ខេត្តព្រះសីហនុ ៖ នាថ្ងៃអាទិត្យ ២កើត ខែកត្តិក ឆ្នាំជូត ទោស័ក ព.ស២៥៦៤ ត្រូវនឹងថ្ងៃទី១៨ ខែតុលា ឆ្នាំ២០២០នេះ ឯកឧត្តម ជាម ហ៊ីម ប្រធានក្រុមប្រឹក្សាខេត្ត និងឯកឧត្តម គួច ចំរើន អភិបាលនៃគណៈអភិបាលខេត្តព្រះសីហនុ បានអញ្ជើញ ជួបសំណេះសំណាលសាកសួរសុខទុក្ខ និងនាំយកគ្រឿងឧបភោគ បរិភោគ និងថវិកា របស់សម្តេចតេជោ និងសម្តេចកិតិ្តព្រិទ្ធបណ្ឌិត ផ្តល់ជូនគ្រួសាររងគ្រោះដោយជំនន់ទឹកភ្លៀង ២គ្រួសារ នៅខេត្តព្រះសីហនុ ។
ទី១.គ្រួសារស្ត្រីរងគ្រោះដែលស្លាប់ដោយសារលង់ទឹក ស្ថិតនៅក្រុម៧ ភូមិ១ សង្កាត់លេខ១ ក្រុងព្រះសីហនុ និងទី២-គ្រួសារស្ត្រីរងគ្រោះកុមារី ទ្រី ស្រីនី លង់ទឹកដោយទឹកគួច ស្ថិតនៅឃុំ អណ្តូងថ្ម ស្រុកព្រៃនប់ ខេត្តព្រះសីហនុ ។
ក្នុងឱកាសនោះឯកឧត្តម គួច ចំរើន អភិបាលខេត្តព្រះសីហនុ បានធ្វើការសំណេះ សំណាលផ្តាំផ្ញើនូវសេចក្តីនឹករលឹកពីសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាក បាទក្រហមកម្ពុជា ដែលសម្ដេចទាំងទ្វេតែងតែយកចិត្តទុកដាក់ ចាប់អារម្មណ៍អំពីស្ថានភាព សុខទុក្ខ និងកង្វល់របស់បងប្អូនប្រជាពលរដ្ឋរងគ្រោះដោយជំនន់ទឹកភ្លៀងនៅទូទាំងប្រទេស និងចូលរួមសោកស្តាយពីសំណាក់សម្តេចទាំងពីរ ចំពោះការបាត់បង់កូន និងម្តាយជាទីស្រឡាញ់របស់គ្រួសារសពទាំងពីរ។ ទន្ទឹមនោះឯកឧត្តមអភិបាលខេត្តព្រះសីហនុ ក៏បានធ្វើការអំពាវនាវដល់ប្រជាពលរដ្ឋ យើងត្រូវប្រុងប្រយ័ត្នចំពោះជំនន់ទឹកភ្លៀង ក៏ដូចជាគ្រោះធម្មជាតិផ្សេងៗបន្តទៀត។
។
អំណោយរបស់សម្តេចតេជោ និងសម្តេចកត្តិព្រឹទ្ធបណ្ឌិត ឧបត្ថម្ភដល់គ្រួសារសពទាំងពីរគ្រួសារ ដោយក្នុងមួយគ្រួសារៗទទួលបាន អង្ករ១បាវ, មី១កេស, ត្រីខ១យួរ, ទឹកត្រី១យួរ, ទឹកស៊ីអ៊ីវ១យួរ, ទឹកក្រូច១០កេស, ទឹកបរិសុទ្ធ១០កេស, និង ថវិកា ១០លានរៀល៕
