ខេត្តព្រះសីហនុ ៖ មានការភ្ញាក់ផ្អើលមួយកើតឡើងដោយមានករណីគ្រោះថ្នាក់ចរាចរណ៍បុករះរវាងរថយន្តចំនួន០២គ្រឿង Pass Appចំនួន០២គ្រឿង និងម៉ូតូ០១គ្រឿង នៅវេលាម៉ោង០៨ៈ៣០នាទីយប់ថ្ងៃទី០២ ខែវិច្ឆិកា ឆ្នាំ២០១៩ លើផ្លូវបេតុង ស្ថិតក្នុងភូមិ០៥ សង្កាត់០៤ ក្រុងព្រះសីនុ ខេត្តព្រះសីហនុ ។
យោងតាមប្រភពពីកន្លែងកើតហេតុបានអោយដឹងថា នៅមុនពេលកើតហេតុការណ៍មានរថយន្ត០១គ្រឿងម៉ាកHyundai ពណ៌ស ពាក់ផ្លាកលេខកំពត 3A-1069 ខណៈពេលកំពុងចុះចំណោតនិងបើកបរក្នុងល្បឿនលឿនបានជ្រុលមកបុកប៉ះពីក្រោយរថយន្តមួយគ្រឿងទៀតម៉ាកVigo ពណ៌ខ្មៅ ពាក់ផ្លាកលេខ ភ្នំពេញ2H-0119 រួចរថយន្តVigo ខាងលើក៏បានបុកបន្តម៉ូតូ០១គ្រឿងទៀតម៉ាកWave ពណ៌ស គ្មានផ្លាកលេខ បណ្តាលអោយរងការខូចខាតយ៉ាងតំណំ ដោយមិនទាន់អស់ល្បឿន រថយន្តHyundai ខាងលើក៏បានបុករះទៅនិងPass App ០២គ្រឿងទៀត និងប៉ះរថយន្ត០១គ្រឿងទៀតម៉ាកRanger ពណ៌ខ្មៅ ពាក់ផ្លាកលេខភ្នំពេញ2AH-5315 បណ្តាលអោយរងការខូចខាតទ្វារមួយចំហៀងខាងស្តាំ និងមិនបណ្តាលអោយមានមនុស្សរងរបួសឡើយ ។
ភ្លាមៗនោះសមត្ថកិច្ចប្រាប់ថា ក្រោយកើតហេតុភាគីខាងម៉ូតូត្រូវបានត្រូវបានភាគីបង្កសងជាប្រាក់ចំនួន ៧០០ដុល្លារដើម្បីបញ្ចប់រឿង ។ ដោយឡែកភាគីរងគ្រោះដទៃទៀតរងចាំសមត្ថកិច្ចធ្វើការដោះស្រាយតាមនិតិវិធីច្បាប់ ៕
