ខេត្តព្រះសីហនុ ៖ នាព្រឹកថ្ងៃអាទិត្យ ២រោច ខែផល្គុន ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី២៨ ខែកុម្ភៈ ឆ្នាំ២០២១នេះ ឯកឧត្តម គួច ចំរើន អភិបាល នៃគណៈអភិបាលខេត្តព្រះសីហនុ អញ្ជើញទទួលអំណោយមនុស្សធម៌ចំនួន ១០មុខពីសមាគមមិត្តភាពប្រជាជនចិន ជាំងស៊ូ នៅកម្ពុជា ក្នុងនោះសមាគមសហគ្រិនចិនជាំងស៊ូនៅកម្ពុជា ក្រុមហ៊ុន ហៃ ឡាន ស៊ាន អ៊ិនវេសម៉ិន ឯ.ក និង JIU QIAN GROUP ដែលបាននាំយកសម្ភារៈមួយចំនួនជូនដល់រដ្ឋបាលខេត្តព្រះសីហនុ សម្រាប់ប្រើប្រាស់ក្នុងការបង្ការ ប្រយុទ្ធប្រឆាំងនឹងជំងឺ កូវីដ-១៩ ដែលកំពុងរាតត្បាតនៅខេត្តព្រះសីហនុ ។
អំណោយរួមមាន៖ ១. ម៉ាសធម្មតាចំនួន ១,២០០,០០០ ម៉ាស, ២.ម៉ាស 3M ចំនួន ១០,០០០ម៉ាស, ៣. ម៉ាស KN95 ចំនួន ១០០,០០០ម៉ាស, ៤. របាំងមុខចំនួន ៣,០០០, ៥. ថ្នាំផ្តាសាយចំនួន ៤,០០០ប្រអប់, ៦. ម៉ាស៊ីនវាស់កំដៅចំនួន ៤០០គ្រឿង, ៧. អាល់កុលចំនួន ៣,០០០ដប, ៨.អាវពេទ្យចំនួន ២,០០០អា, វ៩. ទូរទស្សន៍វាស់កំដៅចំនួន ២គ្រឿង, ១០.ស្រោមដៃចំនួន ១,៥០០ គូ ។
ក្នុងឱកាសនោះ ឯកឧត្តម គួច ចំរើន អភិបាលខេត្តព្រះសីហនុ បានថ្លែងអំណរគុណ និងអគុណចំពោះសមាគមមិត្តប្រជាជនចិនជាំងស៊ូនៅកម្ពុជា សមាគមសហគ្រិនចិនជាំងស៊ូនៅកម្ពុជា ក្រុមហ៊ុន ហៃ ឡាន ស៊ាន អ៉ិនវេសម៉ិន ឯ.ក និង JIU QIAN GROUP ដែលបានចូលរួមឧបត្ថម្ភម៉ាស់ និងសម្ភារ:មួយចំនួនដល់រដ្ឋបាលខេត្តព្រះសីហនុ ដើម្បីយកមកប្រើប្រាស់បម្រើឱ្យការងារការពារ ទប់ស្កាត់ការឆ្លងរីករាលដាលនៃជំងឺកូវីដ-១៩ នៅខេត្តព្រះសីហនុ សកម្មភាពនេះជាទឹកចិត្តមនុស្សធម៌របស់សប្បុរសជនសមាគមមិត្តភាពប្រជាជនចិន ជាំងស៊ូ នៅកម្ពុជា ដែលបានឧបត្ថម្ភសម្ភារ: បម្រើឱ្យការងារបង្ការ ទប់ស្កាត់ជំងឺ កូវីដ-១៩ ដល់រដ្ឋបាលខេត្តព្រះសីហនុ ។
ឯកឧត្តមក៏បានធ្វើការណែនាំឱ្យយកសម្ភារៈទាំងអស់នេះយកទៅចែកជូនមន្ត្រីដែលកំពុងនៅតាមគោលដៅ ដើម្បីការពារទប់ស្កាត់ការឆ្លងជំងឺ កូវីដ-១៩ និងធ្វើការបែងចែកម៉ាសទៅដល់ក្រុង ស្រុកក្នុងខេត្តព្រះ សីហនុឱ្យបានគ្រប់ក្រុង ស្រុកផងដែរ ។
ឯកឧត្តម អភិបាលខេត្តសង្ឃឹម និងជឿជាក់ថា និងមានបងប្អូនសប្បុរសជនរបស់យើងបន្តជួយ ឧបត្ថម្ភ គាំទ្រជាសម្ភារៈដល់រដ្ឋបាលខេត្តព្រះសីហនុជាបន្តទៀត ដើម្បីបម្រើឱ្យការងារបង្ការ ប្រយុទ្ធប្រឆាំងនឹងជំងឺកូវីដ-១៩ នៅខេត្តព្រះ សីហនុទទួលបានជោគជ័យ ៕
