលវេលា ជូនប្រជាពលរដ្ឋ ។
បើតាករបាយការលោក ជា ណារ៉ុន អភិបាលក្រុងសួង បានឳ្យដឹងថា ក្នុងអាណត្តិទី៦ រដ្ឋបាលក្រុងសម្រេចបានលទ្ធផលជាច្រើនចូវជាការកសាងផ្លូវក្រាលកៅស៊ូ ផ្លូវបេតុងអាមេ និងដាក់អំពូលភ្លើងសូឡា ស្តាប្រឡាយ ជួសជុលផ្លូវក្រាលគ្រួសក្រហម និងស្ថាបនាសួនច្បារ និងកសាងហេដ្ឋារចនាសម្ព័ន្ធជាច្រើនទៀតសម្រាប់បម្រើផលប្រយោជន៍ប្រជាពលរដ្ឋក្នុងក្រុងសួងដោយផ្ទាល់ និងប្រជាពលរដ្ឋដែលធ្វើដំណើរឆ្លងកាត់រកស៊ីប្រចាំថ្ងៃ ។ ក្រៅពីការងារអភិវឌ្ឍន៍នូវហេដ្ឋារចនាសម្ព័ន្ធខាងលើ រដ្ឋបាលក្រុងក៏កំពុងយកចិត្តទុកដាក់ផងដែរលើការងារផ្តល់សេវាសាធារណៈ ការងារសន្តិសុខសណ្តាប់ធ្នាប់សាធារណៈ ដោយអនុវត្តបានយ៉ាងខ្ជាប់ខ្ជួន នូវគោលនយោបាយភូមិ ឃុំ សង្កាត់ មានសុវត្ថិភាព ធ្វើឳ្យប្រជាពលរដ្ឋនៅដោយភាពសុខសាន្ត គ្មានការភ័យខ្លាច ក្នុងការងារលើកកម្ពស់សុខមាលភាពរបស់ប្រជាពលរដ្ឋក៏ត្រូវបានគិតគូរយកចិត្ត ទុកដាក់ខ្ពស់ បញ្ហាទុក្ខលំបាករបស់ប្រជាពលរដ្ឋត្រូវបានដោះស្រាយជាបន្តបន្ទាប់ ។
