រសៀលថ្ងៃទី១៤ខែធ្នូឆ្នាំ២០២១ឯកឧត្តមបណ្ឌិតជាមច័ន្ទសោភ័ណអភិបាលខេត្តនិងជាប្រធានគណកម្មាធិកាសាខាកាកបាទក្រហមខេត្តត្បូងឃ្មុំបានអញ្ជើញទទួលជែលលាងដៃចំនួន៦៧៣កេស ស្មើនឹង១,០៧៦៨ដបជាអំណោយដ៏ថ្លៃថ្លារបស់សម្តេចកិត្តិព្រឹទ្ធបណ្ឌិតប៊ុនរ៉ានីហ៊ុនសែនប្រធានកាកបាទក្រហមកម្ពុជាតាមរយៈលោកជំទាវម៉ែននារីសោភ័គអគ្គលេខាធិការរងទីមួយកាកបាទក្រហមកម្ពុជាផ្តល់ជូនសាខាកាកកាទក្រហមកម្ពុជាខេត្តត្បូងឃ្មុំ។
ជែលលាងដៃដែលផ្តល់ជូនទាំងនេះនឹងត្រូវបានចែកជូនដល់រដ្ឋបាលខេត្តមន្ទីរសុខាភិបាលខេត្តមន្ទីរពេទ្យបង្អែកមណ្ឌលសុខភាពទូទាំងខេត្តមន្ទីរ–អង្គភាពជុំវិញខេត្តនិងអនុសាខាកាកបាទក្រហមទាំង០៧ក្រុង–ស្រុក។
ក្នុងឱកាសនោះលោកជំទាវម៉ែននារីសោភ័គអគ្គលេខាធិការរងទី១កាកបាទក្រហមកម្ពុជាបានពាំនាំប្រសាសន៍របស់សម្តេចកិត្តិព្រឹទ្ធបណ្ឌិតប៊ុនរ៉ានីហ៊ុនសែនប្រធានកាកបាទក្រហមកម្ពុជាដែលផ្តាំផ្ញើសួរសុខទុក្ខថ្លែងអំណរគុណនិងកោតសរសើរចំពោះជួរគណៈអភិបាលកងកម្លាំងមានសមត្ថកិច្ចនិងអាជ្ញាធរដែនដីគ្រប់លំដាប់ថ្នាក់នៃខេត្តត្បូងឃ្មុំក៏ដូចជាគណៈកិត្តិយសគណៈកម្មាធិការមន្ត្រីបុគ្គលិកយុវជននិងអ្នកស្ម័គ្រចិត្តទាំងអស់នៃសាខាកាកបាទក្រហមកម្ពុជាខេត្តជាពិសេសក្រុមគ្រូពេទ្យជួរមុខទាំងអស់ដែលបានលះបង់យ៉ាងធំធេងក្នុងការចូលរួមទទួលខុសត្រូវទប់ស្កាត់ការចម្លងវីរុសកូវីដ–១៩។
លោកជំទាវបន្តថាស្របពេលដែលកាកបាទក្រហមកម្ពុជាទទួលបានការឧបត្ថម្ភជាជែលលាងដៃពីក្រុមហ៊ុនហ័នយ៉ាហ៊ឺចុង(ខេមបូឌា) ត្រេឌីងឯ.កជំហានទី១ចំនួន១៦,២០០កេស(ស្មើនឹង២៥៩,២០០ដប) ភ្លាមៗនោះផងដែរសម្តេចកិត្តិព្រឹទ្ធបណ្ឌិតប៊ុនរ៉ានីហ៊ុនសែនបានចាត់ឱ្យមន្ត្រីទីស្នាក់ការកណ្តាលចុះប្រគល់ជែលទាំងអស់ជូនដល់សាខាកាកបាទក្រហមកម្ពុជានិងមន្ទីរពេទ្យបង្អែកនៅទូទាំង២៥រាជធានី–ខេត្តដែលជាប្រតិបត្តិករជួរមុខប្រយុទ្ធនឹងជំងឺកូវីដ–១៩ជាពិសេសដើម្បីលើកកម្ពស់ការអនុវត្តយុទ្ធសាស្ត្ររបស់រាជរដ្ឋាភិបាលដោយផ្តោតលើការពង្រឹងសមត្ថភាពរបស់បុគ្គលិកសុខាភិបាលនៅតាមមន្ទីរពេទ្យបង្អែកខេត្តក្រុងស្រុកនៅទូទាំងប្រទេសក្នុងការព្យាបាលជំងឺជូនប្រជាពលដ្ឋនៅតាមមូលដ្ឋានរៀងៗខ្លួន។
ទន្ទឹមនឹងនោះលោកជំទាវសង្ឃឹមជឿជាក់ថាខ្លឹមសារនៃយុទ្ធសាស្ត្រស្តីពី«ការរស់នៅតាមគន្លងប្រក្រតីភាពថ្មីក្នុងបរិបទនៃជំងឺកូវីដ១៩» នឹងជ្រួតជ្រាបកាន់តែច្បាស់ដល់ប្រជាពលរដ្ឋយើងដើម្បីធានាបាននូវស្ថិរភាពនៃការបើកដំណើរការប្រទេសឡើងវិញនិងស្តារសេដ្ឋកិច្ចសង្គមឡើងវិញ។
មានប្រសាសន៍នាឱកាសនោះឯកឧត្តមបណ្ឌិតជាមច័ន្ទសោភ័ណប្រធានគណៈកម្មាធិការសាខាកាកបាទក្រហមកម្ពុជាខេត្តត្បូងឃ្មុំក៏បានថ្លែងអំណរគុណយ៉ាងជ្រាលជ្រៅចំពោះសម្តេចកិត្តិព្រឹទ្ធបណ្ឌិតប៊ុនរ៉ានីហ៊ុនសែនប្រធានកាកបាទក្រហមកម្ពុជាដែលតែងតែបានគាំទ្រនូវសកម្មភាពមនុស្សធម៌របស់សាខាជាពិសេសសម្តេចកិត្ដិព្រឹទ្ធបណ្ឌិតប៊ុនរ៉ានីហ៊ុនសែនដែលតែងតែយកចិត្តទុកដាក់គិតគូរពីសុខភាពនិងសុខទុក្ខរបស់ប្រជាពលរដ្ឋជាពិសេសការផ្តល់ជែលលាងដៃនាពេលនេះពិតជាមានសារៈសំខាន់សម្រាប់មន្ត្រីតាមគោលដៅក្នុងការរួមចំណែកទប់ស្កាត់ការចម្លងវីរុសកូវីដ១៩នៅតាមមូលដ្ឋាននានាក្នុងការជួយទំនុកបម្រុងថវិកាសម្ភារៈយ៉ាងច្រើនសន្ធឹកសន្ធាប់ក្នុងអំឡុងពេលនៃការប្រយុទ្ធជាមួយជំងឺកូវីដ១៩កន្លងមកឱ្យមានប្រសិទ្ធភាព៕
