ទាន់ហេតុការណ៍
រដ្ឋមន្រ្តីក្រសួងអប់រំ យុវជន និងកីឡា អញ្ជើញធ្វើជាវាគ្មិន ក្នុងសន្និសីទសារព័ត៌មានស្តីពី “វិធានការក្នុងការបើកដំណើរការគ្រឹះស្ថានសិក្សាឡើងវិញ” => ឯកឧត្តម វេង សាខុន ចុះចែកពូជស្រូវដល់កសិករ ២៩៨គ្រួសារដែលរងគ្រោះដោយជំនន់ទឹកភ្លៀងនៅខេត្តបន្ទាយមានជ័យ => ឯកឧត្តម ឧត្តមសេនីយ៍ឯក រ័ត្ន ស្រ៊ាង អញ្ជើញជាអធិបតីក្នុងពិធីសំណេះសំណាល បំពាក់ឋានន្តរសក្កិគ្រឿងឥស្សរិយសជូនយោធិន នៃកងរាជអាវុធហត្ថរាជធានីភ្នំពេញ សោធននិវត្តន៍និងពិការឆ្នាំ២០២០ ចំនួន៣៣នាក់ => ឯកឧត្តម ឃួង ស្រេង អភិបាលរាជធានីភ្នំពេញ អញ្ជើញចុះពិនិត្យការស្តារលូ និងបាញ់លាងសម្អាតដោយទឹកសាប៊ូ និងថ្នាំសម្លាប់មេរោគ នៅភូមិត្រពាំងថ្លឹងទី៤ សង្កាត់ចោមចៅ១ ខណ្ឌពោធិ៍សែនជ័យ => ឯកឧត្តម អ៊ូច ភា ប្រធានសាខាកាកបាទក្រហមខេត្តតាកែវ បាននាំយកអំណោយរបស់សម្ដេចកិត្តិព្រិទ្ធិបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា ចែកជូនដល់បងប្អូនអតីតៈយុទ្ធជន ក្នុងស្រុកព្រៃកប្បាស់ ខេត្តតាកែវ => សិក្ខាសាលាផ្សព្វផ្សាយ និងបណ្ដុះបណ្ដាលស្ដីពីផែនការអភិវឌ្ឍន៍៥ ឆ្នាំ២០២០-​២០​២​៤ និងវេទិកាពិគ្រោះយោបល់ដំណើរការកសាងកម្មវិធីវិនិយោគបីឆ្នាំរំកិល​២០​២១-២០២៣ => សម្តេចតេជោ ហ៊ុន សែន អញ្ជើញជាអធិបតី និងចុចប៊ូតុង បើកការដ្ឋានសាងសង់ស្ពានឆ្លងកាត់ទន្លេបាសាក់ ពីផ្លូវជាតិលេខ១ ទៅកោះនរា និងពីកោះនរាទៅកោះពេជ្រ => ឯកឧត្តម អ៊ី ឈាន ប្រធានក្រុមការងារចុះជួយខេត្តប៉ៃលិន បានបើកកិច្ចប្រជុំពិនិត្យ និងផ្ដល់យោបល់អំពីផលប៉ះពាល់និងផែនការត្រៀមបម្រុងសម្រាប់ការឆ្លើយតបសង្គ្រោះបន្ទាន់ គ្រោះមហន្តរាយទឹកជំនន់ ក្នុងខេត្តប៉ៃលិន => ក្រសួងអប់រំយុវជន និងកីឡា ត្រៀមសាងសង់កន្លែងលាងដៃឱ្យបានគ្រប់គ្រឹះស្ថានសិក្សា នៅទូទាំងប្រទេស ដើម្បីធានាបាននូវសុវត្ថិភាព សុខភាពសិស្សានុសិស្សក្នុងកំឡុងពេលវិបត្តិកូវីដ-១៩ និងបង្ការការឆ្លងពីជំងឺផ្សេងៗ => មន្ដ្រីស្ថានទូតបារាំង ចុះពិនិត្យនិងសិក្សាស្វែងយល់ពីការអភិរក្សនិងអភិវឌ្ឍន៍ប្រកបដោយចីរភាពនៅរមណីយដ្ឋានអង្គរ
0

អភិបាលរាជធានីភ្នំពេញ​ ស្នើម្ចា​ស់​បុរីទាំងអស់ឱ្យផ្តល់ទិន្នន័យពីកាមេរ៉ាសុវត្ថិភាព ដើម្បីពង្រឹងកិច្ចសហការជាមួយគ្នាឱ្យបានល្អ ក្នុងកា​រ​ការពារសន្តិសុខសណ្តាប់ធ្នាប់ជូនប្រជាពលរដ្ឋ ឲ្យកាន់តែល្អប្រសើរ

