ទាន់ហេតុការណ៍
រដ្ឋមន្រ្តីក្រសួងអប់រំ យុវជន និងកីឡា អញ្ជើញធ្វើជាវាគ្មិន ក្នុងសន្និសីទសារព័ត៌មានស្តីពី “វិធានការក្នុងការបើកដំណើរការគ្រឹះស្ថានសិក្សាឡើងវិញ” => ឯកឧត្តម វេង សាខុន ចុះចែកពូជស្រូវដល់កសិករ ២៩៨គ្រួសារដែលរងគ្រោះដោយជំនន់ទឹកភ្លៀងនៅខេត្តបន្ទាយមានជ័យ => ឯកឧត្តម ឧត្តមសេនីយ៍ឯក រ័ត្ន ស្រ៊ាង អញ្ជើញជាអធិបតីក្នុងពិធីសំណេះសំណាល បំពាក់ឋានន្តរសក្កិគ្រឿងឥស្សរិយសជូនយោធិន នៃកងរាជអាវុធហត្ថរាជធានីភ្នំពេញ សោធននិវត្តន៍និងពិការឆ្នាំ២០២០ ចំនួន៣៣នាក់ => ឯកឧត្តម ឃួង ស្រេង អភិបាលរាជធានីភ្នំពេញ អញ្ជើញចុះពិនិត្យការស្តារលូ និងបាញ់លាងសម្អាតដោយទឹកសាប៊ូ និងថ្នាំសម្លាប់មេរោគ នៅភូមិត្រពាំងថ្លឹងទី៤ សង្កាត់ចោមចៅ១ ខណ្ឌពោធិ៍សែនជ័យ => ឯកឧត្តម អ៊ូច ភា ប្រធានសាខាកាកបាទក្រហមខេត្តតាកែវ បាននាំយកអំណោយរបស់សម្ដេចកិត្តិព្រិទ្ធិបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា ចែកជូនដល់បងប្អូនអតីតៈយុទ្ធជន ក្នុងស្រុកព្រៃកប្បាស់ ខេត្តតាកែវ => សិក្ខាសាលាផ្សព្វផ្សាយ និងបណ្ដុះបណ្ដាលស្ដីពីផែនការអភិវឌ្ឍន៍៥ ឆ្នាំ២០២០-​២០​២​៤ និងវេទិកាពិគ្រោះយោបល់ដំណើរការកសាងកម្មវិធីវិនិយោគបីឆ្នាំរំកិល​២០​២១-២០២៣ => សម្តេចតេជោ ហ៊ុន សែន អញ្ជើញជាអធិបតី និងចុចប៊ូតុង បើកការដ្ឋានសាងសង់ស្ពានឆ្លងកាត់ទន្លេបាសាក់ ពីផ្លូវជាតិលេខ១ ទៅកោះនរា និងពីកោះនរាទៅកោះពេជ្រ => ឯកឧត្តម អ៊ី ឈាន ប្រធានក្រុមការងារចុះជួយខេត្តប៉ៃលិន បានបើកកិច្ចប្រជុំពិនិត្យ និងផ្ដល់យោបល់អំពីផលប៉ះពាល់និងផែនការត្រៀមបម្រុងសម្រាប់ការឆ្លើយតបសង្គ្រោះបន្ទាន់ គ្រោះមហន្តរាយទឹកជំនន់ ក្នុងខេត្តប៉ៃលិន => ក្រសួងអប់រំយុវជន និងកីឡា ត្រៀមសាងសង់កន្លែងលាងដៃឱ្យបានគ្រប់គ្រឹះស្ថានសិក្សា នៅទូទាំងប្រទេស ដើម្បីធានាបាននូវសុវត្ថិភាព សុខភាពសិស្សានុសិស្សក្នុងកំឡុងពេលវិបត្តិកូវីដ-១៩ និងបង្ការការឆ្លងពីជំងឺផ្សេងៗ => មន្ដ្រីស្ថានទូតបារាំង ចុះពិនិត្យនិងសិក្សាស្វែងយល់ពីការអភិរក្សនិងអភិវឌ្ឍន៍ប្រកបដោយចីរភាពនៅរមណីយដ្ឋានអង្គរ
0

ឯកឧត្តម ងួន រតនៈ អភិបាលខេត្តបាត់ដំបង ចុះចែកស្បៀងសង្គ្រោះបឋមដល់ពលរដ្ឋរងគ្រោះដោយជំនន់ទឹកភ្លៀង ក្នុងស្រុកគាស់ក្រឡ និងស្រុកសង្កែ និងបានអំពាវនាវដល់ប្រជាពលរដ្ឋទាំងអស់ ត្រូវមានការប្រុងប្រយ័ត្នខ្ពស់

ខេត្តបាត់ដំបង ៖ បញ្ហាជំនន់ទឹកភ្លៀងនាចុងរដូវវស្សាក្នុងឆ្នាំ២០២០នេះ មិនត្រឹមតែបង្កឱ្យមានការជន់លិចនៅតាមបណ្ដាស្រុកជាប់នឹងស្ទឹងធំៗក្នុងខេត្ត ឬស្រុកជាប់ព្រំដែនប្រទេសថៃនោះទេ វាក៏បានបង្កឱ្យមានការលិចលង់ និងប៉ះពាល់ដល់ស្រុកគាស់ក្រឡ ខេត្តបាត់ដំបង ដែលជាស្រុកមួយតែងជួបបញ្ហាគ្រោះរាំងស្ងួតសឹងតែរាល់ឆ្នាំ និងមានស្ថានដីខ្ពស់ មិនងាយមានទឹកជំនន់​ហូរដល់ស្ទើរតែគ្រប់ឃុំ។

