ទាន់ហេតុការណ៍
ក្រុមគ្រូពេទ្យស្ម័គ្រចិត្តសម្តេចតេជោ (TYDA) និងក្រុមគ្រូពេទ្យជួរមុខ រួមជាមួយកងកម្លាំង និង ក្រុមការងារស្ម័គ្រចិត្តជាច្រើនទៀត កំពុងមមាញឹករៀបចំទីតាំងមជ្ឍមណ្ឌលកោះពេជ្រទៅជាទីកន្លែងសម្រាប់ព្យាបាលជំងឺកូវីដ-១៩ => អាវុធហត្ថរាជធានីភ្នំពេញ សម្តែងការថ្លែងអំណរគុណចំពោះ លោក នៅ សារី អគ្គនាយក ក្រុមហ៊ុន RAKAN NIAGA CAMBODIA Co.,LTD! => អភិបាលរាជធានីភ្នំពេញ ចាត់អាជ្ញាធរនាំអំណោយរបស់សម្ដេចតេជោ ហ៊ុន សែន និងសម្ដេចកិត្តិព្រឹទ្ធបណ្ឌិត ចែកជូនពលរដ្ឋរស់នៅតំបន់ដែលត្រូវបិទខ្ទប់ជាង១ម៉ឺនគ្រួសារ => ឧត្តមសេនីយ៍ឯក រ័ត្ន ស៊្រាង បានចាត់ក្រុមការងារ នាំយកស្បៀងឧបត្ថម្ភដល់ប្រជាពលរដ្ឋជាប់ពាក់ព័ន្ធដោយប្រយោល ជាមួយបុគ្គលវិជ្ជមានជំងឺកូវីដ-១៩ ក្នុងសង្កាត់ព្រែកកំពឹស! => សូមគោរពកោតសរសើរ ដល់ “TYDA - គ្រូពេទ្យស្ម័គ្រចិត្តយុវជនសម្តេចតេជោ” ដែលបានលះបង់ទាំងកម្លាំងកាយ និងកម្លាំង ចិត្តប្រថុយនឹងគ្រោះថ្នាក់ ចុះជួយប្រជាពលរដ្ឋយើងដោយពុំគិតពីការហត់នឿយ ដែលកំពុងជួបបញ្ហាកូវីដ-១៩ => ប្រធានក្រុមការងារយុវជនគណបក្សប្រជាជនកម្ពុជាខេត្តមណ្ឌលគិរី រួមជាមួយក្រុមការងារចុះជួយសង្កាត់ទាំងបួននៃក្រុងសែនមនោរម្យ បានប្រគល់ទឹកបរិសុទ្ធចំនួន ២៥០កេស ជូនឯកឧត្តម ស្វាយ សំអ៊ាង សម្រាប់ប្រើប្រាស់ ក្នុងយុទ្ធនាការចាក់វ៉ាក់សាំងជូនមន្រ្តីរាជការ និងប្រជាពលរដ្ឋក្នុងខេត្ត => សារលិខិតជូនពរ របស់ សម្តេចប្រធានរដ្ឋសភា ផ្ញើជូនបងប្អូនជនរួមជាតិ ក្នុងឱកាសពិធីបុណ្យចូលឆ្នាំថ្មី ប្រពៃណីជាតិ ខាងមុខនេះ => អភិបាលខេត្តក្រចេះ អញ្ជើញចូលរួមបើកយុទ្ធនាការផ្តល់វ៉ាក់សាំងជំងឺកូវីដ-១៩ ជូនអតីតយុទ្ធជនទូទាំងខេត្ត => អាជ្ញាធរខេត្តត្បូងឃ្មុំ ចុះពិនិត្យប៉ុស្ដិ៍ត្រួតពិនិត្យតាមគោលដៅ ដើម្បីទប់ស្កាត់ការ​រីករាលដាលជំងឺកូវីដ-១៩ => អភិបាលខេត្តឧត្តរមានជ័យ និងក្រុមការងារ អញ្ជើញចុះជួបសំណេះសំណាល និងនាំយកគ្រឿងឧបភោគ​បរិភោគ ជូនដល់កម្លាំងប្រដាប់អាវុធ
0

ឯកឧត្តមទេសរដ្ឋមន្ត្រី គន់ គីម ត្រៀមទីកន្លែងសម្រាប់ការចាក់វ៉ាក់សាំងការពារជំងឺកូវីដ១៩ ដល់សមាជិកអតីតយុទ្ធជនរួចរាល់ហើយ

សមាគមអតីតយុទ្ធជនកម្ពុជាបានត្រៀមទីកន្លែងសម្រាប់ការចាក់វ៉ាក់សាំងការពារជំងឺកូវីដ-១៩ ដល់សមាជិកអតីតយុទ្ធជនរួចរាល់ហើយ ដើម្បីចូលរួមបង្ការទប់ស្កាត់ការឆ្លងរីករាលដាលជំងឺកូវីដ១៩ក្នុងសហគមន៍កាន់តែច្រើន ។

ក្នុងកិច្ចប្រជុំពិភាក្សាការងារ បន្ទាន់មួយ ដើម្បីប្រុងប្រៀប រៀបចំទីកន្លែង និងក្រុមគ្រូពេទ្យជំនាញចាក់វ៉ាក់សាំងការពារជំងឺកូវីដ-១៩ ជូនដល់សមាជិកអតីតយុទ្ធជននៅទូទាំងប្រទេស អនុគណ:កម្មការចាក់វ៉ាក់សាំងការពារជំងឺឆ្លងកូវីដ ១៩ របស់សមាគមអតីត យុទ្ធជនកម្ពុជា បានបញ្ជាក់ថា គិតរហូតមកដល់ពេលនេះ សមាគម បានរៀបចំត្រៀមទីកន្លែង និងមុខ សញ្ញា សមាជិកអតីតយុទ្ធជន សម្រាប់ការចាក់វ៉ាក់សាំងការពារជំងឺកូវីដ-១៩ ដល់សមាជិកអតីតយុទ្ធជនរួចរាល់ហើយ ដែលការងារនេះនឹងត្រូវធ្វើឡើងសម្រាប់រាជធានីភ្នំពេញចាប់ពីថ្ងៃទី០៧ ថ្ងៃទី០៨ ខែមេសា ឆ្នាំ២០២១ នៅមន្ទីពេទ្យព្រះកេតុមាលា ហើយបន្ដការចាក់វ៉ាក់សាំងការពារជំងឺកូវីដ ១៩ជូនដល់សមាជិកអតីតយុទ្ធជនតាមបណ្តាខេត្តគោលដៅហានិភ័យខ្ពស់បន្តបន្ទាប់ ចំនួន៧ ទៀតរួមមាន៖ ខេត្តកោះកុង , ខេត្តព្រះសីហនុ , ខេត្តកណ្តាល , ខេត្តព្រៃវែង , ស្វាយរៀង , ត្បូងឃ្មុំ និងខេត្ត សៀមរាប។

ឯកឧត្តមទេសរដ្ឋមន្ត្រី គន់ គីម អគ្គលេខាធិការសមាគមអតីតយុទ្ធជនកម្ពុជាមានប្រសាសន៍ថា ដោយអនុវត្តន៍តាមបទបញ្ជារបស់ប្រមុខរាជរដ្ឋាភិបាល ដែលមានសម្តេចអគ្គមហាសេនាបតី តេជោ ហ៊ុន សែន ជាប្រធានសមាគមអតីតយុទ្ធជនកម្ពុជា បានផ្តល់ការចាក់វ៉ាក់សាំងការពារជំងឺ កូវីដ-១៩ ជូន ដល់អតីតយុទ្ធជននៅទូទាំងប្រទេស។ឯកឧត្ដម គន់ គីម បានបញ្ជាក់ថា ក្រុមការ ងារដែលរៀបចំចាក់វ៉ាក់សាំងជូនដល់បងប្អូនសមាជិកអតីតយុទ្ធជននេះ ដោយមើល ឃើញថា សមាជិកអតីតយុទ្ធជនគឺជាក្រុមគោលដៅមួយអាចប្រឈមមុខងាយរងគ្រោះ និងមានហានិភ័យផងដែរ ដូច្នេះប្រមុខរាជរដ្ឋាភិបាល បានកំណត់ថា សមាជិកអតីតយុទ្ធជនក៏មានអាទិភាព ក្នុងការចាក់វ៉ាក់សាំង ការពារជំងឺកូវីដ-១៩ផងដែរ។

ឯកឧត្ដម បានបញ្ជាក់ថា នេះ គឺជាការយកចិត្ដទុកដាក់គិតគូរចំពោះសុខុមាលភាពសម្រាប់សមាជិកអតីតយុទ្ធជនពីសំណាក់ប្រមុខរាជរដ្ឋាភិបាលកម្ពុជាតាមរយៈនៃ​ការផ្ដល់វ៉ាក់សាំងនេះឱ្យបានទាន់ពេលវេលា ។

ឯកឧត្តម គន់ គីម ក៏បានណែនាំដល់មេបញ្ជាការ មេបញ្ជាការរង ដែលជាប្រធាន អនុប្រធានសមាគមអតីតយុទ្ធជនថ្នាក់ខេត្តទាំងអស់ត្រូវផ្សព្វផ្សាយដល់សមាជិក​អតីត​យុទ្ធជនពេលអញ្ជើញទៅទទួលការចាក់វ៉ាក់សាំងការពារជំងឺកូវីដ -១៩ ត្រូវអនុវត្តន៍ឱ្យបានតាមការណែនាំ របស់ក្រសួងសុខាភិបាល គឺវិធានការ ៣កុំ ៣ការពារ ។

ឯកឧត្តម បានបញ្ជាក់ថា ការចាក់វ៉ាក់សាំងការពារជំងឺកូវីដ- ១៩នេះ គឺផ្ដល់នូវអត្ថប្រយោជន៍ជាច្រើនដើម្បីការពារការឆ្លងរាលដាលជំងឺកូវីដ-១៩ មកក្នុងសហគមន៍​បន្ថែមទៀត ៕

Filed in: ព័ត៌មានជាតិ

Leave a Reply

Submit Comment
ប៉ាកកាអាស៊ី | Pen ASIA ព័ត៌មានថ្មីៗ ទាន់ហេតុការណ៍ ! ទាក់ទងផ្តល់ ព័ត៌មាន តាមទូរស័ព្ទលេខ 012 7533 78 | 096 822 7733 | 088 2227733 ! សូមអរគុណ !

©២០១៨ រក្សាសិទ្ធិ ដោយសារព័ត៌មាន ប៉ាកកាអាស៊ី | Pen ASIA | ទូរស័ព្ទ៖ 012 7533 78 | 096 822 7733 | 088 2227733

សារព័ត៌មាន ប៉ាកកាអាស៊ី Pen ASIA ដំណើរការក្រោមប្រកាសអនុញ្ញាតលេខ ១៥២ ពមប្រក ចុះថ្ងៃទី ១១ ខែមីនា ឆ្នាំ ២០១៩

សហការផ្តល់ព័ត៌មាន៖ 012 7533 78 | 096 822 7733 | 088 2227733 | អ៊ីម៉ែល ៖ mailtobot168@gmail.com