ខេត្តត្បូងឃ្មុំ៖នៅរសៀលថ្ងៃទី០៥ខែមេសាឆ្នាំ២០២២ឧត្ដមសេនីយ៍ត្រីម៉ុនមាគ៌ាស្នងការនៃស្នងការដ្ឋាននគរបាលខេត្តត្បូងឃ្មុំបានអញ្ជើញជាអធិបតីដ៏ខ្ពង់ខ្ពស់ក្នុងពិធីប្រកាសផ្ទេរភារកិច្ច តែងតាំងមុខតំណែង បំពាក់ឋានន្ដរស័ក្ដិ និងប្រគល់ប័ណ្ណសរសេីរ លិខិតសរសេីរ ជូនមន្រ្ដីនគរបាលជាតិចំណុះស្នងការដ្ឋាននគរបាលខេត្តត្បូងឃ្មុំនៅសាលប្រជុំធំនៃស្នងការដ្ឋាននគរបាលខេត្តត្បូងឃ្មុំ។ក្នុងពិធីនេះដែរមានការអញ្ជើញចូលរួមពីលោកលោកស្រីឧត្តមសេនីយ៍វរសេនីយ៍ស្នងការរង មេបញ្ជាការវរសេនាតូចនគរបាលការពារព្រំដែនគោកលេខ៦១៥និង៦១៧លោកនាយ–នាយរងការិយាល័យនិងពលនគរបាលចំណុះស្នងការដ្ឋានផងដែរ។
ក្នុងឱកាសនោះដែរឧត្តមសេនីយ៍ស្នងការបានមានប្រសាសន៍ផ្តាំផ្ញើដល់មន្ត្រីនគរបាលទាំងអស់ដែលទើបទទួលតំណែងនិងតម្លើងឋានន្តរស័ក្តិព្រមទាំងទទួលបានលិខិតសរសើរត្រូវខិតខំបំពេញភារកិច្ចដែលថ្នាក់លើប្រគល់ជូនអនុវត្តតួនាទីភារកិច្ចតាមឋានានុក្រមដើម្បីបម្រើប្រទេសជាតិនិងប្រជាពលរដ្ឋឱ្យបានកាន់តែល្អប្រសើរ។ការប្រកាសតែងតាំងនិងតម្លើងឋានន្តរស័ក្តិដោយសារការខិតខំប្រឹងប្រែងបំរើការងារមិនខ្លាចនឿយហត់កន្លងមករីឯអ្នកមិនទាន់បានតែងតាំងនិងបំពាក់ឋានន្តរស័ក្តិគឺថ្នាក់លើនឹងរៀបចំជូនពេលក្រោយ។
ជាងនេះទៅទៀតសូមឱ្យនគរបាលទាំងអស់ត្រូវមានសាមគ្គីភាពផ្ទៃក្នុងល្អមានទំនាក់ទំនងល្អជាមួយមន្ទីរអង្គភាពស្ថាប័នផ្សេងៗពិសេសបងប្អូនប្រជាពលរដ្ឋហើយបន្ដខិតខំអនុវត្តគោលនយោបាយភូមិ–សង្កាត់–ឃុំមានសុវត្ថិភាពទាំង៧ចំណុចរបស់រាជរដ្ឋាភិបាលហើយសូម“អរគុណសន្តិភាព” ដែលធ្វើឱ្យប្រទេសជាតិមានការរីកចម្រើនដូចសព្វថ្ងៃ៕
