ខេត្តកណ្តាល ៖ នាថ្ងៃទី១៧ ខែមីនា ឆ្នាំ២០២១នេះ ឯកឧត្ដម ហ៊ុន ម៉ាណែត ក្នុងតួនាទីជា ប្រធានអនុគណៈកម្មការ គ្រប់គ្រងសន្តិសុខ និងសណ្តាប់ធ្នាប់នៅតាមគោលដៅ និងតំបន់ចត្តាឡីស័ក អញ្ជើញចុះពិនិត្យទីតាំងកន្លែងធ្វើចត្តាឡីស័កនិងមណ្ឌលព្យាបាល ជម្ងឺឆ្លងកូវីដ១៩ នៅក្នុងកាស៊ីណូជីងយុន ស្ថិតក្នុងភូមិព្រែកស៊ឹង និង កាស៊ីណូយ៉ុងយ័ន ស្ថិតក្នុងភូមិជ្រៃធំ ឃុំសំពៅពូន ស្រុកកោះធំ ខេត្តកណ្តាល ជាប់ព្រំដែនកម្ពុជា-វៀតណាម។
ការចុះត្រួតពិនិត្យនេះមានការចូលរួមពី ឯកឧត្ដម គីម រិទ្ឋី អភិបាលរងខេត្ត លោកឧត្ដមស្នងការនគរបាលខេត្ត លោកអភិបាល អភិបាលរងស្រុក កងកម្លាំងឈរជើងព្រំដែន នាយក នាយរងរដ្ឋបាលសាលាស្រុក ប្រធានការិយាល័យសុខាភិបាលស្រុកប្រតិបត្តិ សរុប ១៦រូប៕
