ខេត្តត្បូងឃ្មុំ ៖ សង្វៀនបញ្ជល់មាន់ដុះស្លែរបស់ លោក ហាននៅតែបន្តលេងជារៀងរាល់ថ្ងៃ ប្រជាពលរដ្ឋពិតជាអស់សង្ឃឹមនឹងអាជ្ញាធរមូលដ្ឋានគ្រប់ថ្នាក់យ៉ាងខ្លាំង ។
ប្រភពពីពលរដ្ឋបានឲ្យដឹងថាការបើកបនល្បែងសុីសង ជល់មាន់ និងអាប៉ោង និងល្បែងផ្សេងទៀត បើកយ៉ាងរលូនដូច្នេះ សង្ស័យ តែម្ចាស់សង្វៀន និង លោក អធិការ ស្រុកត្បូងឃ្មុំត្រូវរ៉ូវគ្នា ហើយមើលទៅ ទើបមិនចុះបង្ក្រាប បណ្ដោយឲ្យលេងយ៉ាងអាណាធិបតេយ្យបែបនេះ ។
ប្រភព មួយទៀតបានខ្សឹប អោយដឹងថា ម្ចាស់សង្វៀនបើកជល់មាន់មួយនេះ ឈ្មោះ លោកហាន អាជ្ញាធរមូលដ្ឋាន មិនហ៊ានបង្ក្រាប ទេប្រជាពលរដ្ឋសង្ស័យតែលោកអធិការ និងកូនចៅថ្នាក់ក្រោមបានលាបបានជ័យហើយមើលទៅ បានជាមិនឃើញបង្រ្កាប ប្រភពដដែលបានលើកឡើងថាល្បែងស៊ីសងលេងពេញក្នុងឃុំទន្លេបិតយ៉ាងកក្រើកជារៀងរាល់ថ្ងៃ បែរជាអាជ្ញាធរមូលដ្ឋានគ្រប់ជាន់ថ្នាក់គ្មានភ្នែកមើលសោះ ពួកគាត់ឆ្ងល់ថា តើអាជ្ញាធរទាំងអស់នោះទទួលប្រាក់ខែពីរដ្ឋឬក៏ទទួលប្រាក់ខែពី ក្រុមអ្នកញៀនល្បែងទាំងនេះ ទើបមិនហ៊ានចុះបង្ក្រាប ស្ថិតនៅក្នុង ភូមិព្រែកជីក ឃុំទន្លេបិទ ស្រុកត្បូងឃ្មុំ ខេត្តត្បូងឃ្មុំ ជាប់នឹងព្រំប្រទល់ ខេត្តកំពង់ចាម និង ខេត្តត្បូងឃ្មុំ ជាប់នឹងស្ពានគីសូណា វង់ល្បែងមួយកន្លែងទៀត ស្ថិតនៅ ក្នុង ឃុំ ទន្លេបិទ តែម្ដងគឺរបស់លោកហាងមានទាំងអស់ បី ទៅ បួន កន្លែង ជួនកាល ផ្លាស់ ប្ដូរ ទៅលេងក្នុងឃុំព្រែកជីក ជិតភូមិទួលគរ ។
ប្រជាពលរដ្ឋបានសូមណូមពរដល់ លោកអភិបាល នៃគណៈអភិបាលខេត្ត និង លោក ស្នងការខេត្ត មេត្តា មានវិធានការ ដើម្បីបង្ក្រាបរាល់បនល្បែង សុីសង ទាំងអស់នៅក្នុងខេត្តផង ដើម្បីរក្សា ភូមិឃុំ មានសុវត្ថិភាព ទាំង ៩ចំណុច របស់រាជរដ្ឋា ភិបាល ជូនប្រជាពលរដ្ឋ ព្រោះបញ្ហា ចោរកម្ម -លួច-ឆក់-ប្លន់ ភាគច្រើន កើតចេញ ពីសកម្មភាព ល្បែងសុីសងទាំងអស់នេះ ៕
