ទាន់ហេតុការណ៍
ថ្នាក់ដឹកនាំក្រសួងរៀបចំដែនដី នគរូបនីយកម្ម និងសំណង់ បន្តពិគ្រោះ ផ្ដល់យោបល់ និងប្រមូលធាតុចូលពីគ្រប់ភាគីពាក់ព័ន្ធ លើសេចក្តីព្រាងច្បាប់ភូមិបាល(ថ្មី) ដើម្បីឱ្យសេចក្តីព្រាងច្បាប់នេះមានលក្ខណៈគ្រប់ជ្រុងជ្រោយ ងាយស្រួលអនុវត្ត ជាពិសេស​ឆ្លើយតបបានចំពោះតម្រូវការសេដ្ឋកិច្ចសង្គមកម្ពុជា។ => បងប្អូនក្រុមវាលទី២១ (ភូមិបាលខណ្ឌដង្កោ)​ ចុះវាស់វែងដីធ្លី ជូនបងប្អូនប្រជាពលរដ្ឋ​ ស្ថិតនៅភូមិក្រញូង ឃុំពោធិអង្រ្គង ស្រុកបសេដ្ឋ ខេត្តកំពង់ស្ពឺ។ => វិញ្ញាបនបត្រសម្គាល់ម្ចាស់អចលនវត្ថុចំនួន ៣ ០១០ ក្បាលដី ត្រូវបានប្រគលជូនប្រជាពលរដ្ឋចំនួន ៣ភូមិស្ថិតនៅភូមិត្រគួន ភូមិនរាយណ៍ និងភូមិព្រៃតាភេម ក្នុងឃុំពោធិអង្គ្រង ស្រុកបសេដ្ឋ ខេត្តកំពង់ស្ពឺ => សាយ សំអាល់​ ៖ អាងប្រព្រឹត្តកម្មទឹកកខ្វក់នេះ ជាបំណែកមួយនៃហេដ្ឋារចនាសម្ព័ន្ធរួមដែលយើងចាំបាច់ត្រូវធ្វើដើម្បីទ្រទ្រង់កំណើនសេដ្ឋកិច្ច និងបង្កើតការងារជូនបងប្អូនប្រជាជននៅខេត្តព្រះសីហនុ។ => ថ្នាក់ដឹកនាំក្រសួងរៀបចំដែនដី នគរូបនីយកម្ម និងសំណង់ ទទួលជួបពិភាក្សាការងារជាមួយក្រុមហ៊ុន China Siwei Surveying and Mapping Technology ដែលជាប្រតិបត្តិករផ្កាយរណបឈានមុខគេមួយក្នុងការផ្តល់សេវាប្រមូល និងប្រើប្រាស់ទិន្នន័យភូមិសាស្ត្រ => ថ្នាក់ដឹកនាំរដ្ឋបាលខេត្តត្បូងឃ្មុំ ទទួលជួបសំណេះសំណាល និងពិភាក្សាការងារជាមួយគណៈកម្មការទី៩ នៃរដ្ឋសភា => អភិបាលខេត្តត្បូងឃ្មុំ អញ្ជើញសម្ពោធឆ្លងសាលាធម្មសភា និងសមិទ្ធផលនានា នៅវត្តទីបរតនសោភ័ណ (ហៅវត្តកោះម៉ឺងនង់) ក្នុងឃុំកោះពីរ ស្រុកក្រូចឆ្មារ មានតម្លៃជាង១៤មុឺនដុល្លារ => បងប្អូនក្រុមវាល បន្តចុះវាស់វែង និងប្រមូលទិន្នន័យក្បាលដី ចុះបញ្ជីដីធ្លីមានលក្ខណៈជាប្រព័ន្ធ ជូនប្រជាពលរដ្ឋស្ថិតនៅសង្កាត់ព្រែកតាកូវ សង្កាត់ព្រែកអំពិល សង្កាត់បារុង និងសង្កាត់បាក់ដាវ ក្រុងអរិយក្សត្រ ខេត្តកណ្ដាល។ => ក្រោយជួបពិភាក្សាជាមួយក្រសួងរៀបចំដែនដី នគរូបនីយកម្ម និងសំណង់ រួចមកក្រុមហ៊ុនបុរីពិភពថ្មី បានសម្រេចចេញនូវគោលការណ៍សម្រួលដល់អតិថិជនដែលកំពុងបង់រំលស់មានការយឺតយ៉ាវ => សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា និងជាប្រធានកិត្តិយសសហភាពសហព័ន្ធយុវជនកម្ពុជា បានអញ្ជើញជាអធិបតីក្នុងពិធីបិទកិច្ចប្រជុំគណៈកម្មាធិការកណ្តាល សហភាពសហព័ន្ធយុវជនកម្ពុជា នៅសាលសន្និសីទសណ្ឋាគារ សុខាភ្នំពេញ នាព្រឹកថ្ងៃទី ១៤ ខែមីនា ឆ្នាំ ២០២៤
0

អភិបាលខេត្តត្បូងឃ្មុំ បើកកិច្ចប្រជុំបន្តពង្រឹងវិធានការការពារឆ្លងបន្តជំងឺកូវីដ១៩ និងរៀបចំទីតាំងកប់ និងរំលាយសព អ្នកដែលស្លាប់ដោយសារជំងឺនេះ

(ត្បូងឃ្មុំ)៖ អនុវត្តន៍តាមអនុសាសន៍ដ៍ខ្ពង់ខ្ពស់របស់សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា ឲ្យតាមបណ្តាខេត្តរៀបចំទីបច្ឆាមរណៈ ពាក់ព័ន្ធនឹងការកប់ និងរំលាយសព អ្នកដែលស្លាប់ដោយសារជំងឺកូវីដ១៩ ខណៈជំងឺនេះកំពុងផ្ទុះឆ្លងរាលដាលចូលក្នុងសហគមន៍នៅកម្ពុជា ក្នុងព្រឹត្តិការណ៍ថ្ងៃ២០កុម្ភៈកន្លងទៅ នាព្រឹកថ្ងៃទី១២ ខែមីនា ឆ្នាំ២០២១នេះ ឯកឧត្តមបណ្ឌិត ជាម ច័ន្ទសោភ័ណ អភិបាលខេត្តត្បូងឃ្មុំ បានបើកកិច្ចប្រជុំបន្ទាន់មួយ ជាមួយគណៈកម្មការទប់ស្កាត់ការឆ្លងរីករាលដាលជំងឺកូវីដ១៩ថ្នាក់ខេត្ត-ស្រុក សមាជិកក្រុមប្រឹក្សាខេត្ត គណៈអភិបាលខេត្ត នាយករដ្ឋបាលសាលាខេត្ត អភិបាលក្រុង-ស្រុក និងមន្ទីរពាក់ព័ន្ធ ដើម្បីរៀបចំទីតាំងកប់ និងដុតសព អ្នកដែលស្លាប់ដោយសារជំងឺកូវីដ១៩ ក្នុងខេត្តត្បូងឃ្មុំ។

ក្នុងឳកាសនោះ ឯកឧត្តមបណ្ឌិត ជាម ច័ន្ទសោភ័ណ បានកោតសរសើរដល់អ្នកពាក់ព័ន្ធទាំងអស់ ដែលខិតខំបំពេញភារកិច្ចការងារទាំងយប់ទាំងថ្ងៃ ក្នុងការបង្ការ ទប់ស្កាត់ការឆ្លងរីករាលដាលជំងឺកូវីដ១៩ ក្នុងខេត្តត្បូងឃ្មុំ ក៍ដូចជំរុញឲ្យក្រុមការងារទាំងអស់បន្តពង្រឹងបន្ថែម។

ជាមួយនឹងការបំពេញការងារបានយ៉ាងល្អនាពេលកន្លងមកហើយនោះ ឯកឧត្តមបណ្ឌិត អភិបាលខេត្ត បានធ្វើការក្រើនរំលឹក ណែនាំ និងដាក់ចេញវិធានការមួយចំនួនបន្ថែមទៀត ដើម្បីពង្រឹងការងារកាន់តែមានប្រសិទ្ធភាព និងទទួលបានប្រសិទ្ធផលខ្ពស់ ធានាដល់ការទប់ស្កាត់ការឆ្លងរាលដាលចូលក្នុងសហគមន៍ក្នុងខេត្តត្បូងឃ្មុំ ដោយចាត់ឲ្យគណៈគណៈកម្មការទប់ស្កាត់ការរីករាលដាលជំងឺកូវីដ១៩ថ្នាក់ខេត្ត-ស្រុក អភិបាលក្រុងស្រុក មន្ទីរជំនាញ និងអាជ្ញាធររួមគ្នាត្រូវអនុវត្តន៍ឲ្យខានតែបាន រួមមានៈ

