ខេត្តស្ទឹងត្រែង ៖ មន្ត្រីមន្ទីរសុខាភិបាលខេត្តស្ទឹងត្រែងបានបង្កើនការអនុវត្តយ៉ាងម៉ឺងមាត់ក្នុងការបង្ការជម្ងឺ(កូវីដ១៩)ដោយបានបាញ់ថ្មាំសម្លាប់មេរោគជាយុទ្ធវិធីបង្ការ ហើយនេះក៏ជាសកម្មភាពចលនាប្រជាពលរដ្ឋកុំឱ្យភ្លេចស្មារតីក្នុងការបង្ការជម្ងឺកូវីដ១៩កុំឱ្យកើតមានមកដល់សហគមន៍។
ក្នុងសកម្មភាពបាញ់ថ្នាំសម្លាប់មេរោគ នៅតាមទីសាធារណៈនៅខេត្តស្ទឹងត្រែង កាលពីថ្មីៗនេះ លោកវេជ្ជបណ្ឌិត ទន់ វុទ្ធី អនុប្រធានមន្ទីរ សុខាភិបាល និងជាប្រធានអន្តរាគមន៍ប្រយុទ្ធនិងជំងឺឆ្លងបានបញ្ជាក់ថា៖ នេះជាយុទ្ធនាការមួយបន្ថែមពីលើការផ្សព្វផ្សាយនិងអប់រំ ដើម្បីឱ្យប្រជាពលរដ្ឋបង្កើននៅវិធានការបង្ការជំងឺCovid-19 ឱ្យកាន់តែមានប្រសិទ្ធភាព ព្រោះពេលនេះរដូវធ្លាក់ភ្លៀងមកដល់អាកាសធាតុមានកំដៅថយចុះជាសញ្ញាមួយឱ្យប្រុងប្រយ័ត្ន។
លោកវេជ្ជបណ្ឌិត បន្តថា៖ កន្លងមកមន្ត្រីសុខាភិបាលបានផ្សព្វផ្សាយសារអប់រំ សង្កេតឃើញបងប្អុនប្រជាពលរដ្ឋយើង យល់ដឹង បានទូលំ ទូលាយ ឱ្យចេះថែរ រក្សាសុខភាព ធ្វើអនាម័យបានជាប្រចាំដូចជាការប្រើប្រាស់មាសពាក់ ការលាងសំអាត់ដៃ និងអាល់កុលឬសាប៊ូជាដើម ។
លោកស្រីយសសុធីតា អាជីវករលក់ដូរនៅផ្សាសាមគ្គីក្រុងស្ទឹងត្រែងបានគាំទ្រចំពោះសកម្មភាពបាញ់ថ្នាំរបស់មន្ត្រីសុខាភិបាល ព្រោះវាបានបញ្ចៀសការព្រួយបារម្ភក្នុងការរស់នៅរបស់បងប្អូនប្រជាពលរដ្ឋ ទូទៅរួមទាំងអ្នកដំណើរផ្សេងៗផងដែរ។ លោកស្រីបន្តថា៖មួយវិញទៀត សកម្មភាពបាញ់ថ្នាំនេះបានក្រើនរំលឹក ដល់មន្រ្តីរាជការ ប្រជាពលរដ្ឋកុំឱ្យភ្លេចខ្លួនក្នុងការបង្ការជំងឺCovid-19ទោះបីថានៅខេត្តស្ទឹងត្រែងគ្មាន ការឆ្លង ជម្ងឺនេះក៍ដោយ។
សូមបញ្ចាក់ថា៖យុទ្ធនាការបាញ់ថ្នាំចំចាត់មេរោគ និងបង្ការជម្ងឺឆ្លង នៅក្នុងខែឧសភានេះមន្ត្រីមន្ទីរសុខាភិបាល ចុះបាញ់នៅតាមមន្ទីរអង្គភាពបានចំនួន២១នៅតាមទីសាធារណៈចំនួនទៅ១ទីប្រជុំផ្សាសាមគ្គី- ចំណតរថយន្ត-និងតាមសួនច្បារសាធារណៈក្នុងក្រុងស្ទឹងត្រែង ៕