រាជធានីភ្នំពេញ ៖ ឯកឧត្តម ឃួង ស្រេង អភិបាល​នៃគណអភិបាលរាជធានីភ្នំពេញ​ ស្នើម្ចា​ស់​បុរីទាំងអស់ឱ្យផ្តល់ទិន្នន័យពីកាមេរ៉ាសុវត្ថិភាព ដើម្បីពង្រឹងកិច្ចសហការជាមួយគ្នាឱ្យបានល្អ ក្នុងកា​រ​ការពារសន្តិសុខសណ្តាប់ធ្នាប់ជូនប្រជាពលរដ្ឋ ឲ្យកាន់តែល្អប្រសើរ។
ឯកឧត្តម ឃួង ស្រេង អភិបាលរាជធានីភ្នំពេញ បានមានប្រសាសន៍ថា ចាប់ពីពេលនេះទៅ​ គ្រប់បុរី ខុនដូទាំងអស់នៅរាជធានីភ្នំពេញ ត្រូវតែបំពាក់កាមេរ៉ាសុវត្ថិភាព និងមានប្រព័ន្ធសន្តិសុខសុវត្ថិភាព ដើម្បីធានាភាពកក់ក្តៅជូនប្រជាពលរដ្ឋដែលកំពុងស្នាក់នៅ។ ឯកឧត្តម ឃួង ស្រេង ចង់​ឱ្យ​ម្ចាស់បុរីទាំងអស់ត្រូវភ្ជាប់ប្រព័ន្ធផ្តល់ទិន្នន័យចេញពីកាមេរ៉ាសុវត្ថិភាពនេះ ភ្ជាប់ទៅមជ្ឈមណ្ឌលកាមេរ៉ាសុវត្ថិភាពរបស់រដ្ឋបាលរាជធានីភ្នំពេញ ដែលត្រូវបានត្រួតពិនិត្យជាប្រចាំដោយស្នងការដ្ឋាននគរបាលរាជធានីភ្នំពេញ ដើម្បីងាយស្រួលក្នុងការចុះអន្តរាគមន៍នៅពេលមានបញ្ហាមិនប្រក្រតីណាមួយកើតឡើង។ ឯកឧត្តមបានសន្យាថា រាល់ទិន្នន័យដែលភ្ជាប់​មកស្នងការដ្ឋានរាជធានីភ្នំពេញ នឹងរក្សាការសម្ងាត់ នឹងមិនអនុញ្ញាតឱ្យយកទិន្នន័យចេញពីកាមេរ៉ាសុវត្ថិភាពនេះ ទៅផ្សព្វផ្សាយដោយគ្មានការអនុញ្ញាតឡើយ។
ឯកឧត្តមបន្តថា ការពង្រឹងកិច្ចសហការរវាងម្ចាស់បុរី និងសមត្ថកិច្ចនេះ គឺដើម្បីអាចរាយការណ៍អោ​យគ្នាទៅវិញទៅមកនៅពេលមានករណីមិនប្រក្រតីណាមួយកើតឡើង ដែលអោយសមត្ថកិច្ចអាចធ្វើអន្តរាគមន៍ជួយដោះស្រាយបានទាន់ពេលវេលា។ឯកឧត្តមអភិបាលរាជធានីភ្នំពេញបានមានប្រសាសន៍ថា បច្ចុប្បន្ននេះនៅរាជធានីភ្នំពេញមានសំណង់បុរីជាច្រើន ហើយមានលក្ខណៈរស់នៅដាច់ដោយឡែក ហើយកន្លែងខ្លះមានភាពស្មុគស្មាញងាយកើតឡើងនូវបទល្មើសនានាមួយចំនួនដែលទាមទារឲ្យភាគីទាំង២ មានកិច្ចសហការជាមួយគ្នាទ្វេដង ដើម្បីបង្កើនភាពកក់ក្តៅជូនដល់ប្រជាពលរដ្ឋដែលរស់នៅក្នុងបុរី។

ឯកឧត្តម នាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ បានគាំទ្រចំពោះយន្តការទាំងនេះដែលធានាបានសន្តិសុខសុវត្ថិភាពជូនអ្នកស្នាក់នៅ។ ក្រៅពីនេះឯកឧត្តមចង់ឱ្យម្ចាស់បុរី ខុនដូ ត្រូវមានការបំពាក់ប្រព័ន្ធការពារសុវត្ថិភាពបន្ថែមទៀត ដូចជាត្រៀមបង្ការពន្លត់អគ្គីភ័យ ឬរថយន្តពន្លត់អគ្គីភ័យ មានប្រព័ន្ធទូរសព្ទទាន់ហេតុការណ៍ ២៤ម៉ោងលើ២៤ម៉ោង មានច្រកចេញចូលត្រឹមត្រូវ ការគ្រប់គ្រងស្ថិតិប្រជាពលរដ្ឋ ត្រូវមានសន្តិសុខយាមកាមជាដើម។
សូមបញ្ជាក់ថា បច្ចុប្បន្ននេះនៅរាជធានីភ្នំពេញមានបុរីចំនួន១៤៩ទីតាំង និង ខុនដូចំនួន១៣៧ទីតាំង​ ៕

 

Filed in: ព័ត៌មានជាតិ

Leave a Reply

Submit Comment
ប៉ាកកាអាស៊ី | Pen ASIA ព័ត៌មានថ្មីៗ ទាន់ហេតុការណ៍ ! ទាក់ទងផ្តល់ ព័ត៌មាន តាមទូរស័ព្ទលេខ 012 7533 78 | 096 822 7733 | 088 2227733 ! សូមអរគុណ !

©២០១៨ រក្សាសិទ្ធិ ដោយសារព័ត៌មាន ប៉ាកកាអាស៊ី | Pen ASIA | ទូរស័ព្ទ៖ 012 7533 78 | 096 822 7733 | 088 2227733

សារព័ត៌មាន ប៉ាកកាអាស៊ី Pen ASIA ដំណើរការក្រោមប្រកាសអនុញ្ញាតលេខ ១៥២ ពមប្រក ចុះថ្ងៃទី ១១ ខែមីនា ឆ្នាំ ២០១៩

សហការផ្តល់ព័ត៌មាន៖ 012 7533 78 | 096 822 7733 | 088 2227733 | អ៊ីម៉ែល ៖ mailtobot168@gmail.com