(ស្រុកពញាឭ) ៖ លោក ថនសុវណ្ណា អភិបាលស្រុកពញាឭ រួមជាមួយលោកហេង សុគន្ធារិទ្ធ នាយរដ្ឋបាលជលផលកណ្តាលបានដឹកនាំ ក្រុមការងារនាំយកម៉ាសចំនួន ១៥.០០០ម៉ាសចែកជូនដល់ប្រជាពលរដ្ឋ និងកម្មករគន្លងដាយ កំពង់សំរុកមកធ្វើត្រីប្រហុក ត្រីឆ្អើរ ផ្អក ត្រៀមទុកសំរាប់ហូកប្រចាំឆ្នាំ នៅតាមគន្លងដាយ ទន្លេសាប ត្រង់ចំណុច ឃុំវិហារលួង ស្រុកពញាឮ នៅរសៀលថ្ងៃទី២៤ឆ្នូម្សិលមិញនេះ។
នៅទីនោះលោកអភិបាលស្រុក បានអំពាវនាវអោយបងប្អូនប្រជាពលរដ្ឋ និងកម្មករ គន្លងដាយទាំងអស់ត្រូវយកចិត្តទុកដាក់ប្រុងប្រយត្ន័ខ្ពស់ ប្រកាន់ខ្ជាប់នូវវិធានសុវត្ថិភាពរបស់សុខាភិបាល និងការអំពាវនាវ និងណែនាំរបស់រាជរដ្ឋាភិបាល។
បន្ទាប់មក នៅរសៀលថ្ងៃដដែលនេះដែរលោកថន សុវណ្ណា និងក្រុមការងារ បានចុះចែកម៉ាស់ ដល់ប្រជាពលរដ្ឋ កំពង់ធ្វើត្រីប្រហុក និងកម្មករគន្លងដាយទន្លេសាបចំនួន ០២កន្លែងទៀត រួមមាន ៖
គន្លងដាយ លេខ១៥E និងគន្លងដាយ លេខ១៥A ផងដែរ។
គួរបញ្ជាក់ថា ៖ តាមសេចក្តីជូនដំណឹង របស់ក្រសួងកសិកម្ម បានអំពាវនាវអោយប្រជាពលរដ្ឋ មានបំណងធ្វើត្រីប្រហុកត្រីឆ្អើរ និងផ្អក ត្រៀមទុកសំរាប់ហូក ប្រចាំឆ្នាំត្រីនិងចាប់ផ្តើមត្រូវពីថ្ងៃទី២០ដល់ថ្ងៃទី២៦ ខែឆ្នូ ឆ្នាំ២០២០ នៅតាមគន្លងដាយ ទន្លេសាប នៅក្នុងភូមិសាស្ត្រ រាជធានីភ្នំពេញ និងខេត្តកណ្តាល ៕
