ខេត្តកណ្ដាល៖ នាព្រឹកថ្ងៃទី១១ ខែមករា ឆ្នាំ២០២១ លោកជំទាវ ហ៊ុន កុសនី អភិបាលរងខេត្តកណ្តាល បានអញ្ជើញជាអធិបតីភាពក្នុងពិធីបើកបវេសនកាល ឆ្នាំសិក្សាថ្មី ២០២០-២០២១ នៅវិទ្យាល័យ ហ៊ុន សែន ស្អាង ។
ក្នុងពិធីបើកបវេសនកាសឆ្នាំសិក្សាថ្មីនេះ លោកជំទាវ អភិបាលរងខេត្ត បានអានសាររបស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ក្នុងឱកាសបើកបវេសនកាលឆ្នាំសិក្សា២០២០-២០២១ ជូនសិស្សានុសិស្ស លោកគ្រូ អ្នកគ្រូ។
លោកជំទាវអភិបាលរងខេត្ត ក៏បានផ្ដាំផ្ញើដល់ប្អូនៗ សិស្សានុសិស្ស ទាំងអស់ ត្រូវបន្តយកចិត្តទុកដាក់បន្ថែម ក្នុងការសិក្សាឆ្នាំថ្មីនេះ ដើម្បីបង្កើននូវចំណេះដឹងល្អៗ ដើម្បីអភិវឌ្ឍខ្លួនយើង អោយមានសមត្ថភាពល្អ រួមចំណែកការអភិវឌ្ឍន៍ប្រទេសជាតិ ។
លោកជំទាវអភិបាលរងខេត្ត បានអំពាវនាវដល់ប្រជាពលរដ្ឋ លោកគ្រូ អ្នកគ្រូ សិស្សានុសិស្ស ត្រូវបន្តការពារ និងទប់ស្កាត់ជម្ងឺកូវិដ-១៩ និងត្រូវបន្តរក្សាអនាម័យដោយលាងសម្អាតដៃនឹងសាប៊ូ អាល់កុល ឬជែលលាង អោយបានជាប្រចាំ រាល់ពេលចេញពីផ្ទះ និងនៅទីប្រជុំជនត្រូវពាក់មាស់ និងរក្សាគម្លាតសុវត្តិភាពផងដែរ ។
សូមបញ្ជក់ថា ក្នុងឱកាសបើកបវេសនកាលឆ្នាំសិក្សា២០២០-២០២១ នៅវិទ្យាល័យ ហ៊ុន សែន ស្អាង នាពេលនេះ លោកជំទាវអភិបាលរងខេត្ត ក៏បានឧបម្ថត្ភកង់ចំនួន ៥គ្រឿង ជូនដល់សិស្ស ៥នាក់ ដែលមានជីវភាពក្រីក្រ និងជូនរង្វាន់ដល់សិស្សឆ្នើមប្រចាំវិទ្យាល័យ ហ៊ុន សែន ស្អាង ចំនួន ១០នាក់ រួមនឹងថវិកាចំនួន ៥ម៉ឺនរៀលផងដែរ ។
