ខេត្តកំពង់ធំ៖រឿងប្រពន្ធលោកមេប៉ុស្តិ៍ទំរីង ស្រុកសណ្តាន់ ខេត្តកំពង់ធំ សុខចិត្តចិញ្ចឹមកូនពីរ និងរ៉ាប់រងបំណុលជាង១០មុឺនដុល្លារដែលបានខ្ចីពីធនាគារយកមកបំពេញ កិត្តិយសនិងផ្គាប់ចិត្តប្តី អោយមានមុខមាត់និងតួនាទីជាមន្រ្តី តែភាពឡូយឆាយនិងមុខដំណែងធ្វើអោយបុរសអាយុជាង៥០ឆ្នាំរូបនោះ ក្លាយជាធុងទឹកឃ្មុំនៃពពួកពីងពាងទាំងឡាយ។នេះជាការរៀបរាប់របស់ស្រ្តីជាប្រពន្ធ កាលពីយប់ថ្ងៃទី០៤ ខែកក្កដាឆ្នាំ២០២២ កន្លងទៅនេះ។
លោក ពាន ផាន់និត(ហៅម៉ៅ)មានតួនាទីជាមេប៉ុស្តិ៍ទំរីង ស្ថិតនៅភូមិទំរីង ឃុំទំរីង ស្រុកសណ្តាន់ ខេត្តកំពង់ធំ ត្រូវបានស្រ្តីជាប្រពន្ធប្តឹងទៅកាន់អង្គភាពសមីនិងស្ថាប័នតុលាការ ក្នុងរឿងផិតក្បត់ ដែលបានចុះចោលប្រពន្ធជាច្រើនខែ ដោយនាំយកទ្រព្យសម្បត្តិជាច្រើន ទៅសោយសុខជាមួយសាហាយស្មន់របស់ខ្លួន ដែលជានារីបម្រើការងារនៅហាងផឹកសុីមួយកន្លែងក្នុងខេត្តកំពង់ធំ។
លោកស្រីបន្តទៀតថា លោក ពាន ផាន់និត(ហៅម៉ៅ)ជាបុរសពោះម៉ាយ និងរូបគាត់ជាស្រ្តីមេម៉ាយក្នុងអំឡុងឆ្នាំ២០១៣ពួកគាត់ទាំងពីរនាក់បានចាប់ដៃគ្នាសែនព្រេនធ្វើជាប្តីប្រពន្ធដោយមានចាស់ទុំទាំងសងខាងដឹងឮនិងមានសៀវភៅគ្រួសារទៀតផង។ក្នុងជីវភាពជាប្តីប្រពន្ធផ្អែមល្ហែមបានតែដំបូងប៉ុណ្ណោះ ជារើយៗលោកម៉ៅតែងតែដើរផឹកសុីនិងប្រើហិង្សាមកលើរូបគាត់ តែមិនបានចុះចោលផ្ទះដូចពេលនេះទេ ក្រោយពេលមានហិង្សាម្តងៗ គាត់តែងលូនក្រាប សុំខមាទោស ឪពុកម្តាយ របស់ខ្ញុំនិងសុំជានា គ្នាវិញ។លោកស្រីបន្តទាំងហូរទឹកភ្នែកទៀតថាដើម្បីបំពេញមុខមាត់ប្តីនិងកិតិ្តយសប្តីនឹងគិតថាគាត់កែរប្រែហើយ លោកស្រីសុខចិត្តខ្ចីលុយធនគាររាប់មុឺនដុល្លារដើម្បីរត់ការយកដំណែងមេប៉ុស្តិ៍ និងទិញរថយន្តទំនើបមួយគ្រឿង ម៉ាក់ធុនត្រាអោយគាត់ទៀតផង។
ក្នុងឆ្នាំ២០២០ដំណែងមេប៉ុស្តិ៍ធ្លាក់មកដូចបំណង តែចរិកផិតក្បត់របស់ប្តីមិនបន្ថយទេគឺរឹតតែបន្ថែម ដំណែងមេប៉ុស្តិ៍រកលុយបានកាន់តែច្រើន ធ្វើអោយគាត់ភ្លើតភ្លើនភ្លេចអស់ប្រពន្ធកូន ទៅរស់នៅសោយសុខជាមួយនឹងសាហាយស្មន់ ដល់ថ្នាក់បែកធ្លាយរូបភាពផ្អែមល្ហែមស្រើបស្រាល ធ្វើអោយនាងខ្ញុំស្ទើរគាំងបេះដូងស្លាប់ម្តងៗទៀតផង។
លោកស្រីអំពាវនាវសូមក្រសួងមហាផ្ទៃ និងលោក ម៉ែន លី ស្នងការនគរបាលខេត្តកំពង់ធំ មានវិធានការនិងចាត់អធិការកិច្ច សើបអង្កេតរឿងនេះផង ដើម្បីកុំអោយប៉ះពាល់ដល់កិតិ្តយស នគបាលជាតិ។
