ខេត្តកំពង់ឆ្នាំង ៖ ប្រជាពលរដ្ខអ្នករកស៊ីដាក់មង ចងសន្ទូចបានធ្វេីការរិះគន់ចំៗ ទៅលើលោក ចិនហ៊ុន ប្រធានមន្ទីរកសិកម្ម រុក្ខាប្រម៉ាញ់និងនេសាទ ខេត្តកំពង់ឆ្នាំង និងលោក លីឡា នាយខណ្ឌរដ្ឋបាលជលផលខេត្តកំពង់ឆ្នាំង ដែរអសមត្ថភាព ក្នុងការចុះទប់ស្កាត់បទល្មេីសនេសាទខុសច្បាប់ ក្នុងទឹកដីរដ្ឋបាលគ្រប់គ្រងរបស់ខ្លួន បង្កឲ្យបាត់បង់នូវមច្ឆាជាតិ យ៉ាងធ្ងន់ធ្ងរនៅរយះពេលចុងក្រោយនេះផងដែរ ។
នេះបេីតាមការលេីកឡើងរបស់ប្រជានេសាទ ជាលក្ខណៈគ្រួសារមួយចំនួនបាននិយាយ ស្រដៀងគ្នាថា ឆ្នាំណាក៏ដូចឆ្នាំណា ការនេសាទរបស់ពួកគាត់ មិនសូវបានទទួលផលច្រេីននោះទេ ដោយសារតែមានក្រុមជនល្មេីសបានប្រេីប្រាស់ ឧបករណ៍នេសាទខុសច្បាប់ក្នុងនោះរួមមាន ៖ របាំងស្បៃមុងដែលមានប្រវែងរាប់រយម៉ែត្រ និង របាំងណរ៉ាវ ធ្វេីពីសាច់អួនក្រឡាញឹក ដែលមានប្រវែងចាប់ពី៥០០ម៉ែត្រ ទៅ១០០០ម៉ែត្រ ដាច់កន្ទុយភ្នែក ដែលគេប្រេីប្រាស់គ្រប់រដូវកាល និងរដូវប្រាំងខាងមុខនេះ គេក៏អង្កេតឃេីញថា ក្រុមជនល្មេីសមួយចំនួនកំពុងដេីរកាប់ប្រមូលព្រៃឈើ ពីព្រៃរនាមដែលជាតំបន់ជម្រកត្រីពង មកធ្វេីជាសម្រាស់ ដេីម្បីប្រមូលផ្តុំហ្វូងត្រី នារដូវខែប្រាំង បទល្មេីសនេះដែរមិនត្រឹមតែបំផ្លាញហ្វូងត្រីឱ្យឆាប់រលាយហិនហោចក្នុងនោះព្រៃឈើលិចទឹក ដែលជាជម្រកត្រីពងកូនរលាយអស់ថែមទាំងធ្វេី អោយមានការគោករ៉ក បឹងបួរទៀតផង។
តំបន់ដែរត្រូវបានក្រុមជនល្មេីសកំពុងប្រេីប្រាស់ឧបករណ៍ល្មេីសច្បាប់នេះដែរកំពុងកេីតមាននៅតាមបណ្តាស្រុកមួយចំនួនក្នុងខេត្តកំពង់ឆ្នាំង ជាប់បឹងទន្លេសាបនោះរួមមានស្រុកបរិបូរណ៍ នៅចំណុច កំពុងអួរ ភូមិសេះស្លាប់ ភូមិកំពុងព្រះ និងចំណុចជ្រួយស្លែង ក្នុងឃុំឆ្នុកទ្រូ មិនតិចជាង រាប់រយរបាំងនោះទេ។
រឺឯក្នុងស្រុកកំពង់លែងវិញក៏មិនខុសពីស្រុកបរិបូរណ៍ដែរច្រេីងជាងទ្វេរដង ក្នុងនោះមាន ដូចជានៅចំណុចទន្លេរវាលភក់ ចំណុចក្រឡោង ចំណុចព្រែខ្នង ចំណុចក្បាលអូរ ដូនតី ផ្លូវទូក អណ្លុងកញ្ចុះនិងចំណុចវត្តខ្នងឈេីទាល ពោពេញទៅដោយបទល្មេីសស្បៃមុង និងមាន ប្រវែងរាប់រយម៉ែត្រឯណ្ណោះនិងស្រុកចំនួន២ទៀតដូចជាស្រុកជលគីរីនិងស្រុកកំពង់ត្រឡាច ក៏មិនចាញ់គ្នាដែរ ។
ពសក់ពន្ធ័និងករណីខាងលើនេះគេសង្ស័យថាមានការបេីកភ្លេីងខៀវ ពីសំណាក់ខាងមន្ត្រីជំនាញជលផល ដែរ មាន លោក និន ហ៊ុន និងលោក លីឡាទេីបកេីតមានបទល្មេីសនេសាទច្រេីនបែបនេះ ផ្ទុយខុសនឹងអ្វីដែរលោក លី ឡា ធ្លាប់និយាយថាគ្មានបទល្មេីសសូមតែបន្តិច បេីទួសបីធ្លាប់មានការ រាយការណ៍អំពីទីតាំងបទល្មេីសទាំងនេះក៏ដោយតែខាងជំនាញនៅតែធ្វេីមិនដឹង ។
ដែលមហាជនលេីកឡេីងថាបេីអោយខាងមន្ត្រីជំនាញ ទាំងនោះចុះបង្ក្រាបមិចកេីតបេីត្រូវដងត្រូវផ្លែគ្នាអស់ហេីយនោះ ធ្វេីតែរបាយការណ៍ថាចាបៗអស់កុហកថ្នាក់លេីទៅរួចខ្លួនហេីយ ចង់ផ្សាយអីផ្សាយទៅមិនឈឺក្បាលនោះទេ ។
ភាពទន់ខ្សោយរបស់ខាងមន្ត្រីជំនាញទាំង២នាក់ខាងលេី ដែរមានលោក លី ឡា ជានាយខណ្ឌជលផលខេត្តកំពង់ឆ្នាំងនិងលោក និន ហ៊ុន ប្រធានមន្ទីរកសិកម្មខេត្តបានធ្វេីអោយបទល្មេីសនេសាទក្នុងខេត្តមួយនេះប្រែខ្លាចទៅជាដំបៅ ជំងឺមហារីក ដែរមិនអាចព្យាបាលបាន បាត់ទៅហេីយប្រសិនបេី ថ្នាក់នៅតែបណ្តែតបណ្តោយ និងមិនមានវិធានការណាមួយទៅលេីលោក លី ឡា និងលោក និន ហ៊ុន ទៀតនោះ ។
គួរណាស់ ឯកឧត្តម វេង សាខុន រដ្ឋមន្ត្រីក្រសួងកសិកម្មរុក្ខាប្រម៉ាញ់និងនេសាទ និងឯកឧត្តម អេង ជាសាន្ត អគ្គនាយករដ្ឋបាលជលផល មិនគួរមេីល រំលងតទៅទៀតនោះទេ ខណៈបទល្មេីសនេសាទប្រេីដែរប្រេីប្រាស់ឧបករណ៍ខុសច្បាប់កំពុងកេីនឡេីងយ៉ាងពេញបន្ទុកក្នុងផ្ទៃបឹងទន្លេសាបនៃខេត្តកំពង់ឆ្នាំង មួយនេះ។
ជាការសុំណូមពរ សូមឯកឧត្តម រដ្ឋមន្ត្រីក្រសួងកសិកម្មរុក្ខាប្រម៉ាញ់និងនេសាទ មេត្តាជួយទប់ស្កាត់អោយបានទាន់ពេលវេលាផង បេីមិនពុំដូច្នេះទេ សម្បត្តិមច្ឆាជាតិទាំងនេះនឹងកាន់តែបាត់បង់នៅពេលខ្លីខាងមុននេះពិតជាមិនខាន ៕
