ឯកឧត្តម អ៊ូច ភាប្រធានក្រុមការងារយុវជនគណបក្សខេត្តតាកែវ បានអញ្ជើញស្ម័គ្រចិត្ត ទទួលចាក់វ៉ាក់សាំងកូវីដ-១៩ ស៊ីណូហ្វាម Sar-Cov2 (Sinopharm) នៅមន្ទីរពេទ្យរុស្ស៊ី រាជធានីភ្នំពេញ

រាជធានីភ្នំពេញ៖ ប្រធានក្រុមការងារយុវជនគណបក្សខេត្តតាកែវ បានអញ្ជើញស្ម័គ្រចិត្ត ទទួលចាក់វ៉ាក់សាំងការពារជំងឺកូវីដ-១៩ ស៊ីណូហ្វាម Sar-Cov2 (Sinopharm) ដែលជាជំនួយរបស់ប្រទេសចិន នៅមន្ទីរពេទ្យរុស្ស៊ី រាជធានីភ្នំពេញ។

សូមបញ្ជាក់ជូនថា៖ ការទទួលវ៉ាក់សាំងកូវីដ១៩ ឈ្មោះ សីណូហ្វាម (Sinopharm) ជូនថ្នាក់ដឹកនាំកម្ពុជា លើកដំបូងនេះ ធ្វើឡើងតាមគោលការណ៍ស្ម័គ្រចិត្ត សម្រាប់ការចាក់វ៉ាក់សាំងចាប់ពីថ្ងៃទី១០ ខែកុម្ភៈ ឆ្នាំ២០២១ នៅទីតាំងចំនួន៤ រួមមាន៖

១៖ មន្ទីរពេទ្យកាល់ម៉ែត សម្រាប់ឥស្សរជនជាទេសរដ្ឋមន្ត្រី រដ្ឋមន្ត្រី រដ្ឋលេខាធិការ ឬមានឋានៈស្មើ

២៖ មន្ទីរពេទ្យព្រះអង្គឌួង សម្រាប់ឥស្សរជន ជាអនុរដ្ឋលេខាធិការ ឬមានឋានៈស្មើ

៣៖ មន្ទីរពេទ្យមិត្តភាពខ្មែរ-សូវៀត សម្រាប់ឥស្សរជនជាអភិបាល នៃគណៈអភិបាលរាជធានី-ខេត្ត

៤៖ មន្ទីរពេទ្យកុមារជាតិ សម្រាប់អ្នកសារព័ត៌មាន។