រាជធានីភ្នំពេញ ៖ នារសៀលថ្ងៃសៅរ៍ ទី៣០ ខែមករា ឆ្នាំ២០២១ ឯកឧត្តម ឆាយ វណ្ណា សមាជិកអចិន្ត្រៃយ៍យុវជនបក្សប្រជាជនកម្ពុជាថ្នាក់កណ្តាល និងជាប្រធានផ្នែកវប្បធម៌ និងសាសនានៃយុវជនគណបក្ស ប្រជាជនកម្ពុជាថ្នាក់កណ្ដាល បានបើកកិច្ចប្រជុំផ្ទៃក្នុងក្រុមជំនួយការផ្នែកវប្បធម៌ និងសាសនានៃយុវជនគណបក្សថ្នាក់កណ្តាល។
នៅក្នុងកិច្ចប្រជុំនេះក៏មានការអញ្ជើញចូលរួមពីសំណាក់ ឯកឧត្តម ម៉ូត យូសុះ ឯកឧត្តម សេត មូហាំម៉ាត់ស៊ីស ឯកឧត្តម យោប អះស្តារី ឯកឧត្តម ម៉ាត់ ហ្គោហ្វូត និងមានការចូលរួមពីថ្នាក់ដឹកនាំសាសនាឥស្លាមអ៉ីមាំខេត្តត្បូងឃ្មុំ លោកអុីមុំាស្រុកតំបែរ លោក អ៊ី មុំាស្រុក ក្រូចឆ្មារ លោកអ៊ីមុំាស្រុកត្បូងឃ្មុំ និងសមាជិកជាច្រើនរូប។
ឯកឧត្តម ឆាយ វណ្ណា បានមានមតិសំណេះសំណាលទៅកាន់ថ្នាក់ដឹកនាំសាសនាឥស្លាម អ៊ីមុំាខេត្ត ក្រុង ស្រុកដើម្បីជម្រាបជូនពីតួនាទីភារកិច្ចរបស់យុវជនគណបក្សប្រជាជនកម្ពុជាថ្នាក់កណ្តាល និងត្រូវធ្វើកិច្ចសហការជាមួយគណបក្សនៅមូលដ្ឋាន និងផ្នែកពាក់ព័ន្ធដើម្បីធ្វើការងារជាមួយយុវជនក្នុងវិស័យវប្បធម៍និងសាសនា និងសិក្សាស្វែងយល់អំពីសតិអារម្មណ៍តម្រូវការ និងសំណូមពររបស់យុវជនត្រូវអនុវត្តឲ្យបានខ្ជាប់ខ្ជួនតាមលក្ខន្តិកៈ និងបទបញ្ជាផ្ទៃក្នុងរបស់គណបក្ស សំដៅពង្រឹងសាមគ្គីភាព ឯកភាពផ្ទៃក្នុង ធ្វើការគ្រប់គ្រង និងបញ្ចូលយុវជនជាសមាជិកគណបក្ស ដើម្បីគាំទ្រ និងបោះឆ្នោតជូនគណបក្ស ប្រជាជនកម្ពុជា។
ពាក់ព័ន្ធស្ថានភាពCovid19 ទោះបីប្រទេសយើង ជំងឺCovid19 មានស្ថាន ភាពល្អប្រសើរហើយក្តី ក៏ ឯកឧត្ដម បានធ្វើការក្រើនរំលឹក ដល់ក្រុមការងារជំនួយ ការផ្នែកវប្បធម៌និងសាសនា អោយមានការប្រុងប្រយ័ត្នខ្ពស់ថែមទៀត ក្នុងការបង្ការទប់ស្កាត់ការពារជំងឺឆ្លង Covid19 អោយបានល្អ និង ត្រូវរួមគ្នាបន្តអនុវត្តន៍ វិធានការបង្ការការពាររបស់ក្រសួងសុខាភិបាល អោយបានខ្ជាប់ខ្ជួន ដើម្បីថែរក្សាសុខភាព និងកុំអោយមានការឆ្លងជំងឺCovid19 ក្នុងសហគមន៍យើង៕
