ខេត្តព្រះសីហនុ ៖ នាព្រឹកថ្ងៃទី២៥ ខែតុលា ឆ្នាំ២០១៩ វេលាម៉ោង ៥:៣០នាទី លើវិថីផែ ស្ថិតនៅភូមិ៣ សង្កាត់លេខ៣ ក្រុង/ខេត្តព្រះសីហនុ មានករណីគ្រោះថ្នាក់ចរាចរណ៍កើតឡើង បង្កដោយរថយន្ត១គ្រឿងម៉ាក HYUNDAI ពណ៌ស ផ្លាកលេខ ភ្នំពេញ3E-1472 អ្នកបើកបរឈ្មោះ ឡុង ឆេងប៉ា ភេទប្រុស អាយុ ២៩ឆ្នាំ មុខរបរ បើកបរ ស្នាក់នៅ ភូមិថ្មបាំង ឃុំបឹងបេង ស្រុកម៉ាឡៃ ខេត្តបន្ទាយមានជ័យ មានទិសដៅ ពីកើតទៅលិចដល់ចំណុចខាងលើ ស្ថានភាពភាពផ្លូវចុះចំណោត រថយន្តដាច់ហ្រ្វាំង បានជ្រុលទៅបុកនឹងរថយន្តចំនួន ៣គ្រឿង ។
១. ម៉ាកHYUNDAIពណ៌សផ្លាកលេខបាត់ដំបង3A-1600 អ្នកបើកបរឈ្មោះ គុជ ឌីណា ភេទប្រុស អាយុ ៣៦ឆ្នាំ រមុខរបរ បើកបររថយន្ត មានទីលំនៅបច្ចុប្បន្ន ភូមិត្រពាំងក្រពើ ឃុំក្រាំងម្កាក់ ស្រុកអង្គស្នូល ខេត្តកណ្ដាល ។
២. ម៉ាក HINOពណ៌ស-ខៀវផ្លាកលេខកំពង់ចាម3A-7717 អ្នកបើកបរឈ្មោះ រិទ្ធ សេន ភេទប្រុស អាយុ ៣០ឆ្នាំ មុខរបរ បើកបររថយន្ត ស្នាក់នៅ រាជធានីភ្នំពេញ ។
៣. ម៉ាក SSANGYONG ពណ៌ ប្រផេះផ្លាកលេខ ភ្នំពេញ2G-6106 អ្នកបើកបរឈ្មោះ អេង សុផា ភេទប្រុស អាយុ ៣១ឆ្នាំ មុខរបរ បើកបររថយន្ត ស្នាក់នៅ រាជធានីភ្នំពេញ ។ គ្រោះថ្នាក់នេះ បណ្តាលឲ្យខូចខាតរថយន្ត ៤គ្រឿង និងសម្ភារៈ តែប៉ុណ្ណោះ តែមិនបណ្តាលឲ្យរងរបួសមនុស្សទេ ។
បច្ចុប្បន្នសមត្ថកិច្ចនគរបាលចរាចរណ៍ កំពុងចាត់ចែង យករថយន្តទាំង៤គ្រឿង មករក្សាទុកនៅការិយាល័យនគរបាលចរាចរណ៍ផ្លូវគោក ដើម្បីរង់ចាំ ធ្វើការដោះស្រាយតាមនិតិវិធីច្បាប់ ៕
