ភ្នំពេញ) ៖លោកឧកញ៉ាលឹមប៊ុណ្ណាដែលល្បីឈ្មោះខាងរកស៊ីបទល្មើសព្រៃឈើជាយូណាស់មកហើយឥឡូវនេះបែជាលឺរឿងអាស្រូវរកស៊ីបើកលេងឆ្នោតវៀតណាមយ៉ាងអាណាធិបតេយ្យនៅក្នុងមូលដ្ឋានខេត្តកំពត ដោយបានឲ្យកូនចៅដើរអុកឡុកពេញទឹកដីខេត្តកំពតតែម្ដង។
បើតាមសេចក្តីរាយការណ៍បានឲ្យដឹងថាថៅកែឆ្នោតK9 គឺកាងផ្តាច់មុខនៅក្នុងខេត្តកំពតដោយមិនឲ្យមានអ្នកណារកស៊ីកត់ឆ្នោតវៀតណាមបាននោះទេ។តែបើអ្នកណាមិនកត់ឆ្នោតឲ្យខ្លួនគឺច្បាស់ជាមានបញ្ហាជាក់ជាពុំខានដូចជាក្រុមកាងចូលអុកឡុកនិងគំរាមកំហែងថែមទៀតផង។
ដូចជានៅស្រុកកំពង់ត្រាចកាលពីប៉ុន្មានថ្ងៃមុនេះមានក្រុមកាងឆ្នោតវៀតណាមឲ្យថៅកែឆ្នោតK9 ចុះទៅអុកឡុកចូលដល់ក្នុងផ្ទះអ្នកកត់ឆ្នោតដែលមិនកត់ឲ្យថៅកែK9។ហើយសកម្មភាពក្រុមនេះបានដើរអុកឡុកគ្រប់កន្លែងជាពិសេសនៅកន្លែងកត់ឆ្នោតវៀតណាមដែលមិនកត់ឲ្យថៅកែK9 ។
បើតាមលោកឧត្តមសេនីយ៍ទោម៉ៅច័ន្ទមធុរិទ្ធស្នងការនគរបាលខេត្តកំពតបានថ្លែងឲ្យដឹងថា៖ខេត្តរបស់លោកមិនអនុញ្ញាតឲ្យធ្វើអ្វីបែបអាណាធិបតេយ្យបែបនេះទេកន្លងមកជាយូណាស់មកហើយក៏មិនដែលមានបាតុភាពបែបនេះដែរ។ហើយល្បីរឿងល្បែងគឺការស៊ីសងគ្នាមិនត្រូវមិនពាក់ព័ន្ធជាមួយសមត្ថកិច្ចទេអាជ្ញាប័ណ្ណដែលត្រឹមត្រូវហ្នឹងធ្វើទៅបើថាខុសច្បាប់អត់មានទេ។
លោកស្នងការបានឆ្លើយសង្កត់ធ្ងន់ចំពោះអ្នកលេងល្បែងស៊ីសងខុសច្បាប់ទាំងនោះថា៖ខ្ញុំមិនអនុញ្ញាតល្បែងស៊ីសងដែលល្មើសច្បាប់មកធ្វើព្យុះភ្លៀងក្នុងខេត្តកំពតបានទេ។
បញ្ហាបទល្មើសល្បែងស៊ីសងអុកឡុកក្នុងខេត្តកំពតខាងលើនេះដែលមានឧកញ៉ាK9 ឲ្យអុកឡុកក្នុងខេត្តកំពតនេះធ្វើឲ្យអ្នកដែលរកស៊ីតូចតាចនៅទីនោះកំពុងតែមានក្ដៅក្រហាយ ហេតុអ្វីលោកឧកញ៉ាលឹមប៊ុណ្ណាហៅខ្នានេះមានអំណាចអ្វីបានជាហ៊ានដល់ម្លឹង៕
