ត្បូងឃ្មុំ)៖ព្រឹកថ្ងៃទី១៨ខែឧសភាឆ្នាំ២០២២នេះនៅសាលាស្រុកពញាក្រែកខេត្តត្បូងឃ្មុំ បានធ្វើការរៀបចំដំណើរការដាក់ដេញថ្លៃជាសាធារណៈនូវគម្រោងសា្ថបនានិងសាងសង់ផ្លូវចំនួន០៤ខ្សែរួមមាន៖ឃុំដូនតីសាងសង់ផ្លូវបេតុងអាមេ០១ខ្សែរមានប្រវែង៣០០មឃុំវាលម្លូរសាងសង់ផ្លូវបេតុងអាមេ០១ខ្សែរមានប្រវែង៣០០មឃុំកណ្តោលជ្រុំសាងសង់ផ្លូវបេតុងអាមេ០១ខ្សែរមានប្រវែង៤៤៩មនិងឃុំកក់សាងសង់ផ្លូវបេតុងអាមេ០១ខ្សែរមានប្រវែង៣៥០មដើម្បីអភិវឌ្ឍន៍ហេដ្ឋារចនាសម្ព័ន្ធនានាក្នុងមូលដ្ឋានស្រុកពញាក្រែកក្រោមវត្តមានលោកសុខមករាអភិបាលរងស្រុកពញាក្រែកលោកវ៉ាគឹមហេងនាយកទីចាត់ការផែនការនិងវិនិយោគខេត្តដោយមានការចូលរួមពីលោកនាយករងទីចាត់ការផែនការនិងវិនិយោគខេត្តមេឃុំនិងគណកម្មការឃុំទាំង៤មន្រ្តីបច្ចេកទេសតំណាងក្រុមហ៊ុនដេញថ្លៃនិងអ្នកពាក់ព័ន្ធផងដែរ។
នាឱកាសនោះលោកសុខមករាបានមានប្រសាសន៏លើកឡើងដោយសង្កត់ធ្ងន់ថារាល់ការបើកសំណើរដាក់ដេញថ្លៃលើគម្រោងមូលនីធិឃុំ/សង្កាត់ចាំបាច់ត្រូវអនុវត្តន៏គោរពតាមគោលការណ៏អោយបានត្រឹមត្រូវទៅតាមនីតិវិធីលទ្ធកម្មដែលមានចែងក្នុងសៀវភៅណែនាំស្ដីពីការអនុវត្តន៏គម្រោងមូលនីធិឃុំ/សង្កាត់ជាធរមានធានាបានតម្លាភាពយុត្តិធម៌គុណភាពដែលរដ្ឋបាលមូលដ្ឋានទទួលយកបានទាំងអស់គ្នា។
ដោយបន្ទាប់ពីបានដំណើរការបើកឯកសារសម្រាប់ដាក់ដេញថ្លៃរបស់បណ្តាក្រុមហ៊ុនដែលបានចូលរួមដេញថ្លៃរួចមកលោកសុខមករាក៏បានមានប្រសាសន៏បន្ថែមថាតាមទិដ្ឋភាពជាក់ស្តែងការដេញថ្លៃគម្រោងមូលនិធិឃុំ/សង្កាត់នេះគឺបានប្រព្រឹត្តទៅប្រកបដោយតម្លាភាពនិងត្រឹមត្រូវតាមច្បាប់និងលក្ខខណ្ឌនៃការដេញថ្លៃខណៈប្រធានគណៈកម្មការលទ្ធកម្មយល់ព្រមទទួលយកគម្រោង។
នាឱកាសនោះដែរលោកវ៉ាគឹមហេងនាយកទីចាត់ការផែនការនិងវិនិយោគខេត្តមានប្រសាសន៏ថាក្រោយពីដំណើរការដេញថ្លៃត្រូវបានបញ្ចប់សូមលោក–លោកស្រីជាក្រុមហ៊ុនទទួលបានសិទ្ធទទួលការទាំងអស់ត្រូវអនុវត្តន៏អោយបានត្រឹមត្រូវតាមបទដ្ឋានបច្ចេកទេសដោយធ្វើយ៉ាងណាអនុវត្តគម្រោងសាងសង់ផ្លូវទាំងនេះប្រកបដោយគុណភាពបម្រើផលប្រយោជន៏ជូនប្រជាពលរដ្ឋបានយូអង្វែងទន្ទឹមគ្នានេះសូមបន្តចូលរួមអនុវត្តអោយបានខ្ជាប់ខ្ជូនតាមវិធានរបស់រាជរដ្ឋាភិបាលក៏ដូចជាក្រសួងសុខាភិបាលដើម្បីផុតពីជំងឺកូវីដ–១៩។
សូមជម្រាបថា៖ជាលទ្ធផលក្នុងកិច្ចដំណើរការបើកសំណើរដេញថ្លៃគម្រោងស្ថាបនានិងសាងសង់ផ្លូវទាំង០៤ខ្សែខាងលើនេះសម្រាប់គម្រោង៖ឃុំដូនតី សាងសង់ផ្លូវបេតុងអាមេ០១ខ្សែរមានប្រវែង៣០០មបានទៅលើលោកហួតឆៃលីមជាតំណាងក្រុមហ៊ុនហួតឆៃលីមមានប៊ីតដាក់ចូលរួមពីក្រុមហ៊ុនដេញថ្លៃចំនួន០៤/ ឃុំវាលម្លូរសាងសង់ផ្លូវបេតុងអាមេ០១ខ្សែរមានប្រវែង៣០០មបានទៅលើលោកសៅបូរ៉ាស៊ីជាតំណាងក្រុមហ៊ុនសៅលីនដាមានប៊ីតដាក់ចូលរួមពីក្រុមហ៊ុនដេញថ្លៃចំនួន០៥/ ឃុំកណ្តោលជ្រុំសាងសង់ផ្លូវបេតុងអាមេ០១ខ្សែរមានប្រវែង៤៤៩មបានទៅលើលោកសៅបូរ៉ាស៊ីជាតំណាងក្រុមហ៊ុនសៅលីនដាមានប៊ីតដាក់ចូលរួមពីក្រុមហ៊ុនដេញថ្លៃចំនួន០៤និងឃុំកក់សាងសង់ផ្លូវបេតុងអាមេ០១ខ្សែរមានប្រវែង៣៥០មបានទៅលើក្រុមហ៊ុនហ៊ន់សោភ័ណ្ឌមានប៊ីតដាក់ចូលរួមពីក្រុមហ៊ុនដេញថ្លៃចំនួន០៥សរុមក្រុមហ៊ុនចូលរួមដេញថ្លៃចំនួន១៨ប៊ីតផងដែរ៕
