ទាន់ហេតុការណ៍
ផ្តើមចេញពីមនុស្សម្នាក់ គ្រួសារមួយ សង្គមមួយ ក្នុងស្មារតីរួមកម្លាំងគ្នាប្រយុទ្ធប្រឆាំងនឹងវីរុស កូវីដ-១៩ ប្រកបដោយភាពម៉ឹងម៉ាត់បំផុត! => សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ចេញសារលិខិតក្នុងឱកាសទិវាអន្ដរជាតិនៃអ្នកស្ម័គ្រចិត្ត ៥ ធ្នូ ឆ្នាំ២០២០ ក្រោមប្រធានបទ“ស្ម័គ្រចិត្តរួមគ្នា យើងអាចធ្វើបាន” => សូមលើកទឹកចិត្ត និង ផ្តល់កម្លាំងចិត្តដល់ក្រុមគ្រូពេទ្យជួរមុខ ដែលបានបំពេញការងារយ៉ាងសកម្មសម្រាប់ប្រទេសជាតិយើង => កម្ពុជា-សិង្ហបុរី នឹងបន្តកិច្ចសហប្រតិបត្តិការក្នុងក្របខណ្ឌទ្វេភាគី និងពហុភាគីបន្ថែមទៀត ដើម្បីផលប្រយោជន៍ សម្រាប់ប្រទេសទាំងពីរតំបន់ និងពិភពលោក => ឯកឧត្ដមបណ្ឌិត ចាន់ ដារ៉ុង នាំនាំយកសម្ភារ និងបរិក្ខារសម្រាប់ទប់ស្កាត់ការឆ្លងរីករាលដាលជំងឺ COVID-19 ផ្តល់ដល់វិទ្យាល័យ និងអនុវិទ្យាល័យ ចំនួន០២ ក្នុងស្រុកសាមគ្គីមានជ័យ គឺវិទ្យាល័យមិត្តភាពខ្មែរ ជប៉ុន និងអនុវិទ្យាល័យខ្នាឆ្មារ => ក្រសួងការងារនិងបណ្តុះបណ្តាលវិជ្ជាជីវៈ ចេញសេចក្តីប្រកាសស្តីពី ការឈប់សម្រាកបុណ្យដែលមានប្រាក់ឈ្នួល ប្រចាំឆ្នាំ២០២១ => រដ្ឋបាលខេត្តកណ្តាល បានចេញលិខិតថ្លែងអំណរគុណ សម្តេចតេជោ ហ៊ុន សែន ដែលបានផ្តល់នូវថវិកា ហាសិបលានរៀល ជូនរដ្ឋបាលខេត្តកណ្តាល ដើម្បីឧបត្ថម្ភសម្រាប់ប្រជាពលរដ្ឋក្រីក្រ ក្នុងពេលធ្វើចត្តាឡីសឹក រកជំងឺកូដ -១៩ ចំនួន១៤ថ្ងៃ => អនុវត្តតាមអនុសាសន៍ ដឹកនាំដ៏ខ្ពង់ខ្ពស់ របស់សម្តេចតេជោ ហ៊ុន សែន រដ្ឋបាលខេត្តកណ្ដាល ចេញសេចក្ដីណែនាំ ស្ដីពី ការទប់ស្កាត់ការឆ្លងមេរោគកូវីដ-១៩ នៅក្នុងសហគមន៍ នៅខេត្តកណ្ដាល => រដ្ឋបាលរាជធានីភ្នំពេញ បានចេញសេចក្តីជូនដំណឹងស្តីពី ការឧបត្ថម្ភថវិការបស់រាជរដ្ឋាភិបាលជូនបងប្អូនប្រជាពលរដ្ឋ ដែលធ្វើចត្តាឡីស័កទាំងអស់នៅរាជធានីភ្នំពេញ => កសិដ្ឋានចិញ្ចឹមបង្កងអូស្ត្រាលីជោគជ័យនៅខណ្ឌច្បារអំពៅ បានបន្តចែករំលែកបទពិសោធន៍ជូនដល់ប្រជាកសិករដែលមានបំណងចង់ចិញ្ចឹម ដើម្បីឱ្យមានមុខរបរច្បាស់លាស់ បង្កើនចំណូលក្នុងក្រុមគ្រួសារ
0

ឯកឧត្តម អ៊ុំ រាត្រី អភិបាលខេត្តបន្ទាយមានជ័យ អញ្ជើញជាអធិបតីភាព ក្នុងពិធីប្រកាសចូលកាន់មុខតំណែងអភិបាល អភិបាលរងស្រុកម៉ាឡៃ

