ទាន់ហេតុការណ៍
ថ្នាក់ដឹកនាំក្រសួងរៀបចំដែនដី នគរូបនីយកម្ម និងសំណង់ បន្តពិគ្រោះ ផ្ដល់យោបល់ និងប្រមូលធាតុចូលពីគ្រប់ភាគីពាក់ព័ន្ធ លើសេចក្តីព្រាងច្បាប់ភូមិបាល(ថ្មី) ដើម្បីឱ្យសេចក្តីព្រាងច្បាប់នេះមានលក្ខណៈគ្រប់ជ្រុងជ្រោយ ងាយស្រួលអនុវត្ត ជាពិសេស​ឆ្លើយតបបានចំពោះតម្រូវការសេដ្ឋកិច្ចសង្គមកម្ពុជា។ => បងប្អូនក្រុមវាលទី២១ (ភូមិបាលខណ្ឌដង្កោ)​ ចុះវាស់វែងដីធ្លី ជូនបងប្អូនប្រជាពលរដ្ឋ​ ស្ថិតនៅភូមិក្រញូង ឃុំពោធិអង្រ្គង ស្រុកបសេដ្ឋ ខេត្តកំពង់ស្ពឺ។ => វិញ្ញាបនបត្រសម្គាល់ម្ចាស់អចលនវត្ថុចំនួន ៣ ០១០ ក្បាលដី ត្រូវបានប្រគលជូនប្រជាពលរដ្ឋចំនួន ៣ភូមិស្ថិតនៅភូមិត្រគួន ភូមិនរាយណ៍ និងភូមិព្រៃតាភេម ក្នុងឃុំពោធិអង្គ្រង ស្រុកបសេដ្ឋ ខេត្តកំពង់ស្ពឺ => សាយ សំអាល់​ ៖ អាងប្រព្រឹត្តកម្មទឹកកខ្វក់នេះ ជាបំណែកមួយនៃហេដ្ឋារចនាសម្ព័ន្ធរួមដែលយើងចាំបាច់ត្រូវធ្វើដើម្បីទ្រទ្រង់កំណើនសេដ្ឋកិច្ច និងបង្កើតការងារជូនបងប្អូនប្រជាជននៅខេត្តព្រះសីហនុ។ => ថ្នាក់ដឹកនាំក្រសួងរៀបចំដែនដី នគរូបនីយកម្ម និងសំណង់ ទទួលជួបពិភាក្សាការងារជាមួយក្រុមហ៊ុន China Siwei Surveying and Mapping Technology ដែលជាប្រតិបត្តិករផ្កាយរណបឈានមុខគេមួយក្នុងការផ្តល់សេវាប្រមូល និងប្រើប្រាស់ទិន្នន័យភូមិសាស្ត្រ => ថ្នាក់ដឹកនាំរដ្ឋបាលខេត្តត្បូងឃ្មុំ ទទួលជួបសំណេះសំណាល និងពិភាក្សាការងារជាមួយគណៈកម្មការទី៩ នៃរដ្ឋសភា => អភិបាលខេត្តត្បូងឃ្មុំ អញ្ជើញសម្ពោធឆ្លងសាលាធម្មសភា និងសមិទ្ធផលនានា នៅវត្តទីបរតនសោភ័ណ (ហៅវត្តកោះម៉ឺងនង់) ក្នុងឃុំកោះពីរ ស្រុកក្រូចឆ្មារ មានតម្លៃជាង១៤មុឺនដុល្លារ => បងប្អូនក្រុមវាល បន្តចុះវាស់វែង និងប្រមូលទិន្នន័យក្បាលដី ចុះបញ្ជីដីធ្លីមានលក្ខណៈជាប្រព័ន្ធ ជូនប្រជាពលរដ្ឋស្ថិតនៅសង្កាត់ព្រែកតាកូវ សង្កាត់ព្រែកអំពិល សង្កាត់បារុង និងសង្កាត់បាក់ដាវ ក្រុងអរិយក្សត្រ ខេត្តកណ្ដាល។ => ក្រោយជួបពិភាក្សាជាមួយក្រសួងរៀបចំដែនដី នគរូបនីយកម្ម និងសំណង់ រួចមកក្រុមហ៊ុនបុរីពិភពថ្មី បានសម្រេចចេញនូវគោលការណ៍សម្រួលដល់អតិថិជនដែលកំពុងបង់រំលស់មានការយឺតយ៉ាវ => សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា និងជាប្រធានកិត្តិយសសហភាពសហព័ន្ធយុវជនកម្ពុជា បានអញ្ជើញជាអធិបតីក្នុងពិធីបិទកិច្ចប្រជុំគណៈកម្មាធិការកណ្តាល សហភាពសហព័ន្ធយុវជនកម្ពុជា នៅសាលសន្និសីទសណ្ឋាគារ សុខាភ្នំពេញ នាព្រឹកថ្ងៃទី ១៤ ខែមីនា ឆ្នាំ ២០២៤
0

