ទាន់ហេតុការណ៍
គ្រួសារ7NG ឧបត្ថម្ភម៉ាស់ចំនួន ៣០០កេសធំ ស្មើនឹង ៥០ម៉ឺនម៉ាស់ ជូនដល់រដ្ឋបាលខេត្តកណ្ដាល សម្រាប់ការពារជំងឺកូវីដ-១៩ => ឯកឧត្តម ភុន សារពេជ្រ ដឹកនាំក្រុមការងារយុវជនគណបក្សប្រជាជនកម្ពុជាខេត្តកំពត ចុះជួបជាងដែលកំពុងបង្ហោះរូបនាគលើបង្កាន់ដៃស្ពានបេតុង និង សំអាតស្ពានដែលដីនិងកំទេចថ្មធ្លាក់លើក្រាំងជាប់ស្អិត => ពិធីបុណ្យទក្ខិណានុប្បទាន និងឧទ្ទិសកុសល ជូនដល់ដួងវិញ្ញាណក្ខន្ធកម្មាភិបាល យុទ្ធជន ដែលបានពលីជីវិតចំនួន៤៤៧សព ក្នុងសម័យសង្គ្រាមចាប់ពីឆ្នាំ១៩៧៩ ដល់ចុងឆ្នាំ១៩៩៨ => រដ្ឋបាលខេត្តកណ្ដាលទទួលថវិកាពីសប្បុរសជន សម្រាប់ទិញវ៉ាក់សាំងការពារជំងឺកូវីដ-១៩ ជាមួយរាជរដ្ឋាភិបាលកម្ពុជា => រដ្ឋបាលខេត្តកណ្ដាលទទួលទឹកថ្នាំសម្លាប់មេរោគពីសមាគមន៍អភិវឌ្ឍន៍ពាណិជ្ជកម្ម ជាំងស៊ី ប្រចាំនៅកម្ពុជា សម្រាប់ការពារជំងឺកូវីដ-១៩ នៅខេត្តកណ្ដាល => ក្នុងកាលៈទេសៈនៃការរីករាលដាលក្នុងសហគមន៏នៃជម្ងឺកូវីដ-១៩ នាពេលនេះ សូមបងប្អូនចូលរួមអនុវត្តនូវវិធានសុខាភិបាលក្នុងការទប់ស្កាត់ការឆ្លងនៃជំងឺកូវីដ-១៩ ដើម្បីការពារខ្លួនយើង គ្រួសារយើង និងសង្គមជាតិយើង => ឯកឧត្តមបណ្ឌិត ម៉ៅ ភិរុណ ដឹកនាំសមាជិកក្រុមប្រឹក្សាខេត្ត ប្រធាន អនុប្រធាន មន្ទីរអង្គភាពជុំវិញខេត្ត អញ្ជើញគោរពវិញ្ញាណក្ខ័ន្ធ ឧបាសិកា មាស ចន្ថា ដែលត្រូវជាម្តាយឯកឧត្តម អំ សំអូន សមាជិកក្រុមប្រឹក្សាខេត្ត => លោក ជិន ប៊ុនធឿន អញ្ជើញជួបសំណេះសំណាល និងសាកសួរសុខទុក្ខបងប្អូនប្រជាពលរដ្ឋក្នុងមូលដ្ឋាន ភូមិជ្រោយអំពិល ក្នុងសង្កាត់ក្បាលកោះ ខណ្ឌច្បារអំពៅ រាជធានីភ្នំពេញ => ឯកឧត្តម ហេង ណន ចូលរួមកិច្ចប្រជុំផ្សព្វផ្សាយ “របាយការណ៍ស្តីពីសភាពការណ៍ទូទៅ និងការងារគណបក្សឆ្នាំ២០២០ និងទិសដៅភារកិច្ចឆ្នាំ២០២១ របស់គណៈកម្មាធិការកណ្តាលគណបក្សប្រជាជនកម្ពុជា” => ឯកឧត្តម គង់ សោភ័ណ្ឌ អភិបាលខេត្តកណ្តាល បានដឹកនាំក្រុមការងារចុះពិនិត្យ និងបញ្ជូនបុគ្គលិកបម្រើការងារនៅភោជនីយដ្ឋានឡូហ្សិក២ ចំនួន៧៥នាក់ ដើម្បីដាក់ឱ្យធ្វើចត្តាឡីស័កនៅមណ្ឌលចត្តាឡីស័ក ស្ថិតក្នុងសាលាបឋមសិក្សាព្រែកតាពៅ
0

ឯកឧត្តម ស៊ុយ សាន រដ្ឋលេខាធិការក្រសួងសាធារណការ និងដឹងជញ្ជូន អញ្ជើញជាអធិបតីភាពក្នុងពិធីប្រកាសតែងតាំង លោក ព្រួញ រិទ្ធថា ជាប្រធានមន្ទីរសាធារណការ និងដឹកជញ្ជូនខេត្តបាត់ដំបង

