ខេត្តកំពង់ស្ពឺ ៖ កាលពីរសៀលថ្ងៃទី១៩ ខែកញ្ញា ឆ្នាំ២០១៩នេះ ឯកឧត្តម វ៉ី សំណាង អភិបាល នៃគណៈអភិបាលខេត្តកំពង់ស្ពឺ ឯកឧត្តម សំ រិទ្ធី អ្នកតំណាងរាស្រ្តមណ្ឌលកំពង់ស្ពឺបានអញ្ជើញ ចូលរួមរំលែកទុក្ខ ដល់គ្រួសារនៃសព ស្ថិតនៅភូមិបឹងងោង ឃុំទឹកល្អក់ ស្រុកគងពិសី ដែលបានស្លាប់ក្នុងហេតុការណ៍គ្រោះថ្នាក់ចរាចរណ៍ កាលពីយប់មិញ នៅលើផ្លូវលេខ៤១ គីឡូម៉ែត្រលេខ១៤ទៅលេខ១៥ ស្លាប់២នាក់បងប្អូន និងប្ដី (សរុប ៣នាក់ក្នុងគ្រួសារតែមួយ)។
ក្នុងឱកាសចូលរួមរំលែកទុក្ខនោះដែរ ឯកឧត្តម ក៏បាននាំយកនូវថវិការ និងសម្ភារៈគ្រឿងឧបភោគមួយចំនួនជូនដល់ក្រុមគ្រួសារនៃសពផងដែរ។
គួររំលឹកផងដែលថាកាលពីវេលាម៉ោង០៦និង២៥នាទីព្រលប់ថ្ងៃទី១៩ខែកញ្ញាឆ្នាំ២០១៩នៅលើកំណាត់ផ្លូវជាតិលេខ៤១ ត្រង់ចំណុចគីឡូម៉ែត្រលេខ១៤ទៅលេខ១៥ ដែលបណ្តាលមកពីរថយន្តអ្នកដំណើរបុកជាមួយរថយន្ដដឹកកម្មកររោងចក្រនិងម៉ូតូ២គ្រឿងទៀត។
បន្ទាប់ពីទទួលដំណឹងថាមានហេតុការណ៍គ្រោះថ្នាក់ចរាចរណ៍ ភ្លាមៗនោះដែរ ឯកឧត្តម វ៉ី សំណាង អភិបាល នៃគណៈអភិបាលខេត្តកំពង់ស្ពឺ ក៏បានអញ្ជើញចុះពិនិត្យស្ថានភាពជាក់ស្ដែងនៅកន្លែងកើតហេតុទាំងយប់ផងដែរ ។
បើតាមសមត្ថកិច្ចបានអោយដឹងថាកើតហេតុនៅ ត្រង់ចំណុចភូមិទួលតាសុខ ឃុំសែន ដី ស្រុកសំរោងទង ខេត្តកំពង់ស្ពឺ
មានរថយន្ដ១គ្រឿងម៉ាក ហ្វត (Fort) ពណ៌ទឹកប្រាក់ ពាក់ស្លាកលេខភ្នំពេញ 2A-1161 អ្នកបើកបរមិនស្គាល់អត្តសញ្ញាណ រត់គេចខ្លួន បើកបរពីត្បូងទៅជើងមកដល់ចំណុចខាងលើ បានបុកម៉ូតូ02គ្រឿង ទី01 ម៉ូតូម៉ាកហុងដា C125 ពណ៌ខ្មៅ ពាក់ផ្លាកលេខភ្នំពេញ1CU-8356 បើកបរដោយឈ្មោះ សីហា ភេទប្រុសអាយុ27ឆ្នាំស្លាប់តាមផ្លូវពេលបញ្ជូនទៅមន្ទីរពេទ្យ ឌុបមនុស្ស02នាក់ទី01ឈ្មោះ តាំង គឹមលី ភេទស្រី អាយុ23ឆ្នាំ (ស្លាប់)ពេលបញ្ជូនដល់មន្ទីរពេទ្យគងពិសី និងទី02ឈ្មោះ តាំង គឹមចេង ភេទស្រី អាយុ23ឆ្នាំ ស្លាប់នៅតាមផ្លូវពេលបញ្ជូនទៅមន្ទីរពេទ្យអ្នកទាំង03រស់នៅភូមិបឹងងោង ឃុំទឹកល្អក់ ស្រុកគងពិសី និង 01គ្រឿងទៀតម៉ាកធូដេ ពាក់ផ្លាកលេខកបង់ស្ពឺ1K-3898 មិនស្គាល់ឈ្មោះអ្នកបើកបរនិងទីលំនៅ និងជ្រុលទៅបុកផ្ទុបជាមួយរថយន្ដ01គ្រឿងទៀតប្រភេទកូរ៉េ ដឹកកម្មកររោងចក្រ ព័ណ៌ខៀវ ពាក់ស្លាកលេខ ភ្នំពេញ 2AI-2110 បើកបរដោយឈ្មោះ រម្យ ភារុន ភេទប្រុស អាយុ40ឆ្នាំ រស់នៅភូមិគ ឃុំទឹកល្អក់ ស្រុកគងពិសី ដឹកកម្មករ៖
1.ឈ្មោះ កាន ជឿន ភេទប្រុស អាយុ28ឆ្នាំ រស់នៅភូមិគ ឃុំទឹកល្អក់ ស្រុកគងពិសី របួសធ្ងន់
2.ឈ្មោះ ផៃ ស្រីនាថ ភេទស្រី អាយុ18ឆ្នាំ រស់នៅភូមិចំបក់ក្អែ ឃុំទឹកល្អក់ ស្រុកគងពិសី របួសធ្ងន់
3.ឈ្មោះ សឹម សារី ភេទស្រី អាយុ18ឆ្នាំ រស់នៅភូមិគ ឃុំទឹកល្អក់ ស្រុកគងពិសី របួសធ្ងន់
4.ឈ្មោះ សឹម សារិន ភេទស្រី អាយុ38ឆ្នាំ រស់នៅភូមិគ ឃុំទឹកល្អក់ ស្រុកគងពិសី របួសធ្ងន់
5.ឈ្មោះ សឹម ដាវី ភេទស្រី អាយុ17ឆ្នាំ រស់នៅភូមិព្រៃកន្ទៀច ឃុំទឹកល្អក់ ស្រុកគងពិសី របួសស្រា
6.ឈ្មោះ គឹម យាង ភេទស្រី អាយុ23ឆ្នាំ រស់នៅភូមិស្លា ឃុំស្រង់ ស្រុកគងពិសី របួសស្រាល
បើកបរពីទិស ខាងជើងទៅត្បូង បណ្ដាលអោយគ្រោះថ្នាក់មនុស្សនិងខូចខាតសម្ភារដូចខាងក្រោម៖
-ស្លាប់មនុស្ស03នាក់ ស្រី02នាក់ ភាគីម៉ូតូម៉ាកហុងដា សេ125
– របួសមនុស្ស07 ស្រី05នាក់ របួសធ្ងន់05នាក់ ស្រី03នាក់
-ខូចរថយន្ដ02គ្រឿងធ្ងន់ ម៉ូតូ02គ្រឿងធ្ងន់01គ្រឿងម៉ាកហុងដាសេ125 យកទៅរក្សាទុករង់ចាំធ្វើការដោះស្រាយនៅពេលក្រោយ។ចំពោះតៃកុងរថយន្តបង្កហេតុសមត្ថកិច្ចកំពុងតែធ្វើការស្រាវជ្រាវស្វែងរកយកមកផ្តន្ទាទោសតាមផ្លូវច្បាប់៕