ខេត្ត​បន្ទាយមានជ័យ ៖ នាថ្ងៃ​៤​កើត ខែ មិគសិរ ឆ្នាំជូត ទោស័ក ព​.​ស​.២៥៦៤​ត្រូវ​នឹង​ថ្ងៃ​ព្រហស្បតិ៍ ទី​១៩ ខែវិច្ឆិកា ឆ្នាំ​២០២០នេះ  ឯកឧត្តម អ៊ុំ រាត្រី អភិបាល នៃគណៈអភិបាលខេត្ត​បន្ទាយមានជ័យអញ្ជើញជាអធិបតីភាព ក្នុងពិធីប្រកាសចូលកាន់មុខតំណែង​អភិបាល ​អភិបាលរង​ស្រុក​ម៉ាឡៃ ដោយ​លោក​ឌៀប ឈួន ត្រូវ​បានទទួល​មុខតំណែង​ថ្មី​ជា​អភិបាល​ស្រុក​ម៉ាឡៃ និង​លោកស្រី ជុំ រស្មី អភិបាលរង​ស្រុក​ម៉ាឡៃ ដោយមាន​ការអញ្ជើញ​ចូលរួម​ពី​លោកជំទាវ ម៉ៅ ម៉ា​ល័យ កែ​គឹមយ៉ាន ឯកឧត្តម ធូ ​ស៊ុន រដ្ឋលេខាធិការ​ក្រសួង​សង្គមកិច្ច​អតីតយុទ្ធជន ឯកឧត្តម សុខ ភាព រដ្ឋលេខាធិការ​ក្រសួងការពារជាតិ និង លោក លោកស្រី មន្ត្រីរាជការ​សាលាខេត្ត​-​ស្រុក មន្ទីរ អង្គភាព-ស្ថាប័ន សមត្ថកិច្ច​ពាក់ព័ន្ធ​គ្រប់ ជាន់ថ្នាក់​ជាច្រើន​ផងដែរ​។​
​                ក្នុងឱកាស​នោះ​ឯកឧត្តម អ៊ុំ រាត្រី បាន​ថ្លែង​កោតសរសើរ និង​វាយតម្លៃ​ខ្ពស់​ចំពោះ​ក្រុម ប្រឹក្សា​ស្រុក គណៈ​អភិបាលស្រុក អាជ្ញាធរ​ដែនដី​គ្រប់លំដាប់​ថ្នាក់ កងកម្លាំងប្រដាប់អាវុធ គ្រប់​ប្រភេទ និង​អង្គភាព​ពាក់ព័ន្ធ ក្នុងស្រុក​ទាំងអស់​ដែល​បានរួម​សាមគ្គី​សហការគ្នា ខិតខំ ប្រឹងប្រែង​យ៉ាងសកម្ម ក្នុងការ​អនុវត្ត​កម្មវិធី​នយោបាយ របស់​រាជរដ្ឋាភិបាល​កម្ពុជា ដោយបាន ជំរុញ​ការអភិវឌ្ឍ​ស្រុក​ឱ្យមាន​ការរីកចម្រើន​លើ​គ្រប់​វិស័យ និង​រក្សាបាន​នូវ​សន្តិសុខ សណ្ដាប់ សាធារណៈ​សង្គម​បានល្អ​ប្រសើរ នាពេល​កន្លងមកនេះ​។​

