ខេត្តព្រះសីហនុ÷ ប្រជាពលរដ្ឋបានរាយកាណ៍អោយដឹងថាសង្វៀន ជល់មាន់នៅ ឃុំអូរតាសេក ស្រុកស្ទឹងហាវ បើកលេងយ៉ាងដុះស្លែរទៅហើយ បែរជាសមត្ថកិច្ចក្នុងមូលដ្ឋានមិនឃើញចេញមុខបង្ក្រាប រឺមួយខ្លាចបែកឆ្នាំងបាយ ។ ប្រជាពលរដ្ឋបានលើកឡើង ប្រហែលជាមេការ និងក្រុមអ្នកញៀនល្បែងជល់មាន់ទងនោះ ត្រូវរ៉ូវគ្នាជា មួយសមត្ថកិច្ចស្រុកស្ទឹងហាវហើយមើលទៅ បានអាចជាបើកលេងយ៉ាងរលូនយ៉ាងដូច្នេះ។
តាមប្រភពបន្តថា ម្ចាស់សង្វៀន និង បនល្បែងគ្រប់ប្រភេទខាងលើត្រូវបានគេស្គាល់ឈ្មោះថា តាទ្រី ហើយម្យ៉ាងវិញទៀតគាត់បានដើរក្អួតក្អែងថា អ្នកចូលលេងល្បែងកន្លែងគាត់មិនចាំបាច់ភ័យខ្លាចនោះទេ ព្រោះ គាត់ (តា ទ្រី) បានបង់លុយអោយសមត្ថកិច្ចពាក់ព័ន្ធក្នុងមូលដ្ឋានអស់ហើយ ។ ប្រភពបន្តថា សព្វថ្ងៃនេះពលរដ្ឋដែលរស់នៅជិតតំបន់ល្បែងសុីសងមួយនេះ គឺកំពុងព្រួយបារម្មណ៍យ៉ាងខ្លាំងអំពី ភាពអសន្តិសុខ និងអំពើរចោរកម្ម ដែលវាអាចនិងកើតចេញពីក្រុមអ្នកញៀនល្បែងទាំងនេះ។ ហើយពលរដ្ឋបានលើកឡើងថា តើឯណាទៅ គោលនយោបាយទាំង៩ចំនុចរបស់រាជរដ្ឋាភិបាលដើម្បី ភូមិ ឃុំមានសុវត្តិភាព រឺមួយសមត្ថកិច្ច និងស្ថាប័នពាក់ព័ន្ធភ្លេចអស់ហើយទេដឹង។
ប្រជាពលរដ្ឋដែលរស់នៅស្រុងស្ទឹងហាវ អំពាវនាវឯកឧត្តម យន្ត មីន អភិបាលនៃគណៈ អភិបាលខេត្តព្រះសីហនុមេត្តាជួយបង្ក្រាបល្បែងសុីសងជល់មាន់និងអាប៉ោង ដើម្បីរក្សាសុវត្តិភាពជូនពួកគាត់ ព្រោៈមានតែឯកឧត្តមអភិបាលខេត្ត ទេដែលតែងតែយកចិត្តទុកជាមួយបងប្អូនប្រជាពលរដ្ឋក្នុងខេត្តទាំងមូល៕
