ទាន់ហេតុការណ៍
​មេ​ឈ្មួញ​ឈ្មោះ ស៊ុំ ឈុំ​ប៊ុន ថា​យក​វត្ត​អា​រ៉ា​ម​ធ្វើជា​ទីតាំង​ស្តុក​ឈើប្រណិត​របស់​ខ្លួន​ដើម្បី​បិតបាំង​ពី​ការបង្ក្រាប​របស់​សមត្ថ​កិច្ច => ឯកឧត្តម អូន ព័ន្ធមុនីរ័ត្ន ដែល​ជា​រដ្ឋមន្ត្រី​ក្រសួង​សេដ្ឋកិច្ច និង​ហិរញ្ញវត្ថុ មិន​គួរ​បណ្តោយ​ឲ្យ​លោកទី ប៊ុន​ឡង់ ប្រធានការិយាល័យ គយ​ច្រកទ្វារ​អន្តរជាតិ​ព្រំ និង​លោក សំ សុវណ្ណារិទ្ធ ប្រធាន​សាខាគយ ខេត្ត​ប៉ៃលិន​ឃុបឃិត​គ្នា​ប្រព្រឹត្ត​អំពើ​ពុករលួយ​បន្តទៅទៀត​នោះ​ទេ => ក្រុមហ៊ុនមេ​ឈ្មួញ តាំង អៀង​កំពុង​បំផ្លាញ​ព្រៃឈើ​ជិត​រលាយ​អស់​ហើយ តែ​លោក​អភិបាលខេត្ត​ពោធិ៍សាត់​រក្សា​ភាពស្ងៀមស្ងាត់ => ​សម្តេច​តេជោ ហ៊ុន សែន អញ្ជើញ​ដឹកនាំ​គណៈប្រតិភូ​កម្ពុជា​ទៅ​ចូលរួម​វេទិកា «​ខ្សែក្រវាត់ និង​ផ្លូវ​» លើក​ទី​២​នៅ​ទីក្រុង​ប៉េកាំង ប្រទស​ចិន => ​លោក​ពេជ្រ កែវ​មុនី ដែល​ទើប​តែងតាំង​ជា​អភិបាល​ខណ្ឌមានជ័យ​មិន​ហ៊ាន​ប៉ះពាល់​មិនមាន​ចំណាត់ការ​បង្ក្រាប​ហ្គេម​បាញ់​ត្រី​ទាល់តែសោះ​? => ​លោក​មួន សេង​សុ​ពិសិដ្ឋ​កំពុង បើ​ដៃ​ឲ្យ​លោក​មេ​ប៉ុស្តិ៍ ឈ្មោះ​ចាន់​ដា​រា ហៅ​យ៉ាត​ស្រង់ដើម​បន្ទាប់ពី​ទទួល​បាន​តំណែង​មេ​វ​រះ => ​ក្នុងចំណោម​ឈ្មួញ​ធំៗ​នៅ​ខេត្ត​ក្រចេះ គឺ​ឈ្មួញ​ឈ្មោះ ចែ​នី សម្រុក​ដឹកជញ្ជូន​ឈើ​ចេញ​ទៅ​ប្រទេស​វៀតណាម​យ៉ាង​ពេញបន្ទុក​ដោយសារ​មាន​ការឃុបឃិត​បើកដៃ​ពី​សំណាក់​មន្ត្រី​ជំនាញ​និង​សមត្ថកិច្ច​តាម​ដងផ្លវ​ជា​អ្នកសម្របសម្រួល => មានក្រុម​ឈ្មួញ​អ្នកមាន​លុយ អ្នកមានអំណាច បាន​ចាក់ដី​លុប​ឆ្នេរសមុទ្រ នៅ​ភូមិ​ជ្រោយ​ស្វាយ​រាប់រយ​ហិច​តា យក​ធ្វើជា​កម្មសិទ្ធិ​ផ្ទាល់ខ្លួន => មន្ត្រី​ជំនាញនិង​សមត្ថកិច្ចបើក​ដៃឲ្យឈ្មួញ​ដឹកជញ្ជូន​ឈើចេញ​ទៅស្រុកយួ​នស្របពេលលោក​ យិន ចំណានស្នងការ​នគរបា​លខេ​ត្តរតនគិរីមិនចាត់វិធានកា​រទប់ស្កាត់បទ​ល្មើស​ព្រៃ​ឈើ => ឈ្មួញ​ឈ្មោះ ភារ​ម្យ និង​ឈ្មោះ ភា​រ៉ាត់ បង្កើន​សកម្មភាព​ដឹកជញ្ជូន​ ឈើ​តាម​រថយន្ត​សាំ​យ៉ុង និង​រថយន្ត​កែច្នៃ​ពី​តំបន់ ​ស្រែ​ស្បូវ ខេត្តក្រចេះ ឆ្លងកាត់​ខេត្ត​ត្បូងឃ្មុំ ចូលទៅ​ខេត្តព្រៃវែង ដោយ​គ្មាន​មន្ត្រី​ជំនាញ​ឬ​សមត្ថកិច្ច​ពាក់ព័ន្ធ​ណា​ហ៊ាន​ប៉ះពាល់​ពួកគេ
0

