ខេត្តកំពត៖ ថ្ងៃអាទិត្យ២រោច ខែអស្សុជ ឆ្នាំជូត ទោស័ក ព.ស២៥៦៤ ត្រូវនឹងថ្ងៃ ទី០៤ ខែតុលា ឆ្នាំ២០២០ នេះ ឯកឧត្តម ភុន សារពេជ្រ សមាជិកយុវជនគណបក្សថ្នាក់កណ្ដាល និងជាប្រធានក្រុមការងារយុវជន គណបក្សប្រជាជនកម្ពុជាខេត្តកំពត តំណាង ឯកឧត្តម ជាវ តាយ ប្រធានគណបក្សខេត្តកំពត អញ្ជើញចូលរួមជាអធិបតីភាព ជួបសំណេះសំណាលសាកសួរសុខទុក្ខ និងចែកអំណោយជូនបងប្អូនប្រជាពលរដ្ឋចំនួន ៣៦គ្រួសារ ស្ថិត ក្នុងឃុំដំណាក់សុក្រំ ស្រុកដងទង់ខេត្តកំពត ដោយមានការចូលរួមពី ឯកឧត្តម ហៀក ម៉ា ប្រធានក្រុមការងារចុះជួយយុវជនគណបក្សស្រុកដងទង់ និងក្រុមការងារយុវជនគណបក្សប្រជាជនកម្ពុជាខេត្តកំពត។
អំណោយដែលក្រុមការងារចែកជូនបងប្អូនប្រជាពលរដ្ឋរួមមាន : អង្ករ មី ត្រីខ ទឹកត្រី ទឹកស៊ីអ៊ីវ ប៊ីចេង អំបិល ស្ករស សារុង និងថវិកាមួយចំនួនក្នុងនោះបានឧបត្ថម្ភថវិកាដល់កងកម្លាំងការពារ ចំនួន ១០ម៉ឺនរៀល និងឧបត្ថម្ភថវិកាជូនប្រជាពលរដ្ឋចំនួន ៣៦គ្រួសារក្នុង ១ គ្រួសារ ២ម៉ឺនរៀល ស្មើនឹង ៧២ម៉ឺនរៀល និងក្រុមកីឡាករ ៣៣នាក់ ក្នុងម្នាក់ៗ ១ម៉ឺនរៀល យុវជនឃុំ ៥នាក់ ម្នាក់ៗ ៥ម៉ឺនរៀលផងដែរ។
