ខេត្តសៀមរាប ៖ នាព្រឹកថ្ងៃទី ៩ ខែតុលា ឆ្នាំ ២០១៩ ត្រូវនឹងថ្ងៃ ១១ កើតខែអស្សុជ ពុទ្ធស័ករាជ ២៥៦៣នាវេលាម៉ោង០៩និង៤៣នាទីម្សិលមិញនេះពលរដ្ឋប្រមាណជាង ៤០ គ្រួសារបានមកជួបជុំគ្នានឹងគាំទ្រលោកពូ លួសសឿមដែលរងការជិះជាន់នឹងរឿងវិវាទិ៌ដីធ្លីពី សំណាក់អ្នកមានប្រាក់និងមានអំណាចឈរនៅពីក្រោយខ្នងបានស្នើសុំដល់ ឯកឧត្តមលឹមសំណាងសមាជិកឧត្តមក្រុមប្រឹក្សាពិគ្រោះនិងផ្តល់យោលបល់មកពីគណបក្ស ខ្មែរអភិវឌ្ឍន៍សេដ្ឋកិច្ច ដើម្បីស្វែងរកតម្រុយនិងភាពយុត្តិធម៏ជូនគាត់ផង ។
ពលរដ្ឋម្នាក់ក្នុងចំណោម ៤០ គ្រួសារបានលើកឡើងថា ពួកគាត់មិនបានត្រូវគេបង្ខំ ឬជួលអោយមកនោះទេ ពោលគឺពួកគាត់មកទីតាំងដីចំណុចភូមិស្រះខ្វាវ ឃុំត្បែង ស្រុកបន្ទាយស្រីនេះគឺដើម្បីគាំទ្រលោកពូលួស សឿមដែលត្រូវបានរងការជិះជាន់និងគាបសង្កត់ ពីលោក ម៉ក់វណ្ណះដែលបានអះអាងថា ដីនោះជាកម្មសិទ្ធរបស់គាត់ ។ ក្នុងនោះផងដែរលោកអុំ ប្រុសម្នាក់ក្នុងចំណោមនោះ បានអោយដឹងផងដែរថា គាត់គាំទ្រលោកលួសសឿមដោយគាត់បានបញ្ជាក់ថាដីនោះ ឈ្មោះលួស សឿមបានកាន់កាប់តាំងពីឆ្នាំ១៩៧៩មកម្លេះ ហើយក៏មានប្រថាប់ត្រាទទួលស្កាល់ពីលោក មេឃុំ ត្បែងស្រុកបន្ទាយស្រី ខេត្តសៀមរាបផងដែរ។
ចំណែកលោកលួសសឿមបានរៀបរាប់អោយដឹងដែរថា រូបគាត់បានកាន់កាប់ដីនេះចាប់តាំងពីឆ្នាំ១៩៧៩ រហូតមកដល់បច្ចុប្បន្ននេះក៏ស្រាប់តែមានឈ្មោះម៉ក់វណ្ណះបានមកដេញគាត់អោយចេញពីដី នោះដោយលោកម៉ក់វណ្ណះនិយាយថាដីនេះគាត់បានទិញពីបុគ្គល ២នាក់បានលក់មកអោយគាត់អស់ហើយ ដោយឡែក ឯកឧត្តម លឹម សំណាង សមាជិកឧត្តមក្រុមប្រឹក្សាពិគ្រោះនិងផ្តល់យោបល់ដែល អញ្ជើញមកពីគណបក្សខ្មែរអភិវឌ្ឍន៍សេដ្ឋកិច្ចបានអោយដឹងទៀតថា ឯកឧត្តមនិងខិតខំប្រឹងប្រែងស្វែងរកតម្រុយ ដែលពាក់ព័ន្ធ និងអ្នកដែលឈរ នៅពីក្រោយខ្នងក្នុងករណីនេះ ។ ឯកឧត្តមបានបន្តទៀតថារឿងរ៉ាវនេះគឺជាជម្ងឺរាំរ៉ៃមួយដែលបានកើតឡើងនិងរីករាលដាលជាបន្តបន្ទាប់ហើយក៏កើតឡើងជារឿយៗផងដែរហើយឯកឧត្តមនឹងបន្តស្វែរកភាពយុត្តិធម៌ជូនជនដែលរងគ្រោះ ពិតប្រាកដយោងតាមអនុសាស្ត្រឈ្នះៗ របស់រាជរដ្ឋាភិបាលដែលមានប្រមុខដឹកនាំគឺសម្តេចអគ្គមហាសេនាបតីតេជោ ហ៊ុន សែននាយករដ្ឋមន្ត្រីនៃព្រះរាជាណាចក្រកម្ពុជា ។ បើយោងតាមការអះអាងពីលោកមេភូមិ និងលោកមេឃុំបានអោយដឹងដែរថា ដីខាងលើនេះពិតជាដីកម្មសិទ្ធិរបស់ឈ្មោះលួស សឿមពិតប្រាកដមែន ។ គាត់បន្តដែរថា ឈ្មោះលួស សឿម មិនបានលក់ទៅអោយឈ្មោះម៉ក់ វណ្ណៈទេ ។ ទាក់ទិនទៅនិងរឿងរ៉ាវមួយនេះ អង្គភាពយើងមិនអាចសុំការបំភ្លឺបានឡើយពីអាជ្ញាធរស្រុកបន្ទាយស្រី បាននោះទេដោយមិនមានលេខទូរសព្ទ័សម្រាប់ទំនាក់ទំនង ។