ឯកឧត្តមកិត្តិសេដ្ឋាបណ្ឌិត ចម ប្រសិទ្ធ គូសបញ្ជាក់ថា យ៉ាងយូរនៅចុងឆ្នាំនេះ លំហូរឯកសារទាំងឡាយ រួមទាំងការចុះហត្ថលេខាផង ត្រូវធ្វើឡើងតាមប្រព័ន្ធ Online ស្ទើរទាំងអស់

រាជធានីភ្នំពេញ ៖ នៅថ្ងៃទី០៦ ខែសីហា ឆ្នាំ២០២០ ឯកឧត្តមកិត្តិសេដ្ឋាបណ្ឌិត ចម ប្រសិទ្ធ ទេសរដ្ឋមន្ត្រី រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍បានគូសបញ្ជាក់ថា យ៉ាងយូរនៅចុងឆ្នាំ២០២០នេះ លំហូរឯកសារទាំងឡាយ រួមទាំងការចុះហត្ថលេខាផងដែរ ដែលត្រូវធ្វើឡើងតាមប្រព័ន្ធ Online ស្ទើរទាំងអស់ ដើម្បីចូលរួមកាត់បន្ថយការប្រើក្រដាសស្នាមស្ទើរទាំងស្រុង។ ការ​គូស​បញ្ជាក់របស់ឯកឧត្តមកិត្តិសេដ្ឋាបណ្ឌិតទេសរដ្ឋមន្ត្រីនេះ ក្នុងសិក្ខាសាលាស្តីអំពីបម្រែ​បម្រួល​ផ្នែកឌីជីថល(Digital Transformation) ដែលរៀបចំដោយវិទ្យាស្ថាន​ជាតិ​វិទ្យាសាស្ត្រ បច្ចេកវិទ្យា និងនវានុវត្តន៍ នៃក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ កាលពីថ្ងៃទី០៦ ខែសីហា ឆ្នាំ២០២០។ ​ នេះបើយោងតាមក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍។

ឯកឧត្តមកិត្តិសេដ្ឋាបណ្ឌិតទេសរដ្ឋមន្ត្រី ចម ប្រសិទ្ធ បានចាត់ទុកសិក្ខា​សាលានេះ​គឺពិតជាមានសារៈសំខាន់សម្រាប់យើងទាំងអស់គ្នាក្នុងយុគឧស្សាហកម្ម៤.០  ជាពិសេស រាជរដ្ឋាភិបាលកំពុងផ្តល់អាទិភាពលើវិស័យវិទ្យាសាស្ត្រ បច្ចេកវិទ្យា និងនវានុវត្តន៍។ ឯកឧត្តមកិត្តិសេដ្ឋាបណ្ឌិតបានបញ្ជាក់ថា “ក្នុងយុគឧស្សាហកម្ម ៤.០ និងយុគថ្មីបន្តទៀត វិទ្យាសាស្ត្រ បច្ចេកវិទ្យា និងនវានុវត្តន៍ ជាកត្តាលីករ ជួយឱ្យចម្រើនដល់អភិបាលកិច្ច រដ្ឋបាល វិស័យឧស្សាហកម្ម កសិកម្ម ផលិតកម្ម និងវិស័យជាច្រើនទៀត”។ ឯកឧត្តមកិត្តិ​សេដ្ឋាបណ្ឌិតបន្ដថា ការចូលរួមយ៉ាងសកម្ម និងរៀនបន្តសម្រាប់យើងទាំងអស់គ្នា ក្នុង​សិក្ខាសាលានេះ ជាសក្ខីភាពនៃការយកចិត្តទុកដាក់ និងគាំទ្រដល់ការអភិវឌ្ឍប្រទេស ដោយប្រើវិជ្ជាឌីជីថល ក្នុងជីវភាពការងារប្រចាំថ្ងៃ និងការរៀនបន្តពេញមួយជីវិត។ ជាមួយ​គ្នានេះ ចំណេះដឹង និងបំណិនទទួលបានពីសិក្ខាសាលានេះ នឹងត្រូវយកទៅប្រើ ដើម្បី​បង្កើន​ប្រសិទ្ធភាព និងប្រសិទ្ធផលការងារ ក្នុងក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្ត ឯកឧត្តមកិត្តិសេដ្ឋាបណ្ឌិត បានជំរុញឱ្យយកចិត្តទុកដាក់លើធាតុចម្បងចំនួន ០៣សំខាន់ៗ រួមមានម៖ ១- និយមន័យ បញ្ញត្តិ ខ្លឹមសារគោលប្រយោជន៍នៃវិជ្ជាឌីជីថល បម្រែបម្រួលផ្នែកឌីជីថល និងដំណោះស្រាយនៃបញ្ហាប្រឈមក្នុងការងារប្រចាំថ្ងៃ។ ២-ការប្តូរការគិត ទម្លាប់ និងឥរិយាបថ ក្នុងជីវភាព និងការងារប្រចាំថ្ងៃ ក្នុងសង្គមឌីជីថល។ ៣- រចនាសម្ព័ន្ធ និងអភិបាលកិច្ច នៃប្រព័ន្ធឌីជីថល កាលានុវត្តភាព និងបញ្ហាប្រឈម ក្នុងការអនុវត្តវិជ្ជាឌីជីថល ក្នុងជីវភាព ការងារប្រចាំថ្ងៃ និងការរៀនបន្តពេញមួយជីវិត។

ឯកឧត្តមកិត្តិសេដ្ឋាបណ្ឌិតបានលើកឡើងថា វិជ្ជាឌីធីថលមានភាពចាំបាច់ សម្រាប់​ជីវភាព ការងារ និងការរៀនបន្តពេញមួយជីវិត សម្រាប់ពលរដ្ឋកម្ពុជា និងមន្ត្រីរាជការ​គ្រប់រូប។ ឯកឧត្តមកិត្តិសេដ្ឋាបណ្ឌិតក៏បាន គាំទ្រឱ្យមានការរៀបចំសិក្ខា​សាលាចែករំលែក​បទពិសោធន៍​ និងកម្មវិធីបណ្តុះបណ្តាលសម្រាប់មន្ត្រីរបស់ក្រសួងគ្រប់កម្រិតទាំងអស់ រួមទាំងដល់សហគ្រាសធុនតូច និងមធ្យមបន្តទៀត។

សូមបញ្ជាក់ថា សិក្ខាសាលានេះ មន្ត្រីជំនាញ​ បានចែករំលែកចំណេះដឹងទាក់ទងនឹង​អត្ថប្រយោជន៍នៃបម្រែបម្រួលផ្នែកឌីជីថល ការប្តូរការគិត ទម្លាប់ និងឥរិយាបថ ក្នុងជីវភាព និងការងារប្រចាំថ្ងៃរបស់មនុស្សគ្រប់រូប ក្នុងសង្គមឌីជីថល។ បម្រែបម្រួលនៃផ្នែកឌីជីថល និងអភិបាលកិច្ចក្នុងក្រសួង ឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍។

ឯកឧត្តមកិត្តិសេដ្ឋាបណ្ឌិតទេសរដ្ឋមន្ត្រី ចម ប្រសិទ្ធ បានវាយតម្លៃខ្ពស់​ចំពោះលទ្ធ​ផលនៃអង្គសិក្ខាសាលាលើកដំបូងនេះ ជាពិសេសការទទួលបាននូវគ្រូឧទ្ទេសនាម ដែល​មានចំណេះដឹងប្រកបដោយជំនាញវិជ្ជាជីវៈ សម្រាប់ជាទុនដល់សិក្ខាកាមទាំងមូល បាន​សិក្សា​ឈ្វេងយល់ និងត្រូវគិតថាការសិក្សាគ្មានទីបញ្ចប់ឡើយ។ ឯកឧត្តមកិត្តិសេដ្ឋា​បណ្ឌិត​ក៏បានណែនាំថា “ក្នុងបរិបទនៃសម័យឌីជីថលនេះ ទាំងថ្នាក់ដឹកនាំ និងមន្ត្រីគ្រប់កម្រិត នៃ ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ ត្រូវខិតខំរៀនសូត្រទាំងអស់ គ្នា ពីព្រោះការរីកចម្រើនផ្នែកឌីជីថលនៃពិភពលោកមិនរង់ចាំយើងទេ”៕

Filed in: ព័ត៌មានជាតិ

Leave a Reply

Submit Comment
ប៉ាកកាអាស៊ី | Pen ASIA ព័ត៌មានថ្មីៗ ទាន់ហេតុការណ៍ ! ទាក់ទងផ្តល់ ព័ត៌មាន តាមទូរស័ព្ទលេខ 012 7533 78 | 096 822 7733 | 088 2227733 ! សូមអរគុណ !

©២០១៨ រក្សាសិទ្ធិ ដោយសារព័ត៌មាន ប៉ាកកាអាស៊ី | Pen ASIA | ទូរស័ព្ទ៖ 012 7533 78 | 096 822 7733 | 088 2227733

សារព័ត៌មាន ប៉ាកកាអាស៊ី Pen ASIA ដំណើរការក្រោមប្រកាសអនុញ្ញាតលេខ ១៥២ ពមប្រក ចុះថ្ងៃទី ១១ ខែមីនា ឆ្នាំ ២០១៩

សហការផ្តល់ព័ត៌មាន៖ 012 7533 78 | 096 822 7733 | 088 2227733 | អ៊ីម៉ែល ៖ mailtobot168@gmail.com