លោក យូ ​ហេងប្រធានសាខាគយ​ខេត្តបាត់ដំបង ប្រើ​តួនាទី​និង​អំណាច​ប្រមូល​លុយ​តាមរបៀប​ពុករលួយ​ដោយ​គ្មាន​ញញើត​អ្វី​ទាំងអស់​

ខេត្តបាត់ដំបង ៖ ប្រភពពីក្រុមឈ្មួញតូចតាចមួយចំនួននិង​មន្ត្រី​គយ​និង​ភ្នាក់ងារ​គយ​ក្នុង​ខេត្តបាត់ដំបង មួយចំនួន​បាន​បង្ហើប​ឲ្យ​ដឹងថា ក្រោយពេល​ត្រូវ​ប្រកាស​តំណែង​ជា​ប្រធាន​សាខាគយ​ខេត្តបាត់ដំបង កាលពី​រសៀល​ថ្ងៃទី​២៣ ខែមករា ឆ្នាំ​២០១៩ គឺ​លោក យូ ហេង ចាប់ផ្ដើម​ប្រើ​តួនាទី​និង​អំណាច​ប្រមូល​លុយ​តាមរបៀប​ពុករលួយ​ដោយ​គ្មាន​ញញើត​អ្វី​ទាំងអស់​។ ប្រភព​បាន​ឲ្យ​ដឹង​ទៀតថា លោក យូ ហេង បាន​យក​បទពិសោធន៍​ដែល​ខ្លួន​ធ្លាប់​ធ្វើជា​ប្រធាន​សាខាគយ​ខេត្តកំពង់ឆ្នាំង និង​ជា​ប្រធាន​សាខាគយ​ខេត្តឧត្ដរមានជ័យ មក​បន្ត​អនុវត្តន៍​នៅក្នុង​ខេត្តបាត់ដំបង ដោយ​គ្មាន​ញញើត​អ្វី​ទាំងអស់​។ ដូច្នេះហើយ​ទើប​មាន​សេចក្ដីអំពាវនាវ​ឲ្យ​លោក អូន ព័ន្ធមុនីរ័ត្ន ដែលជា​រដ្ឋមន្ត្រីក្រសួង​សេដ្ឋកិច្ច​និង​ហិរញ្ញវត្ថុ ក៏ដូចជា​លោក គុណ ញឹម អគ្គនាយក​នៃ​អគ្គនាយកដ្ឋាន​គយ​និង​រដ្ឋាករ​កម្ពុជា ចាត់វិធានការ​ទប់ស្កាត់​អំពើពុករលួយ​និង​ទង្វើ​មិន​ប្រក្រតី​របស់លោក យូ ហេង ប្រធាន​សាខាគយ​ខេត្តបាត់ដំបង ជាបន្ទាន់​។

ប្រភព​ដែល​ស្និទ្ធ​នឹង​លោក យូ ហេង បាន​ឲ្យ​ដឹងថា ក្រោយពេល​ទទួលបាន​តំណែង​ជា​ប្រធាន​សាខាគយ​ខេត្តបាត់ដំបង គឺ​លោក យូ ហេង មិនទាន់​ចាត់វិធានការ​កែទម្រង់​ដើម្បី​លុបបំបាត់​អំពើពុករលួយ​នៅឡើយ​ទេ ហើយ​កំពុង​បណ្ដោយ​ឲ្យ​មន្ត្រី​គយ​តាម​ច្រកព្រំដែន​ក្នុងស្រុក​សំឡូត ស្រុក​សំពៅ​លូន ស្រុក​កំរៀង និង​ស្រុក​ភ្នំព្រឹក ធ្វើ​អ្វីៗ​ស្រេច​តែ​អំពើ​ចិត្ត​។ ប្រភព​បាន​ឲ្យ​ដឹង​ទៀតថា ការដែល​មន្ត្រី​គយ​ប្រចាំ​ច្រកព្រំដែន​ក្នុងស្រុក​ទាំង​៤​ខាងលើនេះ​ហ៊ាន​ឃុបឃិត​បើកដៃ​ឲ្យ​ឈ្មួញ​នាំចូល​ទំនិញគេចពន្ធ ទំនិញ​បង់ពន្ធ​មិន​គ្រប់ និង​ទំនិញ​ខុសច្បាប់​យ៉ាង​ពេញបន្ទុក​គឺ​ដោយសារ​មានការ​ឃុបឃិត​បើកដៃ​ពី​សំណាក់​លោក យូ ហេង ប្រធាន​សាខាគយ​ខេត្តបាត់ដំបង ផងដែរ​។ ប្រសិនបើ​គ្មាន​ការឃុបឃិត​បើកដៃ​ពី​សំណាក់​លោក យូ ហេង គឺ​មន្ត្រី​គយ​ប្រចាំ​ច្រកព្រំដែន​ជាច្រើន​កន្លែង​ក្នុង​ខេត្តបាត់ដំបង មិន​ហ៊ាន​ធ្វើ​អ្វីៗ​ស្រេច​តែ​អំពើ​ចិត្ត​របស់ខ្លួន​ដូច​សព្វថ្ងៃនេះ​ទេ​។

