ភ្នំពេញ÷ ទីតាំងល្បែងមាន់ជល់អនឡាញខុសច្បាប់មួយកន្លែងរបស់ឈ្មោះផ្លក់ស្ថិតនៅភូមិទ្រា3 សង្កាត់មានជ័យទី1 ខណ្ឌខណ្ឌមានជ័យរាជធានីភ្នំពេញកន្លងមកត្រូវបានលោកសនភឿនមេប៉ុស៌្តសង្កាត់ស្ទឹមានជ័យទី1 បានធ្វើការបិទមិនអោយដំណើរការអស់មួយរយះមកហើយដោយសារតែបណ្តាញសារព័ត៌មានជាច្រើនអង្គភាពបានចេញផ្សាយរិះគន់ជាបន្តបន្ទាប់។ប៉ុន្តែពេលនេះបានដំណើរការបើកឡើងវិញហើយដោយមហាជបានលើកឡើងថា?ទំនងលោកសនភឿនមេប៉ុស៌្តសង្កាត់ស្ទឹងមានជ័យទី1ជាអ្នកបើកភ្លើងខៀវអោយដំណើរការឡើងវិញដោយផ្គើននិងបទបញ្ជារបស់អគ្គស្នងការនគរបាលជាតិនិងក្រសួងមហាផ្ទៃទៀតផង។
តាមសេចក្តីរាយការណ៍ពីពលរដ្ឋដែលមានផ្ទះសម្បែងនៅជិតបនល្បែងជល់មាន់អនឡាញខាងលើនេះបានអោយដឹងថាទីតាំងបនល្បែងជល់មាន់អនឡាញខុសច្បាប់មួយកន្លែងនេះកំពុងដំណើរការបើកលេងយ៉ាងរលូនដោយមានក្រុមអ្នកញៀនល្បែងទាំងចាស់ទាំងក្មេងពពាក់ពពូនផ្តុំក្បាលគ្នាចូលទៅលេងជារៀងរាល់ថ្ងៃតែម្ដងចុះបើសិនមានផ្ទុះជំងឺកូវីដ១៩ចេញពីវង់ល្បែងមួយនេះតើមានអ្នកណាជាអ្នកទទួលខុសត្រូវ.?។សូមបញ្ជាក់ថា?រាជរដ្ឋាភិបាលកម្ពុជាបានធ្វើការបើកប្រទេសឡើងវិញហើយប៉ុន្តែរាជរដ្ឋាភិបាលកម្ពុជានិងក្រសួងសុខាភិបាលនៅតែបន្តអោយពលរដ្ឋទូទាំងប្រទេសត្រូវនាំគ្នាអនុវត្ត៣កុំ៣ការពារនិង២ចូលរួមដើម្បីទប់ស្កាត់កុំអោយមេរោគកូវីដ19ឆ្លងរីករាលដាលក្នុងសហគម៌ឡើងវិញ។
ប៉ុន្តែផ្ទុយទៅវិញចំណាត់ការរបស់រាជរដ្ឋាភិបាលនិងក្រសួងសុខាភិបាលហាក់មិនស៊ូវមានប្រសិទ្ធភាពនោះទេ?ដោយអាជ្ញាធរមានសមត្ថកិច្ចក្នុងមូលដ្ឋានសង្កាត់ស្ទឹងមានជ័យទី1 ខណ្ឌមានជ័យរាជធានីភ្នំពេញទំនងនាំគ្នាធ្មេចភ្នែកបើកភ្លើងខៀវអោយទីតាំងល្បែងខុសច្បាប់ខាងលើបើកលេងយ៉ាងអនាធិបតេយ្យដោយផ្គើននិងបទបញ្ជារបស់អគ្គស្នងការនគរបាលជាតិនិងក្រសួងមហាផ្ទៃ។ពាក់ព័ន្ធបញ្ហាករណីនេះលោកសនភឿនមេប៉ុស្តិ៍ស្ទឹងមានជ័យទី1 បានប្រាប់សាន់ដេតាមទូរស័ព្ទថា?លោកនឹងចាត់កម្លាំងឱ្យទៅពិនិត្យមើល។ពាក់ព័ន្ធទៅនឹងករណីទីតាំងបញ្ជល់មាន់អនឡាញមួយកន្លែងនេះកំពុងធ្វើអោយពលរដ្ឋនាំគ្នារស់នៅព្រួយបារម្ភភ័យខ្លាចកើតនូវអំពើចោរកម្មនិងបទល្មើសផ្សេងៗទៀតកើតឡើងដូចជាចោរលួចចោរឆក់និងចោរប្លន់ជាដើម។
ដូច្នេះពលរដ្ឋបាននាំគ្នាអំពាវនាវដល់ឯកឧត្តមឃួងស្រេងអភិបាលនៃគណៈអភិបាលរាជធានីភ្នំពេញជាពិសេសលោកឧត្តមសេនីយ៍ឯកសថេតអគ្គស្នងការរងនិងជាស្នងការនគរបាលរាជធានីភ្នំពេញគួរតែមានចំណាត់ការក្តៅចាត់កម្លាំងក្រោមឱវាទចុះត្រួតពិនិត្យទីតាំងល្បែងខុសច្បាប់មួយកន្លែងនេះដែលកំពុងដំណើរការបើកលេងយ៉ាងរលូននៅភូមិខាងលើនេះនិងមានវិធានការទប់ស្កាត់ដើម្បីចាត់កម្លាំងជំនាញចុះធ្វើការបង្ក្រាបតាមគោលនយោបាយភូមិសង្កាត់មានសុវត្ថិភាពផង៕
