ខេត្តកែប ៖ រដ្ឋបាលស្រុកដំណាក់ចង្អើរ សូមជូនដំណឹងដល់បណ្តាក្រុមហ៊ុន/សហគ្រាស(គិតទាំងសហគ្រាសឯកត្តបុគ្គល)ទាំងអស់ដែលបានចុះបញ្ជីត្រឹមត្រូវក្នុងព្រះរាជាណាចក្រកម្ពុជា អោយបានជ្រាបថា រដ្ឋបាលស្រុកដំណាក់ចង្អើរ នឹងដាក់ឱ្យពិគ្រោះថ្លៃជាសាធារណៈ ដើម្បីជ្រើសរើសអ្នកទទួលការ ធ្វើការងារលូប្រអប់ទោល ៣មX២ម មានទ្វារទឹកនិយ័តករ ភូមិភ្នំលាវ ១ គម្រោងស្ថិតនៅភូមិភ្នំលាវ ឃុំពងទឹក ស្រុកដំណាក់ចង្អើរ ខេត្តកែប ដែលមានប្រអប់ទោល ៣មX២ម មានទ្វារទឹកនិយ័តករ ស្មើនឹងទឹកប្រាក់ចំនួន ៥៩,៨៥០,៧៧៥ ៛ ហាសិបប្រាំបួនលាន ប្រាំរយហាសិបពាន់ ប្រាំពីរយសិចសិបប្រាំរៀលគត់ ។
ស្រុកដំណាក់ចង្អើរ បានរៀបចំឯកសារសម្រាប់លក់ជូនក្រមហ៊ុន/សហគ្រាសដើម្បី បំពេញចូលរួមពិគ្រោះថ្លៃឯកសារ ពិគ្រោះថ្លៃមានដាក់លក់នៅអង្គភាពលទ្ធកម្មរបស់រដ្ឋបាលស្រុកដំណាក់ចង្អើរ ដែលមានអាស័យដ្ឋាន ភូមិភ្នំលាវ ឃុំពងទឹក ស្រុកដំណាក់ចង្អើរ ខេត្តកែប ចាប់ពីថ្ងៃពុធ១កើត ខែមិគសិរ ឆ្នាំកុរ ឯកស័កព.ស២៥៦៣ ត្រូវនឹងថ្ងៃទី២៧ ខែវិច្ឆិកា ឆ្នាំ២០១៩ តទៅរៀងរាល់ម៉ោងធ្វើការ (ទូរស័ព្ទទាក់ទងលេខ:០៧៧ ៧៣ ៦០ ៧៨/០៦៨ ៤៨ ៣៨ ៨៨) ។
ឯកសារពិគ្រោះថ្លៃដែលបានបំពេញរួច ត្រូវប្រគល់ជូនអង្គភាពលទ្ធកម្មយ៉ាងយូរបំផុតត្រឹមថ្ងៃពុធ ១៥កើត ខែមិគសិរ ឆ្នាំកុរ ឯកស័កព.ស២៥៦៣ គ្រវថ្ងៃទី១១ ខែធ្នូ ឆ្នាំ២០១៩ វេលាម៉ោង១១:៣០នាទី រៀងរាល់ម៉ោងធ្វើការ ។
ការបើកសំណើរពិគ្រោះថ្លៃ នឹងប្រព្រឹត្តទៅនៅអង្គភាពលទ្ធកម្មស្រកតាមអាស័យដ្ឋានខាងលើ វេលាម៉ោង ២:៣០ នាទីរសៀលថ្ងៃពុធ១៥កើត ខែមិគសិរ ឆ្នាំកុរ ឯកស័កព.ស២៥៦៣ ត្រូវថ្ងៃទី១១ ខែធ្នូ ឆ្នាំ២០១៩ វេលាម៉ោង២:៣០នាទី រសៀលត្រូវនឹងថ្ងៃទី១១ ខែធ្នូ ឆ្នាំ២០១៩ ។
ក្រុមហ៊ុន/សហគ្រាសដែលមានសម្ព័ន្ធភាពជាមួយគ្នា ឬមានប្រភពតែមួយអាចដាក់សំណើពិគ្រោះថ្លៃបានតែមួយគត់។ ក្រុមហ៊ុន/សហគ្រាស ដែលមានបំណង ចូលរួមពិគ្រោះថ្លៃ សូមអញ្ជើញទាក់ទងជាមួយអង្គភាពលទ្ធកម្មដើម្បីទិញឯកសារពិគ្រោះថ្លៃ និងសាកសួរព័ត៌មាន ដែលទាក់ទងនឹងការពិគ្រោះថ្លៃនេះ ។