ខេត្តបាត់ដំបង ៖ នាថ្ងៃសុក្រ ១កើត ខែផល្គុន ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី១២ ខែកុម្ភៈ ឆ្នាំ២០២១ ឯកឧត្តម ស៊ុយ សាន រដ្ឋលេខាធិការក្រសួងសាធារណការ និងដឹងជញ្ជូន តំណាងដ៏ខ្ពង់ខ្ពស់ ឯកឧត្តម ស៊ុន ចាន់ថុល ទេសរដ្ឋមន្ត្រី រដ្ឋមន្ត្រីក្រសួងសាធារណការ និងដឹកជញ្ជូន ឯកឧត្តម អ៊ុយ រី ប្រធានក្រុមប្រឹក្សាខេត្ត និងឯកឧត្តម ងួន រតនៈ អភិបាល នៃគណៈអភិបាលខេត្តបាត់ដំបង បានអញ្ជើញជាអធិបតីភាពក្នុងពិធីប្រកាសតែតាំងប្រធានមន្ទីរសាធារណការ និងដឹកជញ្ជូនខេត្តបាត់ដំបង ។ ក្នុងពិធីនោះក៏មានការអញ្ជើញចូលរួមពីលោក លោកស្រី អភិបាលរង នៃគណៈអភិបាលខេត្ត ឯកឧត្តម លោកជំទាវ គណៈប្រតិភូក្រសួងសាធារណការ និងដឹកជញ្ជូន លោកប្រធានមន្ទី អង្គភាពជុំវិញ និងអស់លោក លោកស្រី ជាច្រើនរូបទៀត។

នាឱកាសនោះ ឯកឧត្តម ងួន រតនៈ អភិបាល នៃគណៈអភិបាលខេត្តបាត់ដំបង បានថ្លែងអបអរសាទរលោក ព្រួញ រិទ្ធថា ដែលត្រូវបានក្រសួងសាធារណការ និងដឹកជញ្ជូនផ្តល់សេចក្តីទុកចិត្ត និងតែងតាំងជាប្រធានមន្ទីរសាធារណការ និងដឹកជញ្ជូនខេត្តបាត់ដំបង ។ ឯកឧត្តម ងួន រតនៈ បានសម្តែងការកោតសរសើរចំពោះលោក ចាន់ សំបូរ អតីតប្រធានមន្ទីរសាធារណការ និងដឹកជញ្ជូនខេត្ត ដែលបានខិតខំប្រឹងប្រែងបំពេញតួនាទីភារកិច្ច នៅក្នុងរយៈពេលនៃការដឹកនាំរបស់ខ្លួន ក្នុងនាមជាសេនាធិការរបស់ក្រសួង និងបានចូលរួមសហការអនុវត្តការងារនានាដែលរដ្ឋបាលខេត្តបានប្រគល់ជូន។

ឯកឧត្តម បានផ្តាំផ្ញើដល់លោកប្រធានមន្ទីរ ដែលទើបតែងតាំងថ្មី ត្រូវសាមគ្គីភាពផ្ទៃក្នុង ដើម្បីប្រមូលផ្តុំកម្លាំងសរុប មធ្យាបាយសរុប ដើម្បីផ្តល់សេវាសាធារណៈជូមប្រជាពលរដ្ឋឱ្យតែកាន់តែល្អប្រសើរផងដែរ។

ឯកឧត្តម ស៊ុយ សាន បានថ្លែងថា ការផ្លាស់ប្តូរតួនាទីរបស់មន្ត្រីរាជការ និងកន្លែងធ្វើការរបស់មន្ត្រី គឺជាកិច្ចដំណើរការប្រព្រឹត្តទៅជាធម្មតាក្នុងជីវភាពការងាររបស់មន្ត្រីបម្រើការងាររដ្ឋ ហើយនេះជាការផ្តល់ឱកាសដល់មន្ត្រីក្នុងដកស្រង់នូវបទពិសោធន៍ថ្មីបន្ថែមទៀតផងដែរ ។

ឯកឧត្តម រដ្ឋលេខាធិការ បន្តទៀតថា ការផ្លាស់ប្តូរនេះមិនមែនថាប្រធានមន្ត្រីចាស់ លោកបានប្រព្រឹត្តអំពើខុសឆ្គង ឬខ្វះសមត្ថភាពក្នុងគ្រប់គ្រងនោះទេ ពោលគឺធ្វើឡើងក្នុងការបណ្តុះស្មារតីវប្បធម៌ចែករំលែកចំណេះដឹង និងសាបព្រោះនូវពហុជំនាញដល់មន្ត្រីក្នុងការកំណែទម្រង់ស៊ីជ្រៅរដ្ឋសាធារណៈតាមស្របតាមគោលនយោបាយរបស់រដ្ឋាភិបាលក្នុងការអភិវឌ្ឍសមត្ថភាពវិជ្ជាជីវៈដល់មន្ត្រីរាជការ៕

 

Filed in: ព័ត៌មានជាតិ

Leave a Reply

Submit Comment
ប៉ាកកាអាស៊ី | Pen ASIA ព័ត៌មានថ្មីៗ ទាន់ហេតុការណ៍ ! ទាក់ទងផ្តល់ ព័ត៌មាន តាមទូរស័ព្ទលេខ 012 7533 78 | 096 822 7733 | 088 2227733 ! សូមអរគុណ !

©២០១៨ រក្សាសិទ្ធិ ដោយសារព័ត៌មាន ប៉ាកកាអាស៊ី | Pen ASIA | ទូរស័ព្ទ៖ 012 7533 78 | 096 822 7733 | 088 2227733

សារព័ត៌មាន ប៉ាកកាអាស៊ី Pen ASIA ដំណើរការក្រោមប្រកាសអនុញ្ញាតលេខ ១៥២ ពមប្រក ចុះថ្ងៃទី ១១ ខែមីនា ឆ្នាំ ២០១៩

សហការផ្តល់ព័ត៌មាន៖ 012 7533 78 | 096 822 7733 | 088 2227733 | អ៊ីម៉ែល ៖ mailtobot168@gmail.com