ខេត្តព្រះសីហនុ ៖ រសៀលថ្ងៃ៨កើត ខែមិគសិរ ឆ្នាំជូត ទោស័ក ព.ស. ២៥៦៤ ត្រូវនឹងថ្ងៃចន្ទ ទី២៣ ខែវិច្ឆិកា ឆ្នាំ២០២០នេះ នៅសាលាខេត្តព្រះសីហនុ ឯកឧត្តម សុខ គាង អនុរដ្ឋលេខាធិការក្រសួងបរិស្ថាន និងលោក ម៉ាង ស៊ីណេត អភិបាលរងខេត្តព្រះ សីហនុ បានដឹកនាំកិច្ចប្រជុំពិភាក្សា ការប្រកួតបាល់ទាត់ រវាងក្រុមកីឡាបាល់ទាត់រាជសីសមុ ទ្រខៀវ និងក្លឹបបាល់ទាត់បឹងកេត នៅក្រុងព្រះសីហនុ ក្នុងបរិវេណសាកលវិទ្យាល័យ ឡាយហ្វ ។ ការប្រកួតនេះដើម្បីកៀរគរមូលនិធិលើកកម្ពស់សោភណភាព និងបរិស្ថានសាលាមត្តេយ្យក្រុងព្រះសីហនុ នៅថ្ងៃសៅរ៍ ទី០៥ ខែធ្នូ ឆ្នាំ២០២០ខាងមុខនេះ តាមការគ្រោងទុក ។
លោក ម៉ាង ស៊ីណេត អភិបាលរងខេត្តព្រះសីហនុ បានទទួលស្វាគមន៍ចំពោះការផ្តួច ផ្តើមរបស់ឯកឧត្តមរដ្ឋមន្ត្រីក្រសួងបរិស្ថាន ក្នុងការប្រកួតកីឡាបាល់ទាត់ភាតរភាព រេវាងក្រុមកីឡាបាល់ទាត់រាជសីសមុទ្រខៀវ និងក្លឹបបាល់ទាត់បឹងកេត នៅពេលខាងមុខ។ រដ្ឋបាលខេត្តនឹងសហការគាំទ្រ ដើម្បីរៀបចំការប្រកួតកីឡាបាល់ទាត់នៅខេត្តព្រះសីហនុ ប្រព្រឹត្តទៅដោយរលូន ដើម្បីកៀរគរមូលនិធិពីសប្បុរសជន ឯកឧត្តម លោកជំទាវ លោកឧកញ៉ា លោក លោកស្រី អាណាព្យាបាលសិស្ស ក្នុងការជួយទ្រទ្រង់កែលម្អសោភណភាព និងបរិស្ថានសាលាមត្តេយ្យសិក្សាក្រុងព្រះសីហនុ ។
ឯកឧត្តម សុខ គាង អនុរដ្ឋលេខាធិការក្រសួងបរិស្ថាន មានប្រសាសន៍ថាក្រសួងបរិស្ថាន បានសហការជាមួយរដ្ឋបាលខេត្តព្រះសីហនុ បង្កើតព្រឹត្តិការណ៍បាល់ទាត់នេះឡើង ដើម្បីកៀរគរ រកមូលនិធិពីសប្បុរសជនក្នុងខេត្តព្រះសីហនុ និងសប្បុរសជននៅក្រៅខេត្ត យកមកជួយកែលម្អសោភណភាព បរិស្ថានសាលាមត្តេយ្យក្រុងព្រះសីហនុ ក៏ដូចសាលាមត្តេយ្យនានាក្នុងខេត្តព្រះសីហនុ។ ព្រោះកុមារតូចត្រូវការជាចាំបាច់នូវភាពស្អាត ម្យ៉ាងទៀតការប្រកួតកីឡាបាល់ទាត់ ភាតរភាពនេះ បង្កើតបាននូវមិត្តភាព សាមគ្គីភាព និងកិច្ចសហការល្អ មានការយោគយល់ និងដកស្រង់បទពិសោធន៍ពីគ្នាទៅវិញទៅ មករវាងក្រុមកីឡាករទាំងពីរកាន់ តែមានភាពស្និទ្ធស្នាល ។
ឯកឧត្តម បានបញ្ជាក់ថា យើងត្រូវតែបំផុសស្មារតីប្រជាពលរដ្ឋ ពិសេសយុវជនរបស់ ឱ្យមានការយល់ដឹងអំពីវិស័យកីឡា នៅព្រះរាជាណាចក្រកម្ពុជា និងចូលរួមលេងកីឡាឱ្យបានកាន់តែច្រើន ព្រោះកីឡានាំមកនូវមិត្តភាព សុខភាព ធ្វើឱ្យរាងកាយយើងរឹងមាំ មានសាមគ្គីភាព និងចៀសឆ្ងាយពីគ្រឿងញៀន ៕