នេះជាការលើកឡើងរបស់ លោក ញឹក សារ៉ែន អភិបាលស្តីទីស្រុកគាស់ក្រឡ លោកបានបន្តថា ទឹកជំនន់នាពេលនេះ បានប៉ះពាល់ខ្លាំងនៅក្នុងឃុំហប់ រហូតដល់មានការលិចលង់ផ្ទះពលរដ្ឋចំនួន៧៩គ្រួសារ និងត្រូវបានអាជ្ញាធរ និងកងកម្លាំងប្រដាប់អាវុធទាំង៣ បានជួយអន្តរាគមន៍យកមកកាន់ទីទួលសុវត្ថិភាព ដោយមិនមានអ្នគ្រោះថ្នាក់ដល់អាយុជីវិតនោះទេ។ ជំនន់ទឹកភ្លៀងនេះ ក៏បានហូរចូលក្នុងស្រះទឹកធំៗក្នុងស្រុកទាំងមូល ដើម្បីទុកសម្រាប់ឱ្យពលរដ្ឋប្រើប្រាស់ក្នុងរដូវប្រាំងនាពេលខាងមុខ ហើយកម្រិតទឹកដែលចូលក្នុងស្រះទឹកទាំងអស់នោះ នឹងធ្វើឱ្យស្រុកគាស់ក្រឡ ដោះស្រាយបញ្ហាខ្វះខាតទឹកប្រើប្រាស់បានមួយផ្នែកធំផងដែរ ។

ក្នុងពេលចុះចែកស្បៀងសង្គ្រោះបឋមដល់ពលរដ្ឋរងគ្រោះដោយជំនន់ទឹកភ្លៀង ក្នុងស្រុកគាស់ក្រឡ និងស្រុកសង្កែ នៅថ្ងៃ១០រោច ខែអស្សុជ ឆ្នាំជូត ទោស័ក ព.ស. ២៥៦៤ ត្រូវនឹងថ្ងៃចន្ទ ទី១២ ខែតុលា ឆ្នាំ២០២០ ឯកឧត្តម ងួន រតនៈ អភិបាលខេត្តបាត់ដំបង បានអំពាវនាវដល់ប្រជាពលរដ្ឋទាំងអស់ ត្រូវមានការប្រុងប្រយ័ត្នខ្ពស់ចំពោះកូនចៅ ដោយត្រូវហាមមិនឱ្យលេងទឹកផ្ដេសផ្ដាស់ អាចបង្កមានគ្រោះថ្នាក់ជាយថាហេតុ និងត្រូវនាំគ្នាថែរក្សាសុខភាព ។

ឯកឧត្តមអភិបាលខេត្ត បានបញ្ជាក់ថា ចំពោះទឹកជំនន់នៅខេត្តបាត់ដំបង គិតត្រឹមថ្ងៃទី១២ ខែតុលា ឆ្នាំ២០២០នេះ មានស្រុកមួយចំនួនបានធូរស្បើយ ខណៈមួយចំនួនទៀតនៅធ្ងន់ធ្ងរនៅឡើយ ពិសេសស្រុកនៅខាងក្រោមៗស្ទឹងធំៗ ដោយអាជ្ញាធរខេត្តកំពុងជួយសង្គ្រោះ ប្រជាពលរដ្ឋ នាំទៅកាន់ទីទួលសុវត្ថិភាព រួមទាំងផ្ដល់នូវស្បៀងអាហារ និងថ្នាំពេទ្យជូនដល់ប្រជាពលរដ្ឋ ចំពោះស្ថានភាពទឹកជំនន់នៅស្ទឹងសង្កែ ក៏បានស្រកបន្តិចហើយដែរ ៕

 

Filed in: ព័ត៌មានជាតិ

Leave a Reply

Submit Comment
ប៉ាកកាអាស៊ី | Pen ASIA ព័ត៌មានថ្មីៗ ទាន់ហេតុការណ៍ ! ទាក់ទងផ្តល់ ព័ត៌មាន តាមទូរស័ព្ទលេខ 012 7533 78 | 096 822 7733 | 088 2227733 ! សូមអរគុណ !

©២០១៨ រក្សាសិទ្ធិ ដោយសារព័ត៌មាន ប៉ាកកាអាស៊ី | Pen ASIA | ទូរស័ព្ទ៖ 012 7533 78 | 096 822 7733 | 088 2227733

សារព័ត៌មាន ប៉ាកកាអាស៊ី Pen ASIA ដំណើរការក្រោមប្រកាសអនុញ្ញាតលេខ ១៥២ ពមប្រក ចុះថ្ងៃទី ១១ ខែមីនា ឆ្នាំ ២០១៩

សហការផ្តល់ព័ត៌មាន៖ 012 7533 78 | 096 822 7733 | 088 2227733 | អ៊ីម៉ែល ៖ mailtobot168@gmail.com