-ត្រូវរៀបចំការដឹកជញ្ជូនពលរដ្ឋ ក៍ដូចជាពលករឲ្យបានត្រឹមត្រូវ ពិសេសដឹកចូលមកខេត្តត្បូងឃ្មុំ ទៅកាន់ទីតាំងចត្តាឡីស័ក ដែលលើសពី៥ឡានឡើង ត្រូវមានឡានសារ៉ែន ជៀសវាងគ្រោះថ្នាក់នានាត្រូវផ្លូវ
-រៀបចំអាហារជូនទាំងនៅតាមផ្លូវ និងនៅទីតាំងចត្តាឡីស័ក ឲ្យបានគ្រប់គ្រាន់
-គ្រប់គ្រងឲ្យបានគ្រប់ទីតាំងចត្តាឡីស័ក និងរៀបចំឲ្យស្អាត មានអនាម័យល្អ ហើយចំពោះអ្នកមានអការៈរោគសញ្ញាសង្ស័យនានា ត្រូវបញ្ជូនទៅបន្ទប់ដោយឡែកផ្សេងភ្លាម ពីអ្នកកំពុងធ្វើចត្តាឡីស័កដ៍ទៃទៀត
-បែងចែកក្រុមការងាររុករកស្រាវជ្រាវមុខសញ្ញាពាក់ព័ន្ធនឹងជំងឺកូវីដ១៩ ពិសេសរៀបចំកំណត់សញ្ញាណតំបន់ហានិភ័យ មកពីតាមទីតាំងរាជធានីខេត្ត ដែលពាក់ព័ន្ធព្រឹត្តិការណ៍២០កុម្ភៈ
-រៀបចំមន្ត្រីសុខាភិបាល និងសមត្ថកិច្ចប្រចាំការឲ្យបានច្បាស់លាស់២៤ម៉ោងលើ២៤ម៉ោង បន្តពង្រឹងសមត្ថភាពមន្ត្រីសុខាភិបាលលើការងារបច្ចេកទេស និងសម្ភារៈបរិក្ខារឲ្យបានគ្រប់គ្រាន់
-ត្រូវក្តាប់ព័ត៍មានបងប្អូនដែលចំណូលស្រុក ដោយឲ្យមេឃុំ មេភូមិ មេប៉ុស្តិ និងប្រជាការពារ បែងចែកតាមដានឲ្យបានច្បាស់លាស់ដល់ខ្នងផ្ទះ
-រួមគ្នាសិក្សាលទ្ធភាព រៀបចំទីតាំងឈាបបដ្ឋាន និងកន្លែងកប់សពឲ្យបានត្រឹមត្រូវ ជៀសវាងការឆ្លងបន្តពីសព ក្នុងករណីមានអ្នកស្លាប់
-គ្រប់សាសនាទាំងអស់ អ្នកជំងឺដែលស្លាប់ ត្រូវអនុវត្តន៍ការដុត ឬកប់សាកសព ទៅតាមតាមវិធានសុខាភិបាល
-គ្រប់អាហារដ្ឋានទាំងអស់ត្រូវក្សាគម្លាតកន្លែងអង្គុយ មានម៉ាស់ អាល់កុលឬជែល និងម៉ាស៊ីនវាស់កំដៅ នៅមុខទីតាំងចូល បើមិនអនុវត្តន៍តាម ត្រូវបិទទីតាំងតែម្តង
-គ្រប់ទីប្រជុំជនពិសេសផ្សារ ទាំងអាជីវករ និងអ្នកចូលទៅក្នុងផ្សារ ត្រូវតែពាក់ម៉ាស់ បើមិនមានទេ ដាច់ខាតហាមមិនឲ្យចូល
-ត្រូវបន្តធានារក្សាសន្តិសុខសណ្តាប់ធ្នាប់ ពិសេសភូមិឃុំ-សុវត្ថិភាព និងចាំទទួលរាល់សំណើរពលរដ្ឋ យកទៅដោះស្រាយ
-បន្តផ្សព្វផ្សាយនូវរាល់វិធានការបង្ការទប់ស្កាត់ការឆ្លងបន្តនៃជំងឺកូវីដ១៩ ពិសេសគ្រប់បណ្តាញផ្សព្វផ្សាយទាំងអស់ តាមគ្រប់រូបភាព ដោយធ្វើជាយុទ្ធនាការផ្សព្វផ្សាយរួមគ្នា នូវច្បាប់ថ្មីពាក់ព័ន្ធនឹងជំងឺកូវីដ១៩ ពីទោសទណ្ឌ និងការផាកពិន័យ ពិសេសមាត្រា០៧ មាត្រា០៨ និងមាត្រា០៩ ជាការបញ្ច្រាបដល់បងប្អូនដែលកំពុងធ្វើចត្តាឡីស័ក និង
គ្រប់ស្រទាប់មហាជននៅគ្រប់មូលដ្ឋានទូទាំងខេត្តឲ្យបានដឹង និងយល់ច្បាស់៕

Filed in: ព័ត៌មានជាតិ

Leave a Reply

Submit Comment
ប៉ាកកាអាស៊ី | Pen ASIA ព័ត៌មានថ្មីៗ ទាន់ហេតុការណ៍ ! ទាក់ទងផ្តល់ ព័ត៌មាន តាមទូរស័ព្ទលេខ 012 7533 78 | 096 822 7733 | 088 2227733 ! សូមអរគុណ !

©២០១៨ រក្សាសិទ្ធិ ដោយសារព័ត៌មាន ប៉ាកកាអាស៊ី | Pen ASIA | ទូរស័ព្ទ៖ 012 7533 78 | 096 822 7733 | 088 2227733

សារព័ត៌មាន ប៉ាកកាអាស៊ី Pen ASIA ដំណើរការក្រោមប្រកាសអនុញ្ញាតលេខ ១៥២ ពមប្រក ចុះថ្ងៃទី ១១ ខែមីនា ឆ្នាំ ២០១៩

សហការផ្តល់ព័ត៌មាន៖ 012 7533 78 | 096 822 7733 | 088 2227733 | អ៊ីម៉ែល ៖ mailtobot168@gmail.com