ឯកឧត្តម គីម រឹទ្ធី អញ្ជើញអមដំណើរ ក្រុមការងារក្រសួងសុខាភិបាល ចុះសំណេះសំណាល និងសួរសុខទុក្ខ លោកគ្រូពេទ្យ អ្នកគ្រូពេទ្យ និងអ្នកស្ម័គ្រចិត្តភូមិ នៅមណ្ឌលសុខភាព ព្រែកអំបិល ស្រុកស្អាង ខេត្តកណ្តាល

ខេត្តកណ្តាល៖ នាព្រឹកថ្ងៃទី២២ ខែមករា ឆ្នាំ២០២១នេះ ឯកឧត្តម គីម រឹទ្ធី អភិបាលរង ខេត្តកណ្តាល បានអញ្ជើញអមដំណើរ ក្រុមការងារក្រសួងសុខាភិបាល ចុះសំណេះសំណាល និងសួរសុខទុក្ខ លោកគ្រូពេទ្យ អ្នកគ្រូពេទ្យ និងអ្នកស្ម័គ្រចិត្តភូមិ នៅមណ្ឌលសុខភាព ព្រែកអំបិល ស្រុក ស្អាងខេត្តកណ្តាល។ដើម្បីទប់ស្កាត់ការឆ្លងរីករាលដាលជំងឺកូវីដ -១៩ ដឹកនាំដោយលោកជំទាវ ឱ វណ្ណឌីន រដ្ឋលេខាធិការ និងជាអ្នកនាំពាក្យ ក្រសួងសុខាភិបាល និងលោកជំទាវវេជ្ជបណ្ឌិត លី អាយឡែន តំណាងអង្គការសុខភាពពិភពលោក (WHO) ប្រចាំនៅកម្ពុជា ។

លោកជំទាវរដ្ឋលេខាធិការក្រសួង សុខាភិបាល​ បានថ្លែងនូវការកោតសរសើរដល់ក្រុមគ្រូពេទ្យទាំងអស់​ ព្រមទាំងបុគ្គលិកមន្ទីរពេទ្យនិងមណ្ឌលសុខភាពទាំងអស់ដែលតែងតែគោរពក្រមសីលធ៌មវិជ្ជាជីវ:ពេទ្យបានល្អ​ យកចិត្តទុកដាក់ជួយសង្រ្គោះអ្នកជំងឺទាន់ពេលវេលា។ពិសេសក្រុមគ្រូពេទ្យជួរមុខទាំងអស់ ដែលបានលះបង់ទាំងកម្លាំងកាយ កម្លាំងចិត្ត ក្នុងការទប់ស្កាត់ការឆ្លងរីករាលដាល នៃជំងឺកូវីដ-១៩ បានយ៉ាងល្អនាពេលកន្លមកនេះ។

លោកជំទាវ បន្តថា បើទោះបីជាកន្លមកនេះវិធានការក្នុងការទប់ស្កាត់បានល្អប្រសើរក៏ដោយ ក៏យើងមិនត្រូវភ្លេចនូវការវាយលុកសារជាថ្មីពីជំងឺកូវីដ-១៩ឡើយ។

ឱកាសនោះដែរ លោកជំទាវ​ ឱ​ វណ្ណឌីន​ បានគួសបញ្ជាក់បន្ថែមថាក្រៅពីបញ្ហា បង្ការ និង ទប់ស្កាត់ ជំងឺកូវីដ១៩ លោកជំទាវក៏បាន ជំរុញលើកទឹក ចិត្តឱ្យមានការទុកដាក់ចំណីអាហារ ឱ្យបានត្រឹមត្រូវ គឺហូបស្អាត ផឹកស្អាត និងរស់នៅស្អាត និងមានការប្រុងប្រយ័ត្នខ្ពស់ ដើម្បីគេចផុតពីជំងឺផ្សេងៗដែលបង្កដោយចំណីអាហារ មិនមានអនាម័យ និងទុកដាក់មិនត្រឹមត្រូវផងដែរ។ #ដកស្រង់ពីផេកផ្លូវការ រដ្ឋបាលខេត្តកណ្តាល #សម្រួលការផ្សាយដោយ លោក គង់ សុខហេង