អំណោយសប្បុរសធម៌របស់ ឯកឧត្តម ហ៊ុន ម៉ាណែត និងលោកជំទាវ ពេជ ចន្ទមុន្នី ត្រូវបានផ្ដល់ជូនប្រជាពលរដ្ឋចំនួន៤៤៤គ្រួសារ ដែលរងផលប៉ះពាល់ដោយវិបត្តិកូវីដ១៩ មកពីឃុំទ្រៀក និង ឃុំដារស្រុកមេមត់ ខេត្តត្បូងឃ្មុំ

នាព្រឹកថ្ងៃទី២៨ខែតុលាឆ្នាំ២០២១លោកហោសេរីវឌ្ឍន៍ប្រធានមូលនិធិប្រឆាំងកូវីដ១៩និងឯកឧត្តមហាក់សុខមករាអភិបាលរងនៃគណៈអភិបាលខេត្តត្បូងឃ្មុំបានអញ្ជើញជាគណៈអធិបតី  ចែកអំណោយសប្បុរសធម៌របស់ឯកឧត្តមហ៊ុនម៉ាណែតនិងលោកជំទាវពេជ្រចន្ទមុន្នីជូនប្រជាពលរដ្ឋចំនួន៤៤៤គ្រួសារដែលរងផលប៉ះពាល់ដោយវិបត្តិcovid-១៩មកពីឃុំទ្រៀកនិងឃុំដារស្រុកមេមត់ខេត្តត្បូងឃ្មុំ។

ថ្លែងសំណេះសំណាលនាឱកាសនោះឯកឧត្តមហាក់សុខមករាអភិបាលរងខេត្តបានពាំនាំការសួរសុខទុក្ខពីសំណាក់ឯកឧត្តមហ៊ុនម៉ាណែតនិងលោកជំទាវដល់ប្រជាពលរដ្ឋដែលរងផលប៉ះពាល់ដោយសារជំងឺកូវីដ១៩និងបានជំរុញឱ្យប្រជាពលរដ្ឋទាំងអស់បង្កើនការប្រុងប្រយ័ត្នឱ្យបានខ្ពស់។

ឆ្លៀតក្នុងឱកាសនោះដែរឯកឧត្តមក៏បានថ្លែងអំណរគុណដល់សប្បុរសជនទាំងក្នុងនិងក្រៅប្រទេសទាំងអស់ដែលបានបរិច្ចាគតាមរយៈមូលនិធិកម្ពុជាប្រឆាំងជំងឺកូវីដ១៩នេះដើម្បីជាការរួមចំណែកជាមួយរាជរដ្ឋាភិបាលក្នុងការជួយសង្គ្រោះដល់ប្រជាពលរដ្ឋដែលជួបការលំបាកដោយសារជំងឺកូវីដ១៩។

ឯកឧត្តមក៏បានណែនាំដល់អាជ្ញាធរពាក់ព័ន្ធត្រូវតែយកចិត្តទុកដាក់ខ្ពស់នៅពេលដឹងថាមានការឆ្លងជំងឺកូវីដ១៩ដល់ប្រជាពលរដ្ឋណាម្នាក់ដើម្បីបញ្ជូនពួកគាត់ទៅធ្វើការព្យាបាលហើយសម្រាប់អ្នកពាក់ព័ន្ធត្រូវបញ្ជូនទៅធ្វើចត្តាឡីស័កក្នុងមណ្ឌលតែម្តងគឺមិនត្រូវទុកពួកគាត់ធ្វើចាត្តាឡីស័កនៅផ្ទះទេព្រោះវាអាចជាប្រភពនៃការចម្លងប្រសិនបើពួកគាត់មិនបានគោរពតាមវិធានរបស់គ្រូពេទ្យឬអាជ្ញាធរ។

ឯកឧត្តមក៏បានលើកឡើងផងដែរពីផលលំបាកនៃជំងឺកូវីដ១៩ដែលរាជរដ្ឋាភិបាលកំពុងជួបប្រទះនាពេលបច្ចុប្បន្ននេះជម្រាបដល់ប្រជាពលរដ្ឋនិងបានជំរុញដល់ប្រជាពលរដ្ឋទាំងអស់ខិតខំថែទាំសុខភាពឱ្យបានល្អជាពិសេសត្រូវអនុវត្តឱ្យបានត្រឹមត្រូវតាមការណែនាំរបស់ក្រសួងសុខាភិបាលនិងអនុវត្តឱ្យបានតាមអនុសាសន៍របស់សម្តេចតេជោហ៊ុនសែនដែលមាន«៣ការពារនិង៣កុំ» ដើម្បីទប់ស្កាត់ជំងឺកូវីដ១៩កុំឱ្យកើតក្នុងគ្រួសារនិងសហគមន៍។

សូមបញ្ជាកថា៖អំណោយដែលបានចែកជូននាឱកាសនេះរួមមាន៖  អង្ករ១បេ(២៥គីឡូ) មី១កេសត្រីខ១យួរទឹកត្រី១យួរទឹកស៊ីអីវ១យួរកញ្ចប់ថ្នាំពេទ្យនិងម៉ាស១កញ្ចប់ដែលលាងដៃ១ដបទឹកសារ៉ូខ្ចីទឹកឃ្មុំ១ប្រអប់  ច្រាស់ដុសធ្មេញ១ដើម  កន្ត្រៃកាត់ក្រចក១ដើមនិងសាប៊ូបោកសំលៀកបំពាក់កូនក្មេង១ដប៕