រាជធានីភ្នំពេញ ៖ ជនសង្ស័យម្នាក់ក្នុងចំណោមបក្ខពួក០២នាក់ត្រូវកម្លាំងនគរបាលប៉ុស្តិ៍រដ្ឋបាលភ្នំពេញថ្មីធ្វើការឃាត់ករណីលួចតែមិនបានសម្រេច។ ករណីនេះបានកើតឡើងកាលពីវេលាម៉ោង២១ និង១០នាទីយប់ថ្ងៃទី០៧ខែតុលាឆ្នាំ២០១៩ នៅចំណុចមុខហាងលក់ខោអាវ MOI OUT FIT ផ្លូវ១០០៣ ភូមិឧញ្ញ៉ាវាំង សង្កាត់ភ្នំពេញថ្មី ខណ្ឌសែនសុខ ។
សមត្ថកិច្ចបានអោយដឹងថាជនសង្ស័យមាន ឈ្មោះ តេវ វ៉ារី ភេទប្រុស អាយុ២២ឆ្នាំ ជនជាតិខ្មែរ មុខរបរគ្មាន ស្នាក់នៅបន្ទប់ជួល ភូមិព្រៃទា សង្កាត់ចោមចៅ៣ ខណ្ឌពោធិ៍សែនជ័យ (មានសារធាតុញៀន។និងម្នាក់ទៀតឈ្មោះ រ៉ូ ភេទប្រុស អាយុ២៣ឆ្នាំ ជនជាតិខ្មែរ មុខរបរគ្មាន ស្នាក់នៅភូមិទួកគោក សង្កាត់ទួលសង្កែ ខណ្ឌឬស្សីកែវ (គេចខ្លួន)។ចំណែកជនរងគ្រោះមានឈ្មោះ ខុន បញ្ញា ភេទប្រុស អាយុ១៩ឆ្នាំ ជនជាតិខ្មែរ មុខរបរបុគ្គលិកហាងលក់ខោអាវ MOI OUT FITស្នាក់នៅផ្ទះលេខ៤៤០ ផ្លូវលំ ភូមិបាយ៉ាប សងហកាត់ភ្នំពេញថ្មី ខណ្ឌសែនសុខ ។ សម្ភារៈបន្សល់ទុក ៖ ម៉ូតូ០១គ្រឿង ម៉ាកនិច ពណ៌ទឹកប្រាក់ ផលិតឆ្នាំ២០១៩ ពាក់ស្លាកលេខភ្នំពេញ1HI-2490 ប្រគល់ឲ្យជនរងគ្រោះវិញ និងដែកចុងស្រួច ០១ ។
ប្រភពពីសមត្ថកិច្ចបានអោយដឹងបន្តទៀតថាមុននឹងខ្លួនជនសង្ស័យខាងលើពួគេទាំងពីនាក់បានជិះម៉ូតូ១គ្រឿងមិនចាំម៉ាកឌុបគ្នាមកធ្វើសកម្មភាពលួចកាច់កម៉ូតូរបស់ជនរងគ្រោះដែលទុកនៅមុខហាងខាងលើក្រោយពីពួកគេធ្វើសកម្មភាពបានហើយជិះចេញបានបន្តិចម្ចាស់ឃើញទាន់ក៍ស្ទុះចេញមកខាងក្រៅស្រែកថាចោរៗបង្ករការផ្ញាក់ផ្អើលដល់ប្រជាពលរដ្ឋដែលធ្វើដំណើរតាមផ្លូវជួយដេញចាប់បានម្នាក់វាយឡើទ្រោមខ្លួនទើប្រគល់អោយសមត្ថកិច្ចចំណែកបក្ខពួកម្នាក់ទៀតរត់គេចខ្លួនបាត់។ បច្ចុប្បន្ន ជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌសែនសុខ ដើម្បីអនុវត្តតាមនិតិវិធី ៕
