ខេត្តព្រះវិហារ ៖ គ្រោះធម្មជាតិមួយ បង្កឡើងដោយខ្យល់កន្ត្រាក់ បានវាយប្រហារមកលើសាលាអនុវិទ្យាល័យភ្នំឆត្រ័សែនជ័យ បណ្តាលឱ្យរោងដោលក្នុងសាលាអនុវិទ្យាល័យខាងលើនេះរាបដល់ដី ខូចខាតទាំងស្រុង តែសំណាងល្អមិនបណ្តាលឱ្យមានសិស្សានុសិស្ស ក៏ដូចជាលោកគ្រូអ្នកគ្រូណាម្នាក់រងរបួសក្នុងហេតុការណ៍នោះឡើយ ។
បើយោងតាមរបាយការណ៍របស់លោកប្រាក់ ភី មេឃុំស្រអែម បានឱ្យដឹងថា ហេតុការណ៏ខ្យល់កន្ត្រាក់មួយនេះបានកើតឡើងកាលពីវេលាម៉ោងប្រមាណ៤ៈ០០នាទី រសៀលថ្ងៃទី១៣ ខែមីនា ឆ្នាំ២០២០ ម្សិលមិញនេះ ។
គួរបញ្ជាក់ផងដែរថា ទីតាំងអនុវិទ្យាល័យខាងលើនេះ គឺស្ថិតក្នុងភូមិសែនជ័យ ឃុំស្រអែម ស្រុកជាំក្សាន្ត ខេត្តព្រះវិហារជាមួយគ្នានេះដែរលោក ភីវ ដៀនអភិបាលរងស្ដីទី ស្រុកជាំក្សាន្ត បានអោយដឹងថាទំហំ នៃកាខូចខាតក្នុងគ្រោះធម្មជាតិនោះ គឺរោងដោលបានខួចខាតទាំងស្រុង នឹងសម្ភារៈឯកសាររបស់គ្រូដែលមាន នៅក្នុងរោងដោលនោះត្រូវបានបាត់បង់ នឹងខូចខាត់មួយចំនួនធំ។បើទោះជាយ៉ាងណានោះ លោកអភិបាលស្ដីទីស្រុកជាំក្សាន្ត លោកនឹងដឹកនាំកម្លាំងឯកភាពរដ្ឋបាលស្រុក ចុះទៅរុះរើធ្វើរោងដោលខាងលើនេះបណ្តោះអាសន្នសម្រាបអោយសិស្សានុសិស្សបានចូលរៀនវិញ ។
ទទឹមនោះលោកគ្រូ អ្នកគ្រូក៏ដូចជាអាណាព្យាបាលសិស្សនៅវិទ្យាល័យភ្នំឆត្រ័សែនជ័យនេះ លោកសូមអំពាវនាវដល់សប្បុរសជនអស់លោក លោកស្រី ក្នុងនឹងក្រៅប្រទេស សម្តេចទ្រង់ ឯកឩត្តមលោកឧញ្ញ៉ា មេត្តាជួយសាងសងសាលាអនុវិទ្យាខាងលើនេះ អោយបានទៅជាសាលាថ្ម ជូនដល់កូនចៅរបស់ពួកគាត់ផងបើមិនដូច្នេះទេ ហានិភ័យដែលកើតមានឡើងសម្រាប់សាលារៀនខាងលើនេះ ទៅថ្ងៃមុខម្តងទៀតជាក់ជាមិនខានឡើយ ៕
