រាជធានីភ្នំពេញ ៖ នាថ្ងៃច័ន្ទ ៤កើត ខែជេស្ឋ ឆ្នាំជូត ទោស័ក ពុទ្ធសករាជ ២៥៦៤ ត្រូវនឹងថ្ងៃទី២៥ ខែឧសភា ឆ្នាំ២០២០ ឯកឧត្តម ខៀវ កាញារីទ្ធ រដ្ឋមន្រ្តីក្រសួងព័ត៌មាន ទទួលសៀវភៅជាភាសាអង់គ្លេស ដែលមានចំណងជើង “The Journey of a Down-to-earth Diplomat” ចំនួន ៨០ច្បាប់ ពីឯកឧត្តម ហោ ណាំបូរ៉ា ជាអ្នកការទូតកម្ពុជា ដ៏មានបទពិសោធន៍មួយរូប នាព្រឹកថ្ងៃទី២៥ ខែឧសភា ឆ្នាំ២០២០ នាទីស្តីការក្រសួង ។
សៀវភៅនេះរៀបរាប់ពីបទពិសោធន៍ការងារការទូតរបស់ឯកឧត្តម ហោ ណាំបូរ៉ា ជាង២៥ឆ្នាំកន្លងមកនេះ ហើយសៀវភៅនេះមានលក់នៅបណ្ណាគារ Monuments Books និងបណ្ណាគារមួយចំនួនទៀត។
