រាជធានីភ្នំពេញ ៖ នាព្រឹកថ្ងៃសៅរ៍ ទី២៣ ខែមករា ឆ្នាំ២០២១ ឯកឧត្តម ឆាយ វណ្ណា សមាជិកអចិន្ត្រៃយ៍ យុវជនគណបក្សថ្នាក់កណ្តាល និងជាប្រធានផ្នែកវប្បធម៌ និងសាសនា នៃយុវជនគណបក្សប្រជាជនកម្ពុជាថ្នាក់កណ្ដាល តំណាងដ៏ខ្ពង់ខ្ពស់ ឯកឧត្តម ហ៊ុន ម៉ាណែត សមាជិកអចិន្ត្រៃយ៍គណៈកម្មាធិការកណ្តាល និងជាប្រធានយុវជនគណបក្សថ្នាក់កណ្តាល បានអញ្ជើញជាអធិបតីក្នុង ពិធីប្រកាសទទួលស្គាល់សមាសភាពក្រុមការងារជំនួយការផ្នែកវប្បធម៌និងសាសនា ។
ពិធីប្រកាសនេះ ក៏មានការអញ្ជើញចូលរួមពីសំណាក់ ឯកឧត្តម លោកជំទាវលោកលោកស្រីនាងកញ្ញាជាសមាជិក គណៈកម្មាធិការកណ្ដាលនៃយុជនគណបក្សថ្នាក់កណ្ដាល អនុប្រធានផ្នែកវប្បធម៌និងសាសនា និងក្រុមជំនួយការផ្នែកវប្បធម៌ និងសាសនា ជាច្រើនរូប ។
ក្នុងឳកាសនោះ ឯកឧត្តម ឆាយ វណ្ណា បានអានសេចក្តីសម្រេចស្តីពី ការកែសម្រួលនិងទទួលស្គាល់ក្រុមជំនួយការផ្នែកវប្បធម៌និងសាសនានិងការប្រកាសតែងតាំងនិងបែងចែកតួនាទី ភារកិច្ចរបស់ក្រុមការងារផ្នែកវប្បធម៌ និងសាសនា សរុបចំនួនសរុប១០០នាក់។
ឯកឧត្តម ឆាយ វណ្ណា បានមានមតិទៅកាន់សមាជិកបក្សជាយុវជនទាំងអស់ ត្រូវអនុវត្តឲ្យបានខ្ជាប់ខ្ជួនតាមលក្ខន្តិកៈ និងបទបញ្ជាផ្ទៃក្នុងរបស់គណបក្ស សំដៅពង្រឹងសាមគ្គីភាព ឯកភាពផ្ទៃក្នុងគណបក្សឲ្យកាន់តែរឹងមាំទាំងខាងនយោបាយ សតិអារម្មណ៍ និង ចាត់តាំង ដោយឈរលើគោលការណ៍ “សមូហភាពដឹកនាំ បុគ្គលទទួលខុសត្រូវ” ដើម្បីឈានឆ្ពោះ ទៅ ដណ្តើមជ័យជំនះគ្រប់ការបោះឆ្នោតជាបន្តបន្ទាប់។
នៅក្នុងឱកាសនោះឯកឧត្តម ឆាយ វណ្ណា ក៏បានពាំនាំនូវប្រសាសន៍ ឯកឧត្តមបណ្ឌិត ហ៊ុន ម៉ាណែត ប្រធានយុវជនគណបក្សប្រជាជនកម្ពុជាថ្នាក់កណ្តាល ដែលបានធ្វើការផ្តាំផ្ញើសួរសុខទុក្ខដល់អ្នកដែលបានអញ្ជើញចូលរួមទាំងអស់ផងដែរ។
ឯកឧត្តម បន្ថែមថា ទន្ទឹមនេះ ក្នុងនាមយុវជនគណបក្សប្រជាជនកម្ពុជាត្រូវបន្តខិតខំសហការប្រមូលផ្តុំកម្លាំងសាមគ្គីដើម្បីជំរុញចលនាយុវជននិងបញ្ចូលយុវជនជាសមាជិកបក្សនិងបោះឆ្នោតជូនគណបក្សប្រជាជនកម្ពុជាដើម្បីបន្តថែរក្សាសន្តិភាពនិង ការអភិវឌ្ឍសេដ្ឋកិច្ច សង្គមកិច្ច ឲ្យមានការ រីកចម្រើនបន្ថែមទៀត។
