ខេត្តកំពត ៖ ថ្ងៃសៅរ៍ ០៦រោច ខែអស្សុជ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី ១៩ ខែតុលា ឆ្នាំ ២០១៩ វេលាម៉ោង ១៨:៤០ នាទី កម្លាំងជំនាញខេត្ត សហការជាមួយកម្លាំងជំនាញ នៃអធិការដ្ឋាននគរបាលស្រុកកំពង់ត្រាច បានបង្ក្រាបករណីចែកចាយគ្រឿងញៀន នៅចំណុចមុខផ្សារកំពង់ត្រាច ស្ថិតក្នុងភូមិកំពង់ត្រាចទី១ ឃុំកំពង់ត្រាចខាងកើត ស្រុកកំពង់ត្រាច ។ ឃាត់ខ្លួនជនសង្ស័យបានចំនួន ០១ នាក់ ឈ្មោះ យិន សារិទ្ធ ភេទប្រុស អាយុ ៣៧ ឆ្នាំ រស់នៅភូមិស្នោ ឃុំរកាធំ ខេត្តកំពង់ស្ពឺ និងដកហូតបានថ្នាំ ញៀនចំនួន ០៦ កញ្ចប់ (ធំចំនួន ០៥ កញ្ចប់) ។
បច្ចុប្បន្ន សមត្ថកិច្ចបានកសាងសំណុំរឿង ដើម្បីអនុវត្តតាមនីតិវិធីច្បាប់ ។