​                ជាមួយនេះដែរ ឯកឧត្តម​ក៏បាន​ថ្លែង​នូវ​ការអបអរសាទរ និង​បាន​ផ្ដាំផ្ញើ​ដល់​អភិបាល​អភិបាលរ​ង​ស្រុក ដែល​ទើប​ទទួល​ការតែងតាំង​មុខតំណែង​ថ្មី ត្រូវ​ប្រកាន់ខ្ជាប់​នូវ​សាមគ្គីភាព ផ្ទៃក្នុង និង​ត្រូវខិតខំ​ប្រឹងប្រែង​សហការ​ចូលរួម​ក្នុង​ដំណើរការ​អភិវឌ្ឍ​មូលដ្ឋាន ឱ្យមាន​ការ ផ្លាស់ប្តូរ​រីកចម្រើន​ថែមទៀត​។ ដោយឡែក​អាជ្ញាធរ​ដែនដី​គ្រប់លំដាប់​ថ្នាក់ និង​កងកម្លាំង​ប្រ ដាប់​អាវុធ​គ្រប់​ប្រភេទ ត្រូវ​បន្ត​ចាត់តាំង​ការអនុវត្ត​យុទ្ធនាការ​ប្រយុទ្ធប្រឆាំង​គ្រឿងញៀន​ខុស ច្បាប់ និង​គោលនយោបាយ​ភូមិ ឃុំ​មាន​សុវត្ថិភាព ធ្វើយ៉ាងណា​បង្ការ​ទប់ស្កាត់​និង​បង្ក្រាប​ឱ្យ បាន​ចំពោះ​បទល្មើស​គ្រប់​ប្រភេទ​ជាពិសេស បទល្មើស​ប្លន់​ប្រដាប់អាវុធ គ្រឿងញៀន ល្បែង ស៊ីសង និង​ត្រូវ​បន្ត​ពង្រឹង​កិច្ចសហប្រតិបត្តិការ​ឱ្យ​បានល្អ​ប្រសើរ​ជាមួយ​ប្រទេសជិតខាង​យើង គឺ​ប្រទេស​ថៃ​។ ពិសេស​ស្រុក​ដែលមាន​ភូមិសាស្ត្រ​ជាប់​គ្នា​ដើម្បី​រួមគ្នា​ថែរក្សា​សន្តិសុខ​សណ្ដាប់ ធ្នាប់​ព្រំដែន និង​ការបង្ការ​ទប់ស្កាត់​បទ​ល្មើស​ឆ្លងកាត់​ព្រំដែន​គ្រប់​ប្រភេទ​។ ត្រូវ​បង្កើន​ការចុះ​ធ្វើ វេទិកាសាធារណៈ​ស្តីពី​គោលនយោបាយ​ភូមិ ឃុំ​មាន​សុវត្ថិភាព ឱ្យបាន​ទូលំទូលាយ ដើម្បី​ធ្វើ យ៉ាងណា​ឱ្យ​ប្រជាពលរដ្ឋ​បាន​យល់ច្បាស់​ហើយ​ចូលរួម​ទាំងអស់គ្នា​។ ការងារ​ដែល​សំខាន់ ទៀត​នោះ​ហើយ​ត្រូវតែ​រួមគ្នា​គិត រួមគ្នា​ធ្វើ ក្នុង​ការបន្ត​ប្រយុទ្ធប្រឆាំង​ជំងឺ​កូ​វីដ​-១៩ ដោយ​ត្រូវ អនុវត្តន៍​ឱ្យបាន​ខ្ជាប់ខ្ជួន​តាម​វិធាន​ក្រសួងសុខាភិបាល​។ ត្រូវ​បន្ត​យកចិត្តទុកដាក់​ក្នុងការ​ផ្តល់ សេវា​រដ្ឋបាល និង​សេវាសាធារណៈ​ជូន​ដល់​ប្រជាពលរដ្ឋ ឱ្យបាន​លឿន​ទាន់ពេលវេលា ដើម្បី បង្កើន​ជំនឿ​របស់​ប្រជាពលរដ្ឋ លើ​ការដឹកនាំ​របស់​រាជរ​ដ្ឋា​ភិ​បាល សំដៅ​ចូលរួម​អភិវឌ្ឍន៍​មូល ដ្ឋា​ន​យើង​ឱ្យ​កាន់តែ​មានការ​រីកចម្រើន​ថែមទៀត ។

ឯកឧត្តម អ៊ុំ រាត្រី បានធ្វើការ​ក្រើនរម្លឹក​ដោយ​ជំរុញ​ដល់​មន្ត្រី​អាជ្ញាធរ​ដែនដី កងកម្លាំងប្រដាប់អាវុធ​គ្រប់ ជាន់ថ្នាក់​ត្រូវ​បន្ត​រួមគ្នា​ថែរក្សា​ការពារ​សន្តិភាព និង​អភិវឌ្ឍន៍​មូលដ្ឋាន​ឱ្យមាន​ការរីកចម្រើន​ធ្វើ ឱ្យ​ប្រជាពលរដ្ឋ​រស់នៅ​ប្រកបដោយ​សេចក្ដីសុខសាន្ដ មាន​ជីវភាព​កាន់តែ​ធូរធារ​បន្ថែមទៀត​៕

Filed in: ព័ត៌មានជាតិ

Leave a Reply

Submit Comment
ប៉ាកកាអាស៊ី | Pen ASIA ព័ត៌មានថ្មីៗ ទាន់ហេតុការណ៍ ! ទាក់ទងផ្តល់ ព័ត៌មាន តាមទូរស័ព្ទលេខ 012 7533 78 | 096 822 7733 | 088 2227733 ! សូមអរគុណ !

©២០១៨ រក្សាសិទ្ធិ ដោយសារព័ត៌មាន ប៉ាកកាអាស៊ី | Pen ASIA | ទូរស័ព្ទ៖ 012 7533 78 | 096 822 7733 | 088 2227733

សារព័ត៌មាន ប៉ាកកាអាស៊ី Pen ASIA ដំណើរការក្រោមប្រកាសអនុញ្ញាតលេខ ១៥២ ពមប្រក ចុះថ្ងៃទី ១១ ខែមីនា ឆ្នាំ ២០១៩

សហការផ្តល់ព័ត៌មាន៖ 012 7533 78 | 096 822 7733 | 088 2227733 | អ៊ីម៉ែល ៖ mailtobot168@gmail.com