រសៀលថ្ងៃច័ន្ទ ១០រោច ខែភទ្របទ ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី២៣ ខែកញ្ញា ឆ្នាំ២០១៩ នៅសាលប្រជុំ សាលាស្រុកកំពង់ត្រាច បានរៀបចំកិច្ចប្រជុំក្រុមជំនួយការ នៃក្រុមការងារថ្នាក់ខេត្តចុះមូលដ្ឋានស្រុក ក្រោមអធិបតីភាពរបស់ លោក ជួន សុភា អភិបាលរងស្រុក និងជាប្រធានក្រុមជំនួយការ នៃក្រុមការងារថ្នាក់ខេត្តចុះមូលដ្ឋានស្រុកកំពង់ត្រាច ខេត្តកំពត ដើម្បីធ្វើបច្ចុប្បន្នភាពតារាងបញ្ជីបញ្ហាប្រឈម និងសំណូមពរ ដែលក្រុមការងារចុះមូលដ្ឋានស្រុក ទទួលបានពីប្រជាពលរដ្ឋតាមរយៈវេទិកាសាធារណៈថ្នាក់ជាតិ រយៈពេល៩ខែ ដើមឆ្នាំ២០១៩ ។
សមាសភាពបានអញ្ជើញចូលរួមមាន លោក លោកស្រីក្រុមជំនួយការ នៃក្រុមការងារថ្នាក់ខេត្តចុះមូលដ្ឋានស្រុក លោក លោកស្រីមេឃុំទាំង១៤ឃុំ លោក លោកស្រីស្មៀនឃុំទាំង១៤ឃុំ លោក លោកស្រីប្រធានការិយាល័យ អង្គភាពជំនាញពាក់ព័ន្ធ និងតំ ណាងក្រុមហ៊ុនអាជ្ញាប័ណ្ណអគ្គិសនីស្រុកបន្ទាយមាស សរុបចំនួន ៤១នាក់ ស្រី ៥នាក់៕
