ខេត្តសៀមរាប ៖ តាមប្រភពពីមន្រ្តីនៃអធិការនគរ បាលក្រុងសៀមរាបបានអោយដឹងថា មានករណីក្មួយប្រុសបង្កើតទាស់សម្តីជាមួយពូ ហើយបានទាញគល់ឬស្សីទៅមុខផ្ទះព្យាយាមហៅពូចេញមកក្រៅដើម្បីនិយាយគ្នា ខណះនោះពូផ្ទុះកំហឹងទាញកាំបិតមកកាប់ជាច្រើនកាំបិទ បណ្តាលអោយក្មួយប្រុសបង្កើតស្លាប់ក្នុងថ្លុកឈាម ខណះដឹកដល់មន្ទីរពេទ្យដើម្បីសង្រ្គោះរយះពេលប៉ុន្មានម៉ោងក្រោយមក ។
ហេតុការណ៍ដ៍រន្ធត់ផ្អើលពេញអ្នកភូមិគ្មាននរណា ហ៊ានជួយកើតឡើងនៅថ្ងៃទី២២ ខែតុលា ឆ្នាំ ២០១៩ វេលាម៉ោង ប្រមាណ០៧៖៣០នាទីយប់ ស្ថិតក្នុងចំនុច ភូមិប្រិយ៍ថ្មី សង្កាត់ទឹកវិល ក្រុងសៀមរាប ខេត្តសៀមរាប ។ តាមសមត្ថកិច្ចបានអោយដឹងថា ជនសង្ស័យមានឈ្មោះ ព្រឹម ព្រូស(ពូបង្កើត) បានឈ្លោះ ប្រកែក ពាក្យសម្តី ជាមួយក្មួយបង្កើតឈ្មោះ សូ វាសនា ភេទប្រុស អាយុ ២៧ ឆ្នាំ មុខរបរជាកម្មករសំណង់ មានទីលំនៅបច្ចុប្បន្ន ភូមិប្រិយ៍ថ្មី សង្កាត់ទឹកវិល ក្រុង/ខេត្តសៀមរាប ។ ហេតុការណ៍ដំបូងគេឃើញឈ្មោះ សូ វាសនា បានកាន់ដំបងឫស្សី ចូលទៅក្នុងដីមុខផ្ទះរបស់ឈ្មោះ ព្រឹម ព្រូស ក្នុងគោលបំណង ហៅឈ្មោះ ព្រឹម ព្រូស ឲ្យចេញពីក្នុងផ្ទះ ដើម្បីនិយាយគ្នា ពេលនោះឈ្មោះ ព្រឹម ព្រូស បានចេញពីក្នុងផ្ទះ និងបានទាញយកកាំបិត (ប្រភេទដាវ ចំនួន១ ដើម) ដែលធ្វើអំពីដែក មានប្រវែង ៧០ cm និងមុខកាត់ ៥០ cm មកកាប់ទៅលើ ឈ្មោះ សូ វាសនា (ក្មួយបង្កើត) ជាច្រើនកាំបិតយ៉ាងកំរោលចូលតែម្តង ក្រោយពីជនរងគ្រោះ (ក្មួយសូ វាសនា)ដែលត្រូវពូកាប់រួចជាច្រើននោះ បានព្យាយាមរត់ចូលទៅក្នុងផ្ទះរបស់ឈ្មោះ ណាល់ ហើយត្រូវបានឪពុក ម្តាយ និងបងប្អូន ឃើញដូច្នោះបានជួយយក ឈ្មោះសូ វាសនា ទៅមន្ទីរពេទ្យបង្អែកខេត្តសៀមរាប ។ តាមការបំភ្លឺពីម្ដាយរបស់ជនរងគ្រោះ ឈ្មោះ ប្រឹម កែវ ភេទស្រី អាយុ ៤៧ ឆ្នាំ មុខរបរគ្រូបង្រៀន បានបំភ្លឺថា កូនរបស់ខ្លួនឈ្មោះសូ វាសនា ត្រូវបានឈ្មោះ ព្រឹម ព្រូស កាប់បណ្ដាល ឲ្យរងរបួស បាក់ដងកាំបិតខាងស្ដាំ និងរងរបួស ដាច់ចុងស្លឹកត្រចៀកខាងស្ដាំ និងផុងលលាដ៍ប៉ែកខាងស្ដាំ ។ ខណះនោះសមត្ថកិច្ច បានអន្តរាគមន៍ធ្វើការឃាត់ខ្លួនឈ្មោះ ប្រឹម ព្រូស ភ្លាមៗដើម្បីយកមកសាកសួរផងដែរ ។ ក្រោយពីធ្វើការសាកសួរ ឈ្មោះ ប្រឹម ព្រូស បានឆ្លើយសារភាពថា រូបគេពិតជាបានធ្វើសកម្មភាព យកកាំបិតដាវ កាប់ទៅលើជនរងគ្រោះខាងលើបណ្ដាលឲ្យរងរបួសពិតប្រាកដមែន ដោយស្ងានភាពជនរងគ្រោះធ្ងន់ធ្ងរពេកលុះដល់វេលាម៉ោង ៤ទៀបភ្លឺ ឈានចូល ថ្ងៃទី២៣ ខែតុលា ឆ្នាំ២០១៩ ទើបលឺដំណឹងថាជនរងគ្រោះ ឈ្មោះ សូ វាសនា បានស្លាប់ក្នុងមន្ទីពេទ្យ ។
ទោជាយ៉ាងក៍ដោយសមត្ថកិច្ចនៅមិនទាន់ដឹងពីដើមហេតុនៅឡើយទេ តែជនសង្ស័យត្រូវជាឪពុកមា ត្រូវបានសមត្ថកិច្ចឃាត់ខ្លួន និងកសាងសំណុំរឿងបញ្ជូនទៅតុលាការផងដែរ ៕
