ទាន់ហេតុការណ៍
លោកជំទាវកិត្តិសង្គហបណ្ឌិត ម៉ែន សំអន និង ឯកឧត្តម ខៀវ កាញារីទ្ធ អញ្ជើញចូលរួមជាអធិបតីក្នុងពិធីប្រគល់ពានរង្វាន់ជ័យលាភី លេខ១ ជូនដល់បេក្ខនារី វី ឌីណែតក្នុងកម្មវិធីប្រឡងចម្រៀង I Am A Singer Cambodia រដូវកាលទី២ => ព្រះមហាក្សត្រ នៃព្រះរាជាណាចក្រកម្ពុជា ស្តេចយាងជាព្រះរាជាធិបតី ដ៏ខ្ពង់ខ្ពស់បំផុត ក្នុងកម្មវិធីប្រោសព្រះរាជទាន ប្រគេន-ជូន សញ្ញាបត្រថ្នាក់បរិញ្ញាបត្រ និងថ្នាក់បរិញ្ញាបត្រជាន់ខ្ពស់ ដល់សមណនិស្សិត-និស្សិត នៃពុទ្ធិកសាកលវិទ្យាល័យ ព្រះសីហមុនីរាជា(PSBU) => រដ្ឋបាលខេត្តសៀមរាប បានជូនដំណឹ​ងដល់បងប្អូនប្រជាពលរដ្ឋ ត្រូវសហ​ការរុះរើសំណង់របស់ខ្លួនដោយខ្លួនឯ​ងក្នុងរយៈពេល ១០ថ្ងៃ គិតចាប់ពីថ្ងៃ​ទី២៣ ខែកញ្ញា ឆ្នាំ២០២០ ដល់ថ្ងៃទី​០​២ ខែតុលា ឆ្នាំ២០២០ => ពិធីប្រគល់សញ្ញាបត្របណ្ឌិតកិត្តិយស ផ្នែកសន្តិសុខ សេដ្ឋកិច្ច សកលវិទ្យាល័យកម្ពុជា ដល់ នាយឧត្តមសេនីយ៍ ហ៊ីង ប៊ុនហៀង => ឯកឧត្តម ឃួង ស្រេង អភិបាលរាជ​ធា​នីភ្នំពេញ ណែនាំឱ្យមន្ដ្រីជំនាញ​ស្ដា​រប្រឡាយនៅមុខស្ថានីយបូមទឹក​ទួលគោកទី២ ដើម្បីពន្លឿនការរំ​ដោះ​​​​ទឹកលិចលង់នៅរដូវវស្សានេះ => ឯកឧត្តម គួច ចំរើន អភិបាលខេត្តព្រះសីហនុ អនុញ្ញាតឱ្យក្រុមយុវជនស្ម័គ្រចិត្ត៣ក្រុម ដឹកនាំដោយលោកស្រី អ៊ុច សោភា ប្រធានមន្ទីរអប់រំយុ​វ​ជននិងកីឡា ខេត្តព្រះសីហនុ ចូ​ល​ជួបសំដែងការគួរសម និង​សុំ​អ​នុ​សា​ស​ន៍ណែនាំ => ឯកឧត្តមបណ្ឌិត ជាម ច័ន្ទសោភ័ណ អភិបាលខេត្តត្បូងឃ្មុំ ដឹកនាំយុវជនដាំដើមឈើ សម្អាតបរិស្ថាន និងចែកអំណោយជូនចាស់ជរា => ឯកឧត្តម ខៀវ កាញារីទ្ធ អញ្ជើញជាអធិបតីកិច្ចប្រជុំស្តីពីដំណើរការរៀប​ចំ​ផែនការវិនិយោគលើហេដ្ឋារចនា​ស​​ម្ព័ន្ធថ្នាលទូរទស្សន៍ឌីជីថលជាតិ => ឯកឧត្តម អគ្គបណ្ឌិតសភាចារ្យ អូន ព័ន្ធមុនីរ័ត្ន អញ្ជើញជាអធិបតីភាព ក្នុងកិច្ចប្រជុំបូកសរុបការងារប្រចាំឆមាសទី១ និងទិសដៅបន្តរបស់ក្រុ​​មការងាររាជរដ្ឋាភិបាលចុះជួយមូល​ដ្ឋានខេត្តកណ្តាល => លោកបណ្ឌិត កៅ គឹមហួន នឹងប្រគល់សញ្ញាបត្រ «បណ្ឌិតកិត្តិយសផ្នែកសន្តិសុខសេដ្ឋកិច្ច» ដល់នាយឧត្តមសេនីយ៍ឯកកិត្តិបណ្ឌិត ហ៊ីង ប៊ុនហៀង នាថ្ងៃទី២៥ ខែកញ្ញា ឆ្នាំ២០២០ នៅទីបញ្ជាការដ្ឋានអង្គរក្ស ក្រុងតាខ្មៅ
0

ពិធីប្រកាសប្រធានគណៈកម្មាធិការសមាគមអតីតយុទ្ធជនកម្ពុជាខេត្តកំពត និងបំពាក់គ្រឿងឥស្សរិយយសជូនដល់អ្នកមានស្នាដៃក្នុងសកម្មភាពការងារគ្រោះមហន្តរាយ

ខេត្តកំពត ៖ នៅថ្ងៃសៅរ៍ ១០កើត ខែភទ្របទ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី១២ ខែកញ្ញា ឆ្នាំ២០២០ ឯកឧត្តម ជាវ តាយ អភិបាលនៃគណៈអភិបាលខេត្តកំពត បានអញ្ជើញចូលរួមក្នុងពិធីប្រកាសប្រធានគណៈកម្មាធិការសមាគមអតីតយុទ្ធជនកម្ពុជាខេត្តកំពត និងបំពាក់គ្រឿងឥស្សរិយយសជូនដល់អ្នកមានស្នាដៃក្នុងសកម្មភាពការងារគ្រោះមហន្តរាយ ពិសេសបានជួយជនរងគ្រោះ រលំបាក់អាគារនៅខេត្តកែប កាលពីខែមករា ឆ្នាំ២០២០ កន្លងមក ក្រោមអធិបតីភាពដ៏ខ្ពង់ខ្ពស់ ឯកឧត្តម នាយឧត្តមសេនីយ៍ គន់ គីម ទេសរដ្ឋមន្ត្រី ទទួលបន្ទុកបេសកកម្មពិសេស អនុប្រធានទី១ គណៈកម្មាធិការជាតិគ្រប់គ្រងគ្រោះមហន្តរាយ អនុប្រធាន និងជាអគ្គលេខាធិការ សមាគមអតីតយុទ្ធជនកម្ពុជា។

ឯកឧត្តម អភិបាលខេត្ត និងជាប្រធានកិត្តិយគណៈកម្មាធិការសមាគមអតីតយុទ្ធជនកម្ពុជាខេត្តកំពត បានមានប្រសាសន៍ គាំទ្រពេញទំហឹងចំពោះបេសកកម្មការងារដ៏ប្រសើរថ្លៃថ្លារបស់សមាគម និងខិតខំជួយជម្រុញចលនាសមាគមឱ្យមានដំណើរការល្អ ដើម្បីចូលរួមលើកកម្ពស់តួនាទីរបស់អតីតយុទ្ធជន ឱ្យស័ក្តិសមនិងគុណបំណាច់ចំពោះបុព្វហេតុជាតិមាតុភូមិ ព្រមទាំងការពារសិទ្ធិ និងផលប្រយោជន៍របស់អតីតយុទ្ធជន ដើម្បីលើកស្ទួយជីវភាពអតីតយុទ្ធជនឱ្យកាន់តែល្អប្រសើរ និងពង្រឹងស្មារតីសាមគ្គីជួយគ្នាទៅវិញទៅមក ពេលមានការលំបាក គ្រោះថ្នាក់ មរណភាព ដោយមិនប្រកាន់ឋានៈ នៅក្នុងសង្គម និងនិន្នាការនយោបាយណាមួយឡើយ។ ឆ្លៀតក្នងឱកាសនោះដែរ ឯកឧត្តម បានបន្ត ធ្វើសេចក្តីរាយការណ៍ដោយសង្ខេបអំពីការងារគ្រប់គ្រងគ្រោះមហន្តរាយខេត្តកំពតរយៈពេល៩ខែដើមឆ្នាំ២០២០ និងការងារជួយសង្គ្រោះក្នុងនាមអាជ្ញាធរ និងកាកបាទក្រហម បានជួយជួសជុល និងនាំយកនូវអំណោយចែកជូនដល់ប្រជាពលរដ្ឋរងគ្រោះនៅតាមឃុំ សង្កាត់ ដែលរងផលប៉ះពាល់ទាំងអស់នៅក្នុងខេត្តកំពត។ ឯកឧត្តម អភិបាលខេត្ត ក៏បានសម្តែងនូវអំណរគុណយ៉ាងជ្រាលជ្រៅចំពោះសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា សម្តេច ឯកឧត្តម លោកជំទាវ ជាថ្នាក់ដឹកនាំគ្រប់ជាន់ថ្នាក់ ជាពិសេស ឯកឧត្តម នាយឧត្តមសេនីយ៍ គន់់ គីម ទេសរដ្ឋមន្ត្រី ទទួលបន្ទុកបេសកកម្មពិសេស ជាអនុប្រធានទី១ គណៈកម្មាធិការជាតិគ្រប់គ្រងគ្រោះមហន្តរាយ និងជាអគ្គលេខាធិការសមាគមន៍អតីតយុទ្ធជនកម្ពុជា ដែលបានយកចិត្តទុកដាក់ និងលើកទឹកចិត្តចំពោះមន្ត្រីរាជការ កងកម្លាំងប្រដាប់អាវុធគ្រប់ប្រភេទ ផ្តល់ជាគ្រឿងឥស្សរិយយស និងបំពាក់ជូនក្នុងឱកាសដ៏វិសេសវិសាលថ្លៃថ្លានេះផងដែរ។

នៅក្នុងបរិយាកាសដ៏មានអត្ថន័យនេះផងដែរ ឯកឧត្តម នាយឧត្តមសេនីយ៍ បណ្ឌិយ គន់ គីម ទេសរដ្ឋមន្ត្រី ទទួលបេសកកម្មពិសេស អនុប្រធានទី១ គណៈកម្មាធិការជាតិគ្រប់គ្រងគ្រោះមហន្តរាយ អនុប្រធាននិងជាអគ្គលេខាធិការសមាគមអតីតយុទ្ធជនកម្ពុជា បាននាំមកនូវការផ្តាំផ្ញើការសាកសួរសុខទុក្ខពីសំណាក់ សម្តេចតេជោ ហ៊ុន សែន នាយករដ្ឋមន្ត្រី និងសម្តេចកិត្តិព្រឹទ្ធបណ្ឌិត ប៊ុនរ៉ានី ហ៊ុនសែន ជូនចំពោះបងប្អូនអតីតយុទ្ធជន និងកងកម្លាំងទាំងអស់ ដោយក្តីនឹករលឹកបំផុត។

ព្រមជាមួយនេះ ឯកឧត្តម នាយឧត្តមសេនីយ៍ ទេសរដ្ឋមន្ត្រី បានដាក់ចេញនូវផែនការនិងផ្តល់អនុសាសន៍មួយចំនួនដល់បងប្អូនអតីតយុទ្ធជន និងកងកម្លាំងទាំងអស់ ដូចខាងក្រោម៖

-ស្នើសុំមេដាយកិត្តិយសជូនដល់អតីតយុទ្ធ នាពេលខាងមុខ

-ផ្តល់ជូនផ្ទះចំនួន ២៨ខ្នង ដល់អតីតយុទ្ធជនក្នុងខេត្តកំពត

-រៀចំទីស្នាក់ការសម្រាប់អតីតយុទ្ធជនកម្ពុជាខេត្តកំពត

-សូមបងប្អូនអតីតយុទ្ធជនកម្ពុជាទាំងអស់ថែទាំសុខភាពឲ្យបានល្អប្រសើរ

-សូមអាជ្ញាធរគ្រប់លំដាប់ថ្នាក់ស្រង់ស្ថិតិនិងធ្វើចំណាត់ថ្នាក់អតីតយុទ្ធជនយើងប្រភេទក្រ១ និងក្រ២ ដើម្បីបានដឹងអំពីស្ថានភាពជីវភាពរស់នៅរបស់អតីតយុទ្ធជន

-សូមអតីតយុទ្ធជនទាំងអស់អប់រំកូនចៅ កុំឲ្យទៅក្បែរកគ្រឿងញៀន

-គ្រប់អតីតយុទ្ធជនទាំងអស់ត្រូវធ្វើជាភ្នាក់ងារ រាយការណ៍រាល់សកម្មភាពដែលកើតមានឡើងក្នុងមូលដ្ឋានឃុំសង្កាត់ខ្លួន

-គ្រប់អតីតយុទ្ធជនទាំងអស់ត្រូវធ្វើជាគម្រូល្អប្រជាពលរដ្ឋ

នៅកិច្ចបញ្ចប់នៃកម្មវិធី ឯកឧត្តម នាយឧត្តមសេនីយ៍ ទេសរដ្ឋមន្ត្រី បានផ្តល់ជូន អតីតយុទ្ធ ចំនួន ៣០០ នាក់ ក្នុងម្នាក់ៗ ៥០,០០០រៀល​ និងបំពាក់មេដាយជូនដល់កងកម្លាំងដែលមានស្នាដៃឆ្នើមក្នុងការបំពេញការងារកន្លងមក​ ជាពិសេសការចូលរួមស្វែងរកជនរងគ្រោះដោយការបាក់រលំអគារនៅខេត្តកែបកាលពីថ្ងៃទី៣ ខែមករា​ ឆ្នាំ២០២០​កន្លងទៅ​ ចំនួន៦០៦នាក់៕

Filed in: ព័ត៌មានជាតិ

Leave a Reply

Submit Comment
ប៉ាកកាអាស៊ី | Pen ASIA ព័ត៌មានថ្មីៗ ទាន់ហេតុការណ៍ ! ទាក់ទងផ្តល់ ព័ត៌មាន តាមទូរស័ព្ទលេខ 012 7533 78 | 096 822 7733 | 088 2227733 ! សូមអរគុណ !

©២០១៨ រក្សាសិទ្ធិ ដោយសារព័ត៌មាន ប៉ាកកាអាស៊ី | Pen ASIA | ទូរស័ព្ទ៖ 012 7533 78 | 096 822 7733 | 088 2227733

សារព័ត៌មាន ប៉ាកកាអាស៊ី Pen ASIA ដំណើរការក្រោមប្រកាសអនុញ្ញាតលេខ ១៥២ ពមប្រក ចុះថ្ងៃទី ១១ ខែមីនា ឆ្នាំ ២០១៩

សហការផ្តល់ព័ត៌មាន៖ 012 7533 78 | 096 822 7733 | 088 2227733 | អ៊ីម៉ែល ៖ mailtobot168@gmail.com