ទាន់ហេតុការណ៍
ថ្នាក់ដឹកនាំក្រសួងរៀបចំដែនដី នគរូបនីយកម្ម និងសំណង់ បន្តពិគ្រោះ ផ្ដល់យោបល់ និងប្រមូលធាតុចូលពីគ្រប់ភាគីពាក់ព័ន្ធ លើសេចក្តីព្រាងច្បាប់ភូមិបាល(ថ្មី) ដើម្បីឱ្យសេចក្តីព្រាងច្បាប់នេះមានលក្ខណៈគ្រប់ជ្រុងជ្រោយ ងាយស្រួលអនុវត្ត ជាពិសេស​ឆ្លើយតបបានចំពោះតម្រូវការសេដ្ឋកិច្ចសង្គមកម្ពុជា។ => បងប្អូនក្រុមវាលទី២១ (ភូមិបាលខណ្ឌដង្កោ)​ ចុះវាស់វែងដីធ្លី ជូនបងប្អូនប្រជាពលរដ្ឋ​ ស្ថិតនៅភូមិក្រញូង ឃុំពោធិអង្រ្គង ស្រុកបសេដ្ឋ ខេត្តកំពង់ស្ពឺ។ => វិញ្ញាបនបត្រសម្គាល់ម្ចាស់អចលនវត្ថុចំនួន ៣ ០១០ ក្បាលដី ត្រូវបានប្រគលជូនប្រជាពលរដ្ឋចំនួន ៣ភូមិស្ថិតនៅភូមិត្រគួន ភូមិនរាយណ៍ និងភូមិព្រៃតាភេម ក្នុងឃុំពោធិអង្គ្រង ស្រុកបសេដ្ឋ ខេត្តកំពង់ស្ពឺ => សាយ សំអាល់​ ៖ អាងប្រព្រឹត្តកម្មទឹកកខ្វក់នេះ ជាបំណែកមួយនៃហេដ្ឋារចនាសម្ព័ន្ធរួមដែលយើងចាំបាច់ត្រូវធ្វើដើម្បីទ្រទ្រង់កំណើនសេដ្ឋកិច្ច និងបង្កើតការងារជូនបងប្អូនប្រជាជននៅខេត្តព្រះសីហនុ។ => ថ្នាក់ដឹកនាំក្រសួងរៀបចំដែនដី នគរូបនីយកម្ម និងសំណង់ ទទួលជួបពិភាក្សាការងារជាមួយក្រុមហ៊ុន China Siwei Surveying and Mapping Technology ដែលជាប្រតិបត្តិករផ្កាយរណបឈានមុខគេមួយក្នុងការផ្តល់សេវាប្រមូល និងប្រើប្រាស់ទិន្នន័យភូមិសាស្ត្រ => ថ្នាក់ដឹកនាំរដ្ឋបាលខេត្តត្បូងឃ្មុំ ទទួលជួបសំណេះសំណាល និងពិភាក្សាការងារជាមួយគណៈកម្មការទី៩ នៃរដ្ឋសភា => អភិបាលខេត្តត្បូងឃ្មុំ អញ្ជើញសម្ពោធឆ្លងសាលាធម្មសភា និងសមិទ្ធផលនានា នៅវត្តទីបរតនសោភ័ណ (ហៅវត្តកោះម៉ឺងនង់) ក្នុងឃុំកោះពីរ ស្រុកក្រូចឆ្មារ មានតម្លៃជាង១៤មុឺនដុល្លារ => បងប្អូនក្រុមវាល បន្តចុះវាស់វែង និងប្រមូលទិន្នន័យក្បាលដី ចុះបញ្ជីដីធ្លីមានលក្ខណៈជាប្រព័ន្ធ ជូនប្រជាពលរដ្ឋស្ថិតនៅសង្កាត់ព្រែកតាកូវ សង្កាត់ព្រែកអំពិល សង្កាត់បារុង និងសង្កាត់បាក់ដាវ ក្រុងអរិយក្សត្រ ខេត្តកណ្ដាល។ => ក្រោយជួបពិភាក្សាជាមួយក្រសួងរៀបចំដែនដី នគរូបនីយកម្ម និងសំណង់ រួចមកក្រុមហ៊ុនបុរីពិភពថ្មី បានសម្រេចចេញនូវគោលការណ៍សម្រួលដល់អតិថិជនដែលកំពុងបង់រំលស់មានការយឺតយ៉ាវ => សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា និងជាប្រធានកិត្តិយសសហភាពសហព័ន្ធយុវជនកម្ពុជា បានអញ្ជើញជាអធិបតីក្នុងពិធីបិទកិច្ចប្រជុំគណៈកម្មាធិការកណ្តាល សហភាពសហព័ន្ធយុវជនកម្ពុជា នៅសាលសន្និសីទសណ្ឋាគារ សុខាភ្នំពេញ នាព្រឹកថ្ងៃទី ១៤ ខែមីនា ឆ្នាំ ២០២៤
0

កិច្ចប្រជុំគណៈបញ្ជាការឯកភាពរដ្ឋបាលខេត្តតាកែវ ស្តីពីផែនការ ការពារសន្តិសុខ សុវត្ថិភាពនិងសណ្តាប់ធ្នាប់សាធារណៈ ក្រោមអធិបតីភាពឯកឧត្តម អ៊ូច ភា អភិបាលនៃគណៈអភិបាលខេត្តតាកែវ

ខេត្តតាកែវ ៖ ព្រឹកថ្ងៃ៥រោច ខែភទ្របទ ឆ្នាំជូត ទោស័ក ព.ស. ២៥៦៤ ត្រូវនឹងថ្ងៃចន្ទ ទី០៧ ខែកញ្ញា ឆ្នាំ២០២០ នៅសាលប្រជុំសាលាខេត្តតាកែវ មានរៀបចំកិច្ចប្រជុំគណៈបញ្ជាការឯកភាពរដ្ឋបាលខេត្តតាកែវ ស្តីពីផែនការ ការពារសន្តិសុខ សុវត្ថិភាពនិងសណ្តាប់ធ្នាប់សាធារណៈ ក្រោមអធិបតីភាពឯកឧត្តម អ៊ូច ភា អភិបាលនៃគណៈអភិបាលខេត្តតាកែវ ដោយមានការអញ្ជើញចូលរួមពីលោក លោកស្រី អភិបាលរងខេត្ត  ប្រធាន អនុប្រធានមន្ទីរ អង្គភាពជុំវិញខេត្ត អភិបាល អភិបាលរងក្រុង ស្រុក និងមន្ត្រីពាក់ព័ន្ធ។

ក្នុងកិច្ចប្រជុំនោះឯកឧត្តម អ៊ូច ភា បានធ្វើការណែនាំក៏ដូចជាជំរុញបន្ថែមទៀតទៅមន្ទីរធម្មការនិងសាសនា ត្រូវសហការជាមួយមន្ទីរសុខាភិបាលរួមជាមួយអាជ្ញាធរមូលដ្ឋាន ត្រូវធ្វើការអប់រំផ្សព្វផ្សាយទៅដល់បងប្អូនប្រជាពលរដ្ឋ ឱ្យបង្កើនការប្រុងប្រយ័ត្នដោយរក្សាគម្លាតសុវត្ថិភាព ត្រូវពាក់ម៉ាស លាងដៃនឹងអាល់កុល ឬសាប៊ូ នៅក្នុងអំឡុងពេលដែលពួកគាត់មកចូលរួមក្នុងពិធីបុណ្យកាន់បិណ្ឌ និងភ្ជុំបិណ្ឌនៅតាមទីវត្តអារាមនានា។

ឯកឧត្តម អ៊ូច ភា​ បានមានប្រសាសន៍បន្តថា នៅក្នុងពិធីកាន់បិណ្ឌ និងភ្ជុំបិណ្ឌរយៈពេល១៥ថ្ងៃនេះ បងប្អូនប្រជាពុទ្ធបរិស័ទគ្រប់ទិសទី មកជួបជុំគ្នាចូលរួមកាន់បិណ្ឌ និងបោះបាយបិណ្ឌគ្រប់ទីវត្តអារាម ។ ដូច្នេះមន្ទីរពាក់ព័ន្ធ និងអាជ្ញាធរក្រុង​ ស្រុកទាំងអស់ ត្រូវណែនាំផ្សព្វផ្សាយដល់គ្រប់វត្តអារាមត្រូវដាក់អាល់កុល និងសាប៊ូសម្រាប់ឱ្យបងប្អូនពុទ្ធបរិស័ទលាងដៃឱ្យបានត្រឹមត្រូវ ។ ជាពិសេសត្រូវបន្តផ្សព្វផ្សាយដល់ប្រជាពលរដ្ឋ ដែលមកកាន់បិណ្ឌត្រូវប្រកាន់ភ្ជាប់នូវអនាម័យ ពាក់ម៉ាស រក្សាគម្លាតសុវត្ថិភាព និងអនុវត្តន៍ឱ្យបានត្រឹមត្រូវតាមការណែនាំរបស់ក្រសួងសុខាភិបាល។

ឯកឧត្តម អភិបាលខេត្តមានប្រសាសន៍បន្ថែមថា បញ្ហាជំងឺកូវីដ-១៩នេះ នៅទូទាំងពិភពលោក ហាក់មិនទាន់មានការថមថយនៅឡើយទេ ពោលគឺមានការឆ្លងរីករាលដាលជាសកលនៅឡើយ ។ ដូច្នេះហើយដើម្បីចូលរួមទប់ស្កាត់កុំឱ្យឆ្លងជំងឺកូវីដ-១៩នេះ ឆ្លងរីករាលដាលដល់សហគមន៍របស់យើង ពិសេសកុំឱ្យឆ្លងនៅក្នុងអំឡុងពេលពិធីបុណ្យកាន់បិណ្ឌ និងភ្ជុំបិណ្ឌនេះ សូមបងប្អូនប្រជាពលរដ្ឋត្រូវរួមសហការគ្នា អនុវត្តន៍ឱ្យបានល្អតាមរយៈការថែរក្សាសុខភាព ទម្លាប់មានអនាម័យ និងប្រុងប្រយ័ត្នជាប់ជានិច្ច ហើយធ្វើយ៉ាងណាកុំឱ្យបងប្អូនប្រជាពលរដ្ឋមានការធ្វេសប្រហែស ឬភ្លេចភ្លាំងឱ្យសោះពីជំងឺកូវីដ-១៩នេះ។

ឯកឧត្តមអភិបាលខេត្តតាកែវ អ៊ូច ភា ក៏បានធ្វើការណែនាំដល់កម្លាំងសមត្ថកិច្ចទូទាំងខេត្តតាកែវ ត្រូវយកចិត្តទុកដាក់ពង្រឹងសន្តិសុខ សុវត្ថិភាពដល់បងប្អូនប្រជាពលរដ្ឋ នៅក្នុងពិធីបុណ្យកាន់បិណ្ឌ និងភ្ជុំបិណ្ឌនេះឱ្យបានល្អប្រសើរ ត្រូវធ្វើការទប់ស្កាត់ឱ្យបានរាល់បទល្មើសដែលកើតឡើងនៅមូលដ្ឋានរបស់ខ្លួន៕

Filed in: ព័ត៌មានជាតិ

Leave a Reply

Submit Comment
ប៉ាកកាអាស៊ី | Pen ASIA ព័ត៌មានថ្មីៗ ទាន់ហេតុការណ៍ ! ទាក់ទងផ្តល់ ព័ត៌មាន តាមទូរស័ព្ទលេខ 012 7533 78 | 096 822 7733 | 088 2227733 ! សូមអរគុណ !

©២០១៨ រក្សាសិទ្ធិ ដោយសារព័ត៌មាន ប៉ាកកាអាស៊ី | Pen ASIA | ទូរស័ព្ទ៖ 012 7533 78 | 096 822 7733 | 088 2227733

សារព័ត៌មាន ប៉ាកកាអាស៊ី Pen ASIA ដំណើរការក្រោមប្រកាសអនុញ្ញាតលេខ ១៥២ ពមប្រក ចុះថ្ងៃទី ១១ ខែមីនា ឆ្នាំ ២០១៩

សហការផ្តល់ព័ត៌មាន៖ 012 7533 78 | 096 822 7733 | 088 2227733 | អ៊ីម៉ែល ៖ mailtobot168@gmail.com