ខេត្តត្បូងឃ្មុំ ៖ នាព្រឹកថ្ងៃ ព្រហស្បតិ៍ ទី២៨ ខែមករាឆ្នាំ២០២១ ឯកឧត្តម ឆាយ វណ្ណា សមាជិកអចិន្ត្រៃយ៍យុវជនថ្នាក់កណ្តាល និងក្នុងនាមប្រធានផ្នែកវប្បធម៌ និង សាសនា នៃយុវជនគណបក្សប្រជាជនកម្ពុជាថ្នាក់កណ្តាល និងឯកឧត្តម ស៊ាក ឡេង ប្រធានគណ:កម្មាធិការបក្សខេត្តត្បូងឃ្មុំបាននាំយកម៉ាស់ចំនួន២២០០០ ដែលជាអំណោយរបស់សមាគមសម្ព័ន្ធនារីឥស្លាមកម្ពុជាសំរាប់ចែកជូនតំណាង វិហ៊ារឥស្លាមទាំង១១ភូមិ មណ្ឌលសុខ ភាព ប៉ុស្តិនគបាលនិងអនុវិទ្យាល័យចំនួន៣នៅ ក្នុងឃុំគរ ស្រុកត្បូងឃ្មុំ ខេត្តត្បូងឃ្មុំ។
នៅក្នុងពិធីនេះដែរ ក៏មានការអញ្ជើញចូលរួមពីសំណាក់ ឯកឧត្តម សមាជិកក្រុមប្រឹក្សាខេត្ត លោក អភិបាលស្រុក ក្រុមប្រឹក្សាឃុំ លោកមេភូមិ លោកស្រីទៀតរ៉ទស់ និងលោកស្រី ម៉ាត់ អុីស្ម័គ្រតំណាងសមាគមសម្ព័ន្ធនារីឥស្លាមកម្ពុជា លោក អ៊ី មុំាម៉ាស្ជិទទាំង១១ភូមិ ប្រធានមណ្ឌល សុខភាព យុវជន និងប្រជាពលរដ្ឋនៅក្នុងឃុំគរ ស្រុកត្បូងឃ្មុំ ខេត្តត្បូងឃ្មុំ។
ក្រោយពីបានស្តាប់របាយការណ៍របស់លោកអភិបាលស្រុក ត្បូងឃ្មុំរួចមក ឯកឧត្ដម ឆាយ វណ្ណា បានធ្វើការផ្តាំផ្ញើរដល់អាជ្ញាធរស្រុក ឃុំ និងបងប្អូនប្រជាពលរដ្ឋ សូមបន្តការ ប្រុងប្រយ័ត្នបង្ការការពារជំងឺកូវីដ១៩ ឲ្យបានខ្ពស់ថែមទៀត ហើយក្នុងនោះបងប្អូនសាសនិកឥស្លាមត្រូវបន្តគោរព និង
ប្រកាន់ខ្ជាប់នូវវិធានការណែនាំរបស់ក្រសួងសុខាភិបាល ដើម្បីចូលរួមទប់ស្កាត់ជំងឺឆ្លងកូវីដ១៩ ដែលកំពុងរីករាលដាលក្នុងពិភពលោក ដើម្បីការពារមិនឲ្យជំងឺកូវីដ-១៩ នេះឆ្លងចូលសហគមន៍យើងបានជាដាច់ខាត ដើម្បីរក្សាសុវត្ថិភាព និងសុខភាពអាយុជីវិតយើងទាំងអស់គ្នា។
ទន្ទឹមនោះ ឯកឧត្ដម ស៊ាក ឡេង ក៏បាន ធ្វើការផ្តាំផ្ញើដល់អាជ្ញាធរមូលដ្ឋាន និងមន្ត្រីប៉ូលីសប៉ុស្តិ៍ អំពីការពង្រឹងការយក ចិត្តទុកដាក់បន្ថែមទៀតចំពោះការផ្តល់សេវាជួនបងប្អូនប្រជាពលរដ្ឋអោយបានល្អប្រសើរថែមទៀត និងការពង្រឹងការអនុវត្តគោលនយោបាយភូមិ ឃុំមានសុវត្ថិភាព ដើម្បីរក្សាសេចក្តីសុខ សុវត្ថិភាពជូនបងប្អូនប្រជាពលរដ្ឋយើង។
