អនុវត្តតាមអនុសាសន៍ដ៏ខ្ពង់ខ្ពស់របស់សម្ដេចតេជោនាយករដ្ឋមន្ត្រី ឯកឧត្តម គង់ សោភ័ណ្ឌ អភិបាលខេត្តកណ្ដាល បានចាត់តាំងក្រុមការងារខេត្តចំនួន ៨ក្រុមឆ្លាស់វេន ដើម្បីសម្របសម្រួលជាមួយខេត្តជាប់ព្រំដែនថៃ ដើម្បីទទួលប្រជាពលរដ្ឋ ឬពលករវិលត្រឡប់មកប្រទេសកម្ពុជាវិញ។
ទន្ទឹមនោះដែររដ្ឋបាលខេត្ត បានរៀបចំរួចជាស្រេចនូវមណ្ឌលទទួល ប្រជាពលរដ្ឋ ឬពលករមកពីប្រទេសថៃ ដែលមានចំនួន ០៣ ទីតាំង :
១. វិទ្យាល័យទេពប្រណម្យ (លើផ្លូវជាតិលេខ៥) ឃុំវិហារហ្លួង ស្រុកពញាឮ
២. វិទ្យាល័យសិរីមង្គល (លើផ្លូវជាតិលេខ៦A) ស្ថិតនៅឃុំរកាកោង២ ស្រុកមុខកំពូល
៣. វិទ្យាល័យកំពង់កន្ទួត (ផ្លូវជាតិលេខ៣ និងលេខ៤) ឃុំបាគូ ស្រុកកណ្តាលស្ទឹង។
ក្រោយពីពលករមកដល់មណ្ឌលខាងលើដោយសុវត្ថិភាពហើយ គឺរដ្ឋបាលក្រុង-ស្រុកនីមួយៗក្នុងខេត្ត មកយកពលករតាមក្រុង-ស្រុករបស់ខ្លួន ដើម្បីយកទៅធ្វើចត្តាឡីស័ក និងតាមដានសុខភាពនៅមណ្ឌលដែលក្រុង-ស្រុកបានគ្រោងទុក ឱ្យបានត្រឹមត្រូវតាមវិធានរបស់ក្រសួងសុខាភិបាល។
សូមបញ្ជាក់ផងដែរថា គិតត្រឹមថ្ងៃទី១២ ខែមីនា ឆ្នាំ២០២១ រដ្ឋបាលខេត្តកណ្ដាល បានទទួលប្រជាពលរដ្ឋ និងពលករ សរុបចំនួន ១១៨ នាក់ ស្រី ៥៤នាក់ ក្នុងនោះ:
+ ស្រុកកោះធំ ៤៧ នាក់
+ ស្រុកលើកដែក ០៥ នាក់
+ ស្រុកពញាឮ ០២ នាក់
+ ស្រុកកណ្តាលស្ទឹង ០២ នាក់
+ ស្រុកខ្សាច់កណ្តាល ០៦ នាក់
+ ស្រុកល្វាឯម ០៧ នាក់
+ ស្រុកស្អាង ៣៧ នាក់
+ ស្រុកកៀនស្វាយ ០៧ នាក់
+ ស្រុកមុខកំពូល ០៣ នាក់
+ ស្រុកអង្គស្នួល ០១ នាក់
+ ក្រុងតាខ្មៅ ០១ នាក់ ។