​មន្ត្រី​គយ​នៅក្នុង​ខេត្តបាត់ដំបង មួយចំនួន​បាន​បង្ហើប​ឲ្យ​ដឹងថា ទំនងជា​លោក យូ ហេង ចំណាយ​ដើមទុន​យ៉ាងច្រើន​ក្នុងការ​ទទួលបាន​តំណែង​ជា​ប្រធាន​សាខាគយ​ខេត្តបាត់ដំបង ទើប​មកកាន់​តំណែង​ភ្លាម​ក៏​ចាប់ផ្ដើម​ប្រមូល​លុយ​តាមរបៀប​ពុករលួយ​ដោយ​គ្មាន​ញញើត​អ្វី​ទាំងអស់​។ ក្នុងនោះ​ការឃុបឃិត​ឲ្យ​ឈ្មួញ​នាំចូល​ទំនិញគេចពន្ធ ទំនិញ​បង់ពន្ធ​មិន​គ្រប់ ទំនិញ​ខុសច្បាប់​តាម​ច្រកព្រំដែន​ក្នុងស្រុក​សំឡូត ស្រុក​កំរៀង ស្រុក​ភ្នំព្រឹក និង​ស្រុក​សំពៅ​លូន ធ្វើ​ឲ្យ​រដ្ឋ​ខាតបង់​ចំណូល​ពន្ធ​យ៉ាងច្រើន​សន្ធឹកសន្ធាប់​ក្នុង​មួយខែៗ​។ ដូច្នេះ​លោក អូន ព័ន្ធមុនីរ័ត្ន ដែលជា​រដ្ឋមន្ត្រីក្រសួង​សេដ្ឋកិច្ច​និង​ហិរញ្ញវត្ថុ ក៏ដូចជា​លោក គុណ ញឹម ដែលជា​មេ​គយ​ធំ​មិនគួរ​មើលរំលង​តទៅទៀត​ទេ ព្រោះ​លោក យូ ហេង កំពុង​ប្រើ​តួនាទី​និង​អំណាច​របស់ខ្លួន​ដើម្បី​ប្រមូល​លុយ​តាមរបៀប​ពុករលួយ​ដោយ​គ្មាន​ញញើត​អ្វី​ទាំងអស់​។ ជាពិសេស​លោក ឱម យ៉ិនទៀង ប្រធាន​អង្គភាព​ប្រឆាំង​អំពើពុករលួយ គួរ​បើក​ការស៊ើបអង្កេត​ឲ្យ​បាន​ស៊ីជម្រៅ​ទៅលើ​រឿងអាស្រូវ​ពុករលួយ​របស់លោក យូ ហេង មេ​គយ​ខេត្តបាត់ដំបង ផងដែរ​ដើម្បី​កុំ​ឲ្យ​មេ​គយ​ខេត្តបាត់ដំបង រូបនេះ​ធ្វើ​អ្វីៗ​ស្រេច​តែ​អំពើ​ចិត្ត​របស់ខ្លួន៕

Filed in: សូមរាយការណ៍

Leave a Reply

Submit Comment
ប៉ាកកាអាស៊ី | Pen ASIA ព័ត៌មានថ្មីៗ ទាន់ហេតុការណ៍ ! ទាក់ទងផ្តល់ ព័ត៌មាន តាមទូរស័ព្ទលេខ 012 7533 78 | 096 822 7733 | 088 2227733 ! សូមអរគុណ !

©២០១៨ រក្សាសិទ្ធិ ដោយសារព័ត៌មាន ប៉ាកកាអាស៊ី | Pen ASIA | ទូរស័ព្ទ៖ 012 7533 78 | 096 822 7733 | 088 2227733

សារព័ត៌មាន ប៉ាកកាអាស៊ី Pen ASIA ដំណើរការក្រោមប្រកាសអនុញ្ញាតលេខ ១៥២ ពមប្រក ចុះថ្ងៃទី ១១ ខែមីនា ឆ្នាំ ២០១៩

សហការផ្តល់ព័ត៌មាន៖ 012 7533 78 | 096 822 7733 | 088 2227733 | អ៊ីម៉ែល ៖ mailtobot168@gmail